BA

新劇三度抽起 陳智燊淪為炮灰

 

緊接《火線下的江湖大佬》大結局後,原定由陳智燊、黃智雯及李思捷孭飛嘅新劇《爸B有話兒》於本月30日首播,但為搶收視,TVB決定作出調動,改由吳啟華、蔡思貝及李施嬅主演嘅《純熟意外》頂上!《爸》劇繼《末代御醫》及《火》劇後第三次讓路,陳智燊再次淪為炮灰,認真慘情!

對此,TVB企業傳訊部宣傳科副總監曾醒明表示:「係節目編排策略上調動,無綫每年有幾百小時劇集,各有唔同品種,劇種會因時制宜作出適當編排,但呢套劇唔會唔出街,會稍後適當時間安排出街。公司方面會同製作部、監製、參與演員短期內舉行聚會,安撫番同解釋公司調動策略。」

另外,TVB深宵時段方面亦作出調動!食住黎明近期大熱之勢,原定安排本月31日繼《寵物情緣》後,重播黎明主演《回到未嫁時》,依家改為同樣係黎明擔正嘅《人在邊緣》!曾醒明說:「無綫認為《人》劇比較上好啲。(之後續播黎明嘅劇?)係有咁嘅打算,但都要視乎觀眾反應,公司手上都有好多黎明其他嘅作品,可能性極高。」

如欲率先接收資訊,請讚好我們的FB專頁並於「已讚好」選單設定「搶先看」,多謝支持。
網址:www.facebook.com/orientalsundayhk

延伸閱讀:

黎明十大好人好事

X-Men異能女神噴血真身