拒性感 阿雪推job
孫慧雪(阿雪)、莊思明、鄧佩儀同岑杏賢出席活動，四位靚女中以莊思明穿性感紅色大露背裙最搶鏡！至於最近憑劇集《純熟意外》演「乾物女」楊言愛，而被封網絡女神嘅阿雪表示，除多謝網民支持，亦因此工作量大增！當中更有廣告客戶邀請佢拍攝時，需要性感演出！但阿雪卻推掉工作，點解呢？
阿雪雖然減少性感演出，但大家可以重溫佢呢輯性感圖集，又或者欣賞阿雪於《純》劇中嘅破格乾物女角色都得！
不為錢而暴露
問到點解推job，阿雪表示拍廣告時，最多會穿熱褲健康性感而己，唔會為錢而太暴露︰「因為個客要我着三點式做sit up，太唔合理喇！」
情侶檔搵銀
同楊明熱戀中嘅莊思明春風滿面，表示樂意同男友情侶檔拍廣告。思明又大讚男友好細心，事關對方得知佢以前養嘅愛犬已離世，日前特意送隻柴犬俾佢，令佢甜在心頭！
