救護員落車買外賣被指不恰當 網民鬧爆:你返工唔使食飯㗎?

人類有自己嘅生理需要,食飯去廁所係理應嘅事,但係有好多職業可能忙到連飯都無時間食。有網民就喺Facebook群組發文,話喺馬鞍山見到有救護員落車買外賣,認為不恰當,想大家理性討論,結果引嚟大批網民熱列鬧爆。

撰文:東方新地 |圖片:Facebook、TVB劇照

救護員落車買外賣被指不恰當

如果大家最近有睇TVB劇《跳躍生命線》,都會知道做救護員係忙到食食下飯一收到Call都要即刻開工,有時一單接一單,真係連食飯時間都無。有網民喺Facebook群組「馬鞍山之友」發文:「今日下午3:45-4:00見到兩架白車到頌安,以為有大件事,原來佢哋落車買外賣,我冇影相,但我認為不恰當,所以想大家理性討論…」。

不過大批網民見到就即刻留言鬧樓主,問佢有咩唔恰當,紀律部隊都係人,要食飯等……

樓主見到咁多人鬧自己,就話:「其實100個人有100個諗法,大家都係攞出嚟傾下姐,交換下意見,好多唔知嘅嘢而家咪知囉……我以為馬鞍山之友嘅群組係咁用㗎嘛!」不過就令到更加多人鬧佢喇!

有網民認為樓主唔知係咪曲線幫救護爭取加人工。

有網民指多得樓主出呢個Post,先有咁多人知道救護員人手不足。

有網民話大把師兄無飯食,一去車就無得返局,仲有師兄之前做攀山Case因為體力透支要其他師兄救,希望大家唔好少少事就Call車。

救護員都係人,先唔講樓主 將呢件事擺上網是啱定錯,不過救護員人手不足問題又真係需要正視嘅!

讀者留言