文凱玲

【荷里活有個大老千】港姐出身 做過空姐!孝順文凱玲:一半人工畀屋企

「晶女郎」文凱玲近年她每部影視作品都有驚喜帶給觀眾,每次都以不同形象示人,有性感、型格、傻大姐等,例如在《冒險王衛斯理》中的金短髮型Look及《賭城群英會》中的宅女Look都引起網友討論,而喺出緊街嘅新劇《荷里活有個大老千》中,佢飾演年輕女演員明珠,當中仲有唔少性感歌舞嘅演出場面。現實中,文凱玲都係美貌與智慧並重,佢喺香港大學心理學系畢業,做過空姐,而身為家中長女嘅佢更加每月都把一半人工交畀父母,真係顧家又孝順!

撰文:東方新地 圖片:新傳媒圖片、TVB劇照、文凱玲微博

文凱玲 角色多元化

於《荷里活有個大老千》中,扮演經理人瑪利蓮的李施嬅,率領旗下的年輕女演員三位年輕女演員明珠(文凱玲飾)、芬芳(陳雅思飾)和小燕(劉溫馨飾)入娛樂圈!

文凱玲
經理人瑪利蓮(李施嬅飾)帶着旗下的三位年輕女演員明珠(文凱玲飾)、芬芳(陳雅思飾)和小燕(劉溫馨飾)入片場尋找演出機會!

文凱玲節食保身形

身穿性感舞衣的文凱玲於劇中扮演舞蹈團成員,會有不少跳舞戲分。文凱玲直言要保持身形,所以經常想快點完成跳舞戲便可以大吃大喝。她說:「拍埋今晚終於可以吃,放縱少少。」

對於跟鄭則士合作,文凱玲大讚這位前輩對後輩很好,無論演戲節奏上同對白表達方式也得益很多。

 

 

文凱玲
「晶女郎」文凱玲,同王晶個女王子涵在劇中有不少對手戲!

李施嬅表示第一次和文凱玲飾、陳雅思、劉溫馨合作,其中陳雅思更係首次拍劇,所以拍劇期間,李施嬅好似前輩咁睇住佢哋。

 

文凱玲 天使面孔 魔鬼身材

文凱玲之前喺王晶劇《賭城群英會》中飾演電腦宅女黃小南,同阿佘、高Ling為三師姐妹,劇多數戴眼鏡、以馬尾look示人,成個密實乖乖女咁!雖然Connie呢個角色有啲傻氣,並不賣弄性感,但劇情需要都會以短褲仔短裙仔上陣,大晒美腿,而喺早前播出嘅一集,就見到佢着住件低胸小背心同超短睡褲仔,即時將人氣高幾班嘅阿佘同高Ling比下去!

 

泳衣戲勁吸眼球

王晶出品例必大灑鹽花,而《賭城群英會》早前有場泳衣戲,高海寧當然搶鏡,但亦有不少巴打大讚文凱玲 身材均稱,兩位性感女神,真係勢均力敵。

Connie擁33D上圍加42吋美腿,喺《賭城群英會》中鮮有性感演出,呢一幕算罕有喇!

「掹車邊」選港姐 落選做夜蒲女

2010年無綫放寬港姐參選的年齡資格,由25歲增至27歲,當時27歲嘅文凱玲放棄空姐一職,以高齡姿態選港姐,但最後八強止步,同屆冠、亞、季軍分別係陳庭欣、張秀文同莊思明。落選後,文凱玲並沒有和無綫簽約,但獲李蘊經理人賞識簽約為旗下藝人,先後參演多部電影,包括錢國偉執導嘅《喜愛夜蒲2》、《喜愛夜蒲3》,以及《黑色喜劇》等,不過全部做閒角。

 

 

文凱玲於2010年以27歲「高齡姿態」參選港姐,但最後與獎項無緣。

 

做晶女郎全裸騷股

及至2014年,文凱玲與王晶簽約成為星王朝旗下藝人,先後被安排拍電影《唐伯虎衝上雲霄》及三級片《鴨王2– 雞同鴨戀 》、《賭城風雲II》等,其中《鴨》片因尺度大膽由原來IIB級變為III級,女主角Connie因此淪為三級女星。佢又表示,除咗《鴨王2 – 雞同鴨戀 》之外,每套電影都同屋企人一齊睇,當中《唐伯虎衝上雲霄》有一幕係好清楚見到佢背面嘅下半身啦,但文爸爸安然接受,令佢好放心,佢指自己的人生要由自己決定。

 

 

 

 

 

Connie話從未想過能成為三級女星︰「當年選完港姐,第二日就繼續做番空姐,只係間中客串吓電影,點知晶哥搵我,喺電影《唐伯虎之衝上雲霄》飾演秋香,全裸騷股,都有同屋企人商量過,佢哋俾我好大自由度,叫我自己做決定。」

