ft pic

推埋牆抽水 阿佘色誘古仔:我pat pat喺度!

劇集《使徒行者》晚晚熱播,而電影版將於下月11號上映。身為兩個版本嘅唯一女主角,佘詩曼當然要搏到盡,尤其電影版有多位重量級男角,包括古天樂、張家輝同吳鎮宇,阿佘唔想淪為花瓶就要犧牲下色相喇!

其他文章:

專出童顏?細寶阿雪原來係中學師兄妹

《一屋老友記》扮廢青 細寶張彥博勁有才華

戲中飾演女臥底阿釘嘅阿佘,因為一單毒品交易案而要調查由古仔飾演嘅古惑仔「少爺」。其中一幕講佢哋晌泳池相遇,古仔當場整蠱阿佘令佢出醜!咪以為阿佘着泳衣就預備紙巾抹鼻血,其實套泳衣不知幾保守,連吳鎮宇都笑佢似中東女性!

收咁多錢片酬,阿佘梗係唔會淨係着一件頭泳衣就算啦!另一場賭場戲,講古仔知道被阿佘跟蹤,即出手玩返佢轉頭,仲推阿佘埋牆非禮,等佢知難而退。唔好以為借位呀,古仔堅係要摸落阿佘pat pat,不過見慣大場面嘅阿佘話完全唔尷尬,仲出言挑逗古仔,「我PAT PAT一直喺度,唔會走位嘅!」

露肉唔係阿佘強項,飾演佢對手嘅韓藉女星Clara就唔同,身材勁到噴血,賣肉呢啲粗重功夫都係留返俾佢啦!

至於觀眾好關心嘅「歡喜哥」許紹雄,電影版都會見到佢!仲有TVB一哥陳豪都有份!

全文完