Feature

昔日日劇女神 2017走晒樣

時間就是殘酷,近來不少昔日日劇 女神 、樂壇天后,經不起歲月,變得面目全非,包括有新劇上演的39歲松隆子、31歲人妻上戶彩、37歲仲間由紀惠等,都由女神變大媽,令粉絲大喊當年的幻想崩壞,心都碎埋!

39歲 松隆子 殘爆大媽

曾經係日劇女王的松隆子,去年剛誕女,升呢做人母,近日正密密出席活動宣傳新劇《四重奏》,但出席活動時,就被指皮膚鬆弛,而且皺紋勁多,外表勁走樣!

001

最近松隆子為宣傳新劇密密出席活動,一笑就眼袋皺紋盡現,驚嚇度爆燈!

A2

合埋嘴笑,一樣係面目全非,幾乎認唔出係佢!

002

08年松隆子孖金城武拍電影《怪人二十面相.傳》,仍然好省鏡。

32歲 香里奈 驚變包包面

曾經是人氣女星的香里奈,2014年被爆出不雅照後,形象即時插水,工作量亦大減,直到近日再拍新劇,香里奈出席宣傳活動時,被發現面容浮腫,V面不再,仲激現雙下巴。

New2

香里奈近日密密谷劇,被發現V面變包面,仲有埋雙下巴。

003

2012年香里奈來港出席活動時,擁有漂亮心形面孔。

31歲 上戶彩 婚變激瘦

上戶彩2012年嫁EXILE隊長HIRO,前年誕下女兒,去年驚傳HIRO偷食以致婚姻亮起紅燈,上戶彩更被影到暴瘦到變成皮包骨,連F cup巨乳都縮水剩B cup,認真我見猶憐。

B1

日前上戶彩出席活動,以一頭短髮示人,雖然笑容滿面,避談婚變傳聞,但眼袋勁大,法令紋甚深,相信受婚變傳聞困擾。

B3

昔日未婚的上戶彩樣靚身材正,同現在判若兩人。

37歲 仲間由紀惠 珠圓玉潤

仲間由紀惠近日有新劇《樂園》開播,結婚兩年多的她雖然一直keep住拍劇,但最近被發現成個人變得珠圓玉潤,孕味勁濃,不復昔日索女身材!

C1

仲間由紀惠現在面貌同身形都變得圓碌碌,勁肥美,身上仲着住鬆身裙,疑似有喜。

C2

昔日仲間由紀惠擁有瓜子面和纖瘦身材,是不少粉絲心目中的索爆女神。

關鍵詞
女神日劇