郭富城

撇女二人世界 郭富城 降呢冧老婆

上年被細22年內地嫩模方媛降服,郭富城由不覊天王變愛妻號兼慈父,下個月女兒Chant就滿一歲,有女萬事足的他,每提起女兒就心心眼慈父相表露無遺,不過,湊女幾緊要都好,郭富城亦不會冷待老婆,一有時間就製造機會冧妻,日前就撇甩囡囡,同老婆外出二人世界歎辣蟹,離開時仲十指緊扣拖到老婆實一實行去攞車,另一隻手就拎住大袋外賣,同一晚城城還充當攝影師幫老婆街拍,郭天王放下天王身份冧妻,可見城嫂地位幾咁超然,真係唔覺意都佢哋閃親!

撰文:東方新地|圖片:新傳媒圖片庫、郭富城IG方媛IG微博

郭富城 回鄉再擺酒

上年娶完老婆又做埋老竇,郭富城半年內升呢做人夫兼人父,完全被方媛收服變愛妻號,行動勝於一切,雖然上年四月已經在半島酒店大排筵席完婚,女兒Chant九月亦出咗世,不過城城就非常細心,為氹老婆及畀足面外家,今年六月底城城陪老婆方媛飛家鄉安徽蕪湖南陵縣補擺喜酒,更放下天王身段,一身樸實簡約打扮完全融入老婆家鄉拜會鄉親父老,只見城城表現興𡚒不停舉杯親切招呼親友,就算被在場親友狂影,亦毫無架子舉V笑晒開心到四萬咁口,郭天王有幾錫老婆可想而知。

郭富城
六月底,城城回老婆方媛位於安徽蕪湖南陵縣的家鄉再擺酒,更帶埋當時只得9個月大囡囡Chant見鄉親父老,抱住囡囡的城城慈父冧樣盡現,臉仔肥嘟嘟的小公主仲將手仔撳住爸爸胸膛超可愛!

事實上,工作檔期排得緊密的城城,知道老婆怕悶亦唔反對城嫂限量地工作。三月方媛產後首度復工出席美髮產品活動,城城更派出經理人小美全程傍實老婆,相當細心。據知情者透露:「城城始終工作太忙,怕Moka (方媛) 湊女辛苦,專登接埋岳父岳母嚟香港住,喺寓所樓下租多個單位,方便佢哋照顧個女又可以湊孫,佢知道老婆仲好大癮想做嘢,亦唔反對城嫂間中做吓Model,只要唔太辛苦唔影響湊女就得!」

郭富城
著住黑色polo恤的城城,貼地又親民,情緖高漲逐枱同親友敬酒,囡囡Chant由工人抱住。

分享湊女喜悅

一向低調的城城,過去極少談論家人,但自從有咗小公主Chant,城城完全被女兒融化,每次出活動,都會開心分享湊女喜悅,他就形容女兒大眼睛似自己:「抱住囡囡,就好似湊住迷你版嘅自己一樣,感覺好微妙,呢一刻家庭好圓滿。」日前城城出席活動,提到囡囡快將一歲,城城表示向公司申請假期陪女慶祝。以往工作狂的城城,現在工作完畢,即歸心似箭趕返家陪囡囡玩。

城城早前更在大坑寓所樓下租多個單位,安排岳父岳母來港居住,方便照應及湊孫。

密做追仔

天王變住家男,十月就53歲的城城亦想盡快一家三口變四口,開行Turbo追多個仔湊個好字,不用開工就爭取時間努力造人。據知情者透露:「佢寧願自己辛苦啲,點忙都要攝時間陪老婆去玩,四月結婚一周年,佢雖然拍緊戲,都專登請假,陪咗老婆去杜拜旅行慶祝,一嚟趁機享受吓二人世界,加上去旅行心情特別放鬆希望可以快啲造人成功,依家有個女,佢都想快啲追多個仔!自從佢做咗爸爸,佢發覺有咗小朋友有種特別幸福嘅感覺,一家人湊住BB嗰份開心真係難以形容,特別佢媽咪湊孫不知幾咁開心!始終老人家都想有男孫繼後香燈,所以城城都有啲心急想老婆快啲陀B,了咗媽媽嘅心願!」

