新聞女王大結局︱陳山聰演活智障爸爸 內地網民洗版式狂讚視帝級演技

陳山聰演活智障爸爸喪女之痛

《新聞女王》大結局劇情講述，飾演陳山聰的女兒嘉嘉突然去世，智障爸爸陳山聰為了查明真相，去到幼稚園脅持多名小朋友。當「Man姐」佘詩曼到場訪問陳山聰時，陳山聰發揮視帝級演技，完美演繹出一個父親失去女兒的痛心和絕望，將智障爸爸一角演繹得淋漓盡致。陳山聰早前接受傳媒訪問時指，今次客串的角色非常難演，所以特意請來一名戲劇老師全程作指導，雖然角色的情緒起伏很大，但演完之後覺得「好爽」，是近年喜歡的角色之一。

陳山聰：其中一個真係都幾難演嘅角色

予人感覺有型有款的陳山聰，這次放下型仔外表飾演來自基層家庭的輕度弱智爸爸，無論舉手投足、表情聲線，甚至是背影都入型入格，完全沒有半點「陳山聰」味，並演活了失去女兒的痛心、無助及絕望，難怪成功入圍今屆男配角十強。談到是次角色，視帝級的山聰亦坦言頗有難度：

「我相信係我入行以嚟其中一個真係都幾難演嘅角色，當時鍾澍佳總監製同我講要拍呢個角色時，我都『嘩！』我開頭仲同阿佘講我嚟客串同佢玩兩場戲，我諗住好似Bosco（黃宗澤）咁著套西裝行行企企講兩句對白架啫，冇諗過要搞成咁！作為一個演員可以遇到真係有一定難度嘅角色其實係開心嘅。」

雖然只是客串性質，但山聰依然認真對待角色，並專誠找來教開方法演技的戲劇老師一起研究：

「我哋用咗好多時間去諗到底呢個角色嘅輕度弱智要去到幾多呢？點樣分輕重呢？因為大家都對陳山聰有固有印象，佢突然做個咁嘅角色大家會唔會認同，如果一做錯咗就會有反效果。」

陳山聰坦言與阿佘對戲是享受：佢已經係超班

對於今次同Man姐對戲，陳山聰又感激佘詩曼謂：

「真心今次唔係因為阿佘我都唔會遇到一個咁好嘅角色，回想返以前同佢合作，佢已經係超班。今次同佢演咗一場好戲，一如以往佢非常有感染力、好易就畀佢帶到入戲，所以拍攝過程好享受，真心希望將來有機會同佢再玩過。」

他續指單是為了角色造型已很頭痛：「因為之前仲拍緊《奪命提示》，所以髪型有所限，原本係梳落嚟直頭髪，但係點整佢哋都係話太有型，想老土啲。真心我依個髪型係我爸爸以前電過嘅，我係參考佢（35年前）嘅髮型。」並謂雖然只是拍了三天，但感覺卻和拍了「三十集冇分別」：「第一日朝早06起身已經開始入狀態，直至收工返到屋企已經攰到咩咁。第二日繼續，過程辛苦但非常享受。」

內地網民洗版式狂讚：看哭了！

今次陳山聰演技大爆發，獲內地網民洗版式留言激讚：「事實證明，有演技的人，小配角也可以演得出彩」、「畢竟係視帝，有實力」、「今次山聰真係演得唔錯。有90年代tvb那味，提升演技不少」、「看哭了，身為一個父親…」等等。 陳山聰本尊亦現身內地社交平台，逐一留言向內地網民道謝，非常親民。 陳山聰接受訪問時亦指看到網上很多人支持，感到非常開心。 同時也很慶幸《新聞女王》咁火如此爆，希望能參與續集。

網民指出唯一Bug位：髮型有點出戲

雖然今次陳山聰演活智障爸爸一角大獲好評，但亦有網民發文指出陳山聰角色的唯一美中不足：「第一次見輕度弱智、單親家庭相依為命、家庭環境一般（較差），還頂著那麼好看的，甚至炫酷的髮型，非常出戲，整部戲最大的bug」、「他的髮型有點出戲，已經傻了還天天搞髮型」、「我之前看到有一個評論說『他是弱智，髮型師又不是弱智』笑死我了」等。

大結局彩蛋 《金宵大廈》CP再度重聚

此外，有內地網民指出今次陳山聰的客串，有可能是為了《金宵大廈3》埋下伏線。有網民腦洞大開，為編劇寫新劇本，指《新聞女王》中的飾演「張家妍」的李施嬅，其實是《金宵大廈2》另一平行時空的「CoCo」，令這對經典「金宵CP」中再度重聚。不少網民都留言表示諗得過：「旭輝同Coco再重聚」、「你把我想看的都寫出來了，求編劇拍出來」、「我中意呢個結局」等。