雖然要犧牲色相,但Connie認為很值得,「比起之前真係多咗機會發揮,多謝晶哥提拔同俾咗唔少意見我。」

派傳單幫補家計

近年文凱玲在影壇上工作量有增無減,收入大增,但佢斷唔會因此而做大花筒。形象性感嘅Connie是家中長女,也是經濟支柱之一。Connie的爸爸任職地盤工人,母為家庭主婦,家中有一弟一妹,懂事的她自小認為身為長女要為屋企出一分力,所以早喺15歲時她為幫補家計做兼職派傳單,在香港大學心理學系畢業後出來社會工作,Connie更把一半人工交給父母,其餘大部分人工儲起,以避不時之需,識諗又顧家。

Connie經常作性感演出及打扮,又是「晶女郎」,令人有無限聯想,但現實中Connie好顧家,更畢業於香港大學心理學系。

 

《賭》劇請來30年未有拍無綫劇的謝賢演出,Connie話和多位前輩合作獲益良多。

Connie和妹妹Macy感情要好,之前妹妹生日佢都抽空食生日飯慶祝!

而2017年妹妹Macy結婚嘅大日子,文凱玲仲做姊妹團成員送佢出嫁!

Macy結婚當日,文凱玲和父母、弟妹全家人齊齊整整影咗張全家福,她事後也在微博大方分享!

近年文凱玲剪咗一頭短髮,唔知你哋覺得佢長髮定係短髪靚啲呢?

 

延伸閱讀:

《荷里活有個大老千》 鄭則仕憑4幕演技大爆發

《荷里活有個大老千》出街後引嚟唔少觀眾注意,劇迷對劇集有讚亦有彈,不論你係讚定彈,當中有一樣要讚嘅就係劇入面一班老戲骨嘅好戲程度!皆因首兩集中,主角鄭則仕(Kent哥)被湯鎮業打斷手以及入獄前被暴打一幕等,Kent哥都令觀眾隔住個mom都feel到有幾痛!現年67歲嘅鄭則仕多年拍劇無數,曾獲第5及16屆香港電影金像獎最佳男主角,以及第2屆香港電影金紫荊獎最佳男主角,演技被受肯定!

相信唔少人對鄭則仕曾扮演嘅智障人士「肥貓」都有好深刻嘅印象,不過Kent哥並冇因此而被定型,反而多年嚟不斷試唔同嘅戲路,當中有嚴肅嘅正劇、喜劇、鬧劇等,演技不斷提升到更高層次!

近日Kent哥喺《荷》嘅頭兩集已經演技大爆發,完美示範出點樣演飾多個「痛」樣,每個痛樣都足以令觀眾隔住個mon都知有幾痛,同痛又有分幾多種!

完美演釋不同的痛

《荷》第一集,Kent哥因大師兄龐峰(秦沛飾)出賣而被擒,龐峰更為弟弟報仇與Kent哥玩一局定輸贏,決定要千門事千門了!點知輸咗嘅Kent哥仲要俾華探長文雄(湯鎮業飾)用煙灰缸打斷手,睇到咁大個玻璃煙灰缸打落去都唔好話唔驚兼唔痛!

然而,Kent哥喺戲中為咗唔喺咁多人面前知到佢有幾痛,每下被煙灰缸打落去都死忍,唔會痛到嗌出聲,而Kent哥痛苦表情亦相當到位,睇到人心都痛埋一份!

其後,第二集就講Kent哥喺警局被屈打成招嘅過程,雖則呢場戲Kent哥一句對白都冇,但唔少觀眾睇到無辜嘅佢被一班警察隔簿打心口呢個過程都感到好心悒!

雖然Kent哥被警察又用拳打面又用鐵鎚打心口,但依然默不作聲,表情到位,絕對表現出盲目忍痛嘅感受!

而當大師兄龐峰探監時,已經被打至傷痕纍纍嘅Kent哥連一句清晰嘅說話都講唔到!Kent哥仲要憑身體最微弱嘅力氣問與對方之間嘅恩怨係咪可以一筆勾銷,期間當中嘅委屈及Kent哥流出嘅口水都可以話好有戲!

最後,女友百合(張慧儀飾)去到獄中探監提出分手,呢場分手戲Kent哥由重遇女友嘅喜悅表情,到後來聽到被分手嘅心痛,當中欲哭卻無淚,內心嘅悲痛絕非眼淚能表達,令人非常心痛劇中嘅Kent哥!

被打至眼腫面腫嘅Kent哥見到女友百合好開心
其後被分手而變失落、傷心、難過