四月結婚一周年,城城專登安排杜拜之旅,同老婆慶祝兼密密造人,希望盡快追仔成功。

巡迴造人

快將展開100場「舞林密碼」世界巡迴演唱會,城城已計劃盡量帶埋老婆出埠做騷順便環遊世界造人,廿四孝好老公日前不用開工,就撇甩囡囡陪老婆外出二人世界撐枱腳,兩公婆到灣仔歎辣蟹,離開時城城手上仲攞住大袋外賣,唔知係咪打包返去畀媽媽及岳父岳母享用,行去攞車期間,城城更十指緊扣拖實老婆行,幸福閃爆真係好燦眼!

郭富城
婚後變愛妻號的郭富城,日前撇甩囡囡同老婆方媛外出拍拖撐枱腳,對老婆呵護備至的他,一手拎住大袋外賣,另一隻手就拖實老婆行去攞車。

城城揸機街拍

方媛
方媛放相上社交網,變身Model街拍,原來係由老公揸機。

@mokafy 分享的貼文 張貼

做咗幸福人夫,城城同老婆拍拖遇上記者亦唔再避忌,拎住大袋外賣上車的他,同老婆好有默契大方任影。

郭富城

唔使老婆操勞

城城上到車,先放好外賣再放好自己個背囊,然後準備開車,完全唔使坐喺隔籬嘅老婆操勞一刻。

郭富城

名店掃貨

自從娶咗老婆,不時會見到城城陪老婆方媛行名店,之前又影到城城陪老婆買鞋,錫老婆錫到燶!

郭富城

北京宣傳

有妻有女的城城,早前聯同發哥去北京宣傳電影《無雙》,但仍一有時間就回港陪老婆同囡囡。

郭富城

今年三月城嫂產後復工出席活動,城城經理人小美全程傍實。

愛妻號

同內地嫩模方媛拍拖兩年去年成婚,郭富城對細22年的方媛一直錫到燶。

回鄉攞酒

六月底專登返老婆位於安徽蕪湖南陵縣的家鄉補擺喜酒,穿著Polo恤的城城打扮簡約貼地,完全放下天王身段招呼方媛內地親友,大方任影還舉V字手勢,十分風騷!

郭富城

陪買宵夜

擺完酒當晚,城城深宵再被網友捕獲,陪老婆方媛去便利店買雞腳宵夜。

郭富城

帶見法王

去年10月,城城帶埋產女坐完月的老婆方媛,出席薩迦赤津法王為香港新塔澤堪中心舉行的開光及灌頂儀式。

郭富城

包場睇戲

15年同方媛拍拖不久,城城已在上海包場同女友睇戲,天王變浪漫暖男。

郭富城

晒唔停

成為天王嫂的方媛飛上枝頭,由𡃁模變闊太生活無憂,得老公城城愛錫的她不時在社交網晒幸福。

遊艇出海

今時唔同往日的方媛,除了帶挈父母入住城城大坑豪宅外,坐遊艇出海都係等閒事,早前方媛就開心po出坐遊艇出海照,雖然未有影埋老公城城,但見她舉V晒勝利手勢,就知城嫂幾幸福。

露小手

農曆新年方媛放出抱住女兒的照片,雖然女兒只露出一隻小手臂,已經夠閃。

晒幸福肥

有城城陪返家鄉補擺喜酒,方媛返港即開心大晒幸福,留言話食肥咗要健身減肥。

抱女放閃

今年母親節,又大晒抱女背影,仲留言話「囡囡已經識叫媽媽了!」

@mokafy 分享的貼文 張貼