楊怡

拖4女遊澳洲 萬能謙謙冧爆楊怡

楊怡同羅仲謙結婚一年多,恩愛程度有增無減,視老婆如珠如寶的謙謙,當然想盡快同老婆生番個得意B,日前,謙謙就安排澳洲造人之旅,同老婆去浪漫的澳洲黃金海岸再度蜜月,享受陽光與海灘,實行放鬆心情趕緊造人。

撰文:東方新地

圖片:東方新地、楊怡 Instagram

萬能老公羅仲謙

好男人謙謙當然唔係只顧冧老婆,此行更帶埋岳母、媽咪、家姐同行,唔介意一個男人做阿四服侍成團女人,除了搬運工人、司機、攝影師、導遊一腳踢,謙謙更加做埋人肉提款機,全程包起所有開支。楊怡揀到如此好老公,真係幸福滿瀉!

楊怡
1月23日傍晚六時許,羅仲謙推住行李車同老婆以及岳母,一齊行去會合已在機場等候他們的媽咪及家姐,然後一齊去check In。

幫手 Check In

楊怡
謙謙推住一車行李,幫忙去check in,不過楊怡亦唔係翹埋手,同老公一齊安排。

推行李

楊怡
謙謙呢個萬能老公,梗唔使班女人操勞,推行李車重任,全程由他一手包辦!

兩家聯誼

楊怡
今次澳洲旅行預埋兩邊媽咪,又帶埋家姐同行,仲係坐商務位,謙謙出錢出力製造機會畀長輩聯誼,兩家人一齊享受家庭樂!

變搬運工人

楊怡
羅仲謙同老婆及岳母乘坐 七人車到達機場,謙謙一 落車已經好快手同司機合 力搬行李落車,完全唔使女士們操勞。

好啱傾

楊怡
羅仲謙對岳母照顧有加,楊怡同奶奶感情亦一樣好,出發去澳洲當日,楊怡同謙謙家姐更邊行邊傾得好開心!

兼任領隊

楊怡
同四個女人去旅行,謙謙一早準備好晒行程,去到當地更加係自駕遊!真係少啲魄力都唔得!出發當日,他就如同領隊,帶眾人浩浩蕩蕩行去過關入閘準備上機!

等埋老婆

楊怡
羅仲謙坦言同生命中四個最重要女人去旅行,見他如同領隊帶頭行,過咗關都停低回頭望老婆,等埋老婆及家人先一起繼續行。

停工調理

楊怡羅仲謙姊弟戀開花結果,婚後謙謙對老婆更愛護有加,去年底楊怡拍畢《再創世紀》,宣布停工調理身體,作好準備ready生BB,羅仲謙講到明等老婆休息吓,自己孭起頭家全面配合,日前趁假期陪老婆去澳洲黃金海岸再度蜜月。

楊怡

緊張陪玩

據知情者透露:「阿怡拍劇拍咗幾個月,成日捱更抵夜,謙謙都好心痛,今次特登安排旅行當再度蜜月,陪老婆一齊放吓假,等阿怡可以放鬆心情玩,訂機票、酒店、plan行程,由佢一手 包辦,知道老婆怕凍,就趁住呢排香港氣溫急降,揀去澳洲黃金海岸享受陽光海灘,等老婆過一個熱辣辣嘅冬天,佢仲帶老婆去玩水上滑梯,阿怡不知玩得幾盡興!」

楊怡
羅仲謙安排的澳洲之旅,更同楊怡去玩水上滑梯,兩公婆一齊玩,謙謙衝落滑梯一刻,兩度緊張回頭望老婆,,貼心程度直教人羨慕!

楊怡

楊怡
羅仲謙到達終點,一樣係立即回頭望老婆,行為舉動比佢一身肌肉更吸引,Sweet到呢!
玩完水上滑梯,楊怡露出燦爛笑容,老公羅仲謙就甜上心頭,一樣咁開心!
玩完水上滑梯,楊怡露出燦爛笑容,老公羅仲謙就甜上心頭,一樣咁開心!

相處融洽

絕對係「愛妻號」的羅仲謙,知老婆鍾意熱鬧,同奶奶又相處融洽,今次造人之旅亦唔係單過二人世界,謙謙帶齊一屋女人包括岳母丶媽咪同家姐去旅行。據知情人士透露:「謙謙份人好細心,錫老婆仲錫埋岳母,對岳母一樣無微不至,佢一路都好想帶兩邊媽咪一齊去旅行,咁佢哋又唔會咁悶,大家又可以玩得盡興啲,雖然謙謙明知成團得佢一個男人要一腳踢做晒所有嘢,除咗一早安排晒所有行程,去到當地又要負責揸車,搬搬抬抬當然都係佢,又要幫手揸機影相又要睇地圖,真係做唔停手,但謙謙一啲唔覺辛苦,反而好enjoy!」

楊怡楊怡

請假做阿四

事實上,婚後搬入大埔比華利山愛巢,謙謙因為老婆錫媽咪,亦預埋岳母一齊住,完全係老婆控的他,即使同老婆各有各忙,但工作一定先就老婆工作表。據知情者透露,之前楊怡因拍《再創世紀》,幾個月以來都要凌晨起身開工,謙謙就每日都做司機,半夜起身接送老婆,令楊怡非常感動。

「上年10月楊怡要去布拉格拍《再創世紀》外景,撞正佢哋嘅結婚周年,謙謙直頭請假跟埋老婆去,除咗喺嗰邊慶祝之外,佢仲做埋老婆助手,幫阿怡執頭執尾。」難怪唔少人都話楊怡揀到好老公,呢種男人真係邊度搵。