西城秀樹

重溫日本殿堂級歌手昔日風采|西城秀樹珍貴圖寶

日本殿堂級歌手西城秀樹本月16日因急性心臟衰竭逝世,享年63歲。為重溫呢位紅遍全亞洲嘅香港第一代東瀛偶像風采,本刊搜羅咗一批佢七、八十年代經典圖片,有嫩口有大頭、有露肉亦有露股,張張珍貴價值無可估。

撰文:東方新地|圖片:新傳媒圖片庫

西城秀樹82年 Roller王子

高大嘅西城秀樹除咗靚仔,長腿亦係標記,26歲嘅佢著背心短褲踩roller大晒長腿,青春活力澎湃,點估到2003同2011年佢會兩度中風。

西城秀樹

82年 不羈男神

滿咗27歲嘅西城秀樹,著西裝西褲真空打大赤肋,盡顯不羈男神魅力,個樣望落去其實好似張國強。

西城秀樹

84年 迷人的笑容

呢張大頭相中「萬人迷」西城秀樹就嚟30歲,佢就係憑俊俏樣貌同迷人笑容,俘虜亞洲各地萬千歌迷嘅心,令佢紅足廿幾年。

西城秀樹

85年 告別廿字透股

85年西城秀樹推出第五十張細碟《一萬光年之愛》,兼即將告別2字頭踏入30歲,拍裸照作紀念,雖然係透股但比露股更誘惑。

西城秀樹

85年 短髪新look

西城秀樹出道以嚟都係以長髮同Machi髮型示人,額頭長期俾頭髮遮住,踏入30歲以短髮新look示人,令人耳目一新。

西城秀樹

85年 頭號fans梅艷芳

歌后梅艷芳除咗係西城秀樹頭號fans,仲係佢歌迷會副會長,兩人情同兄妹,相中西城85年來港亮相《歡樂今宵》,梅姐全程陪伴並同場接受訪問。

西城秀樹

86年 露股寫真集

86年31歲嘅西城秀樹推出寫真集《BODY》,首次露出激罕優質靚股,並露點露格肋底毛,史無前例咁大膽,當年震撼整個日本藝能界。

 

西城秀樹

87年 參演港產片

87年西城秀樹參演港產片《天使行動》,同李賽鳳、大島由加里、方中信、姜大衛合演,佢飾演天使組織機智俊朗、身手不凡嘅天使一號,片中為查案啜爆李賽鳳,並親身演出槍戰打鬥動面。

西城秀樹

01年 露毛寫真集

01年係45歲嘅西城秀樹出道30周年,宣布結婚同推出紀念寫真集《H45》,喺夏威夷取景充滿大自然美感,除露股外更不時露濃密體毛。

 

西城秀樹

《小丸子》悼念西城秀樹

人氣動畫《櫻桃小丸子》的漫畫原作者櫻桃子是西城秀樹的超級粉絲,1994年曾邀請偶像為《櫻桃小丸子》獻唱片尾主題曲〈跑起來老實人〉,西城秀樹更曾多次在動畫中亮相,在上周日(27日)一集動畫中,就出現答謝西城秀樹的情節。

西城秀樹
小丸子抽得西城秀樹的襟章,決定轉贈身為粉絲的家姐。
西城秀樹
襟章上有「秀樹」的名字和肖像。

故事中「小丸子」的家姐櫻杏子亦是西城秀樹的忠實粉絲,在新一集劇情中,小丸子抽獎抽中了西城秀樹的襟章,決定轉送給身為粉絲的家姐,其後兩姊妹飛奔回家觀看西城秀樹的電視節目,但原來杏子記錯日子,令她非常失望。

西城秀樹
家姐櫻杏子獲贈偶像西城秀樹的襟章非常開心。
西城秀樹
但當她和妹妹小丸子飛奔回家後,得知因為記錯日子,冇得睇偶像的電視節目,變得非常失落。

動畫中可以見到小丸子家中的牆上貼著西城秀樹的海報,而動畫片尾更有西城秀樹獻唱的畫面,並出現「秀樹先生,多謝你」的字幕,借此悼念西城秀樹。

西城秀樹
小丸子家中的牆上貼有西城秀樹的海報。
動畫尾聲出現西城秀樹獻唱的畫面,並寫上「秀樹先生,多謝你」的字幕。

關鍵詞
小丸子