新劇撬黃翠如牆腳 張曦雯演活最強小三

要數近期hit爆嘅女神,非 張曦雯 (Kelly)莫屬!2012年中華小姐冠軍Kelly除咗美貌與智慧並重,身材仲玲瓏浮凸,加埋43吋超索長腳,簡直係perfect!Kelly早前直播打機激動爆粗,頓時令一班網友覺得佢又親民又「貼地」。而日前J2播岀的中韓合拍劇《7日羅曼史》中,Kelly做第二女主角,而且做小三搶好友黃翠如嘅未婚夫陳智燊,其中Kelly衣著夠晒性感迷人,更同陳智燊喺辦公室偷情,唔少網民都話想搵佢做小三呀!

打機爆粗夠貼地

有着華姐冠軍的美貌與氣質、外國回流英文一流,Kelly雖然個人背景及美貌都被指「離地」,但原來都有非常麻甩的一面!Kelly上月29日開設twtitch戶口,直播自己玩大熱喪屍遊戲《Resident Evil 7》,高峰期有逾二千人收看!見到索顏戴眼鏡的Kelly打機時非常肉緊,表情多多,時而大笑時而扁嘴,玩得興起時仲狂爆英文粗口!

最強小三登場

喺《7日羅曼史》中,Kelly同翠如BB係大學同學兼多年老友,不過竟然搭上好姊妹嘅男友陳智燊!而且喺劇中嘅衣著打扮夠晒進擊,首先佢以開窿低胸晚裝岀場,又喺翠如BB面前同陳智燊扮唔識,個帶少許奸詐嘅笑容真係好嫵媚!

之後到deep V薄紗睡衣出場,令人不禁想入非非,難怪陳智燊會俾佢撬走啦!

辦公室偷情

之後Kelly同陳智燊喺辦公室激戰,坐喺對方大腿上面錫鼻都甩咁滯,非常火辣!好睇到想再encore!今次Kelly捨棄女神高貴形象,一班男網民都讚佢完全冇得輸,仲話想搵Kelly做小三多過做女朋友!

愛人結婚了 新娘不是我

全不知情嘅翠如BB一心以為可以同陳智燊繼續走下去,誰不知對方已經決定同另一人結婚,仲要係自己十幾年好姊妹!遇到呢啲場面,就好似Kelly劇中句對白:「到依家都冇咩可以解釋啦。」

最後翠如BB漫係目的在街上散心,然後(在劇情安排下) 巧遇同樣係失戀嘅韓仔安信源,結果兩人竟然齊齊喺巴士上面喊出嚟!相信係另一段情緣的開始……

全文完