方紹聰

方紹聰借醉爆料 郭子豪做老襯娶鄧卓殷 何廣沛係愛情動作片網站VIP

最新娛聞

廣告

做兄弟真係有今生冇來世,方紹聰奶仔、郭子豪與何廣沛因為合作拍《食腦喪B》而結緣,三人更走在一起成立《食腦 BrainStorming》頻道,一齊搞創作拍片賺錢。日前他們拍了一條片考驗彼此友誼,邊飲邊答問題,飲大兩杯的方紹聰竟然狂爆料,娛樂性非常豐富!

撰文:東方新地 圖片:《食腦》影片截圖、[email protected]_liza

方紹聰拍片考驗兄弟情

近日《食腦 BrainStorming》頻道拍了一條新片,片中方紹聰奶仔、郭子豪與何廣沛要進行默契大考驗,導演不停發問關於三人的私人問題,只要他們同時答對就得分,不過他們有很多題都答案有分歧,期間更一度笑言覺得友誼崩潰。

方紹聰 奶仔、郭子豪及何廣沛拍片考驗兄弟情。
奶仔、郭子豪及何廣沛拍片考驗兄弟情。(圖片來源:《食腦》影片截圖)
方紹聰 其中一條問題是遇火警,會救邊個先?
其中一條問題是遇火警,會救邊個先?(圖片來源:《食腦》影片截圖)

奶仔紅都面晒

最開頭的問題都圍繞三人的相識及結盟經過,只見奶仔面色愈來愈紅潤,導演問若然遇上火警只可救走一人,他們分別會選擇邊個?給果郭子豪揀何廣沛,何廣沛都係揀自己,得奶仔揀郭子豪,原因竟然係:「我哋三個入面,得佢(郭子豪)有女朋友要照顧又就快結婚,我覺得你要照顧Amber(鄧卓殷)吖嘛!」郭子豪與鄧卓殷低調拍拖約兩年從無公開認戀情,今次奶仔爆響口真夠兄弟!

方紹聰 奶仔明顯飲大兩杯亂爆料,他表示揀救郭子豪是因為他要照顧女朋友鄧卓殷,而且仲就快結婚。
奶仔明顯飲大兩杯亂爆料,他表示揀救郭子豪是因為他要照顧女朋友鄧卓殷,而且仲就快結婚。(圖片來源:《食腦》影片截圖)
方紹聰 郭子豪無辜被爆料。
郭子豪無辜被爆料。(圖片來源:《食腦》影片截圖)
方紹聰 郭子豪和鄧卓殷從沒有公開放閃亦沒承認戀情,連「合照」亦基本上是「大合照同框」,唯一一次被公開合照是與汪阿姐去行山!
郭子豪和鄧卓殷從沒有公開放閃亦沒承認戀情,連「合照」亦基本上是「大合照同框」,唯一一次被公開合照是與汪阿姐去行山!(圖片來源:[email protected]_liza)

何廣沛人不可以貌相

爆完郭子豪好事近,奶仔再公開何廣沛鮮為人知的一面,平時形象健康又乖仔的何廣沛,原來是愛情動片的擁躉,其中一條問題是要答郭子豪最鍾意的「小電影」的主題,可以揀「校園」、「辦公室」及「列車」,奶仔揀「校園」,因為他覺得鄧卓殷似學生妹,而何廣沛揀「列車」,因為覺得郭子豪喜歡變態嘢!當二人為答案而爭拗時,奶仔忽然大爆:「阿廣喺美國嘅時候,佢join咗一個好出名嘅美國網站做VIP,佢嗰時都有share畀我分享,有一日佢同我講冇得再睇,因為佢個account畀人hack咗,佢仲話嗰時係特價先買……」全場笑到噴飯,何廣沛當場尷尬得很,激氣到講不出聲!

方紹聰 其中一條問題是估郭子豪最鍾意睇嘅小電影主題。
其中一條問題是估郭子豪最鍾意睇嘅小電影主題。(圖片來源:《食腦》影片截圖)
方紹聰 何廣沛被揭是美國一個小電影網站的VIP。
何廣沛被揭是美國一個小電影網站的VIP。(圖片來源:《食腦》影片截圖)
方紹聰 何廣沛笑得好尷尬,嬲到咬牙切齒。
何廣沛笑得好尷尬,嬲到咬牙切齒。(圖片來源:《食腦》影片截圖)

真情流露有共同目標

講完搞笑事,三人又轉回正經話題,大講理想及向共同目標進發,奶仔不停酒後吐真言,自認欠缺自信,怕拖累兩位兄弟演藝事業,場面非常感人。對於飲大兩杯在片中爆料,奶仔說:「佢哋係咁灌我飲,搞到我爆咗好多佢哋平時唔會同記者講嘅話題 ,哈哈!呢一條片我真心覺得拍得唔錯,可以增進我哋嘅兄弟情。」

方紹聰 奶仔喜歡同兄弟一齊攞獎,得到大眾的認同。
奶仔喜歡同兄弟一齊攞獎,得到大眾的認同。(圖片來源:《食腦》影片截圖)
方紹聰 由合作拍劇到自組公司搞頻道拍片,三人都一條心。
由合作拍劇到自組公司搞頻道拍片,三人都一條心。(圖片來源:[email protected]

去片!睇方紹聰爆料

讀者留言