講你都唔信

講你都唔信|曾志偉出山搭檔錢嘉樂主持、搵埋愛將波波黃婧靈做首集嘉賓

最新娛聞

廣告

曾志偉升呢無綫總經理後來,出山主持全新遊戲節目《講你都唔信》,仲搵埋昔日《獎門人》拍檔錢嘉樂,首集搵來23歲愛將波波(黃婧靈)做嘉賓,影大合照都企正隔離,突顯地位﹗

《講你都唔信》曾志偉相隔5年主持綜藝 孖錢嘉樂再合體

曾志偉相隔五年出山主持全新遊戲節目《講你都唔信》,將於下周一起上十時半首播﹗19日,曾經理率領主持錢嘉樂、丁子朗、林秀怡以及嘉賓波波、莊思敏進行拜神儀式。 首集嘉賓有曾志偉愛將波波,她以超緊身背心現身,不時露出黑色bra帶,成功搶晒鏡﹗

曾志偉 曾志偉和錢嘉樂合體主持遊戲節目,話唔係《獎門人》真係講你都唔信﹗
曾志偉和錢嘉樂合體主持遊戲節目,話唔係《獎門人》真係講你都唔信﹗(圖片來源:《無綫娛樂新聞台》截圖)
曾志偉 波波著上超貼身背心上曾志偉、丁子朗主持的全新遊戲節目《講你都唔信》,相當搶鏡﹗
波波著上超貼身背心上曾志偉、丁子朗主持的全新遊戲節目《講你都唔信》,相當搶鏡﹗(圖片來源:《無綫娛樂新聞台》截圖)
講你都唔信 曾志偉 波波台慶穿上性感晚裝,效果超震撼﹗
波波台慶穿上性感晚裝,效果超震撼﹗(圖片來源:IG@krysellawong)

黃婧靈取代JJ「啜波波」?

曾志偉同錢嘉樂呢個組合,好難唔令大家想起《獎門人》,《講你都唔信》首集搵波波打響頭炮,網民即追問是否有意搵「新一代性女」之稱的波波,去取代當年玩「啜波波」JJ(賈曉晨)?波波接受無綫娛樂台訪問時,表示擔任嘉賓所以唔會太緊張,會以輕鬆心情去玩,更笑指男人最叻講大話,怕玩遊戲時遇到男對手會被騙,但未有透露遊戲詳情﹗

講你都唔信 曾志偉 波波企正曾志偉側邊,突顯愛將地位﹗
波波企正曾志偉側邊,突顯愛將地位﹗(圖片來源:《無綫娛樂新聞台》截圖)
講你都唔信 曾志偉 波波 《冇人性教育》波波、JoJo以青瓜戴套,波波拆開避孕套時一臉興奮﹗
近日波波主持J2台《冇人性教育》同另一主持JoJo以青瓜戴套,波波拆開避孕套時一臉興奮,期間又不停尖叫,在節目中示範「最佳懷孕體位」又大方講最佳性伴侶長度,被封「新一代性女」﹗(圖片來源:《冇人性教育》截圖)
講你都唔信 曾志偉 當年JJ賈曉晨在《獎門人》玩「啜波波」現高潮眼,真係超經典﹗
當年JJ賈曉晨在《獎門人》玩「啜波波」現高潮眼,真係超經典﹗(圖片來源:東方新地)

曾志偉:唔想畀人話用《獎門人》去打人

近來無綫綜藝收視未如理想,曾志偉接受傳媒訪問時被問到是否出山救收視?佢就話係「救自己」,自己都好想再出動主持綜藝節目,又指唔擔心收視,因為疫情個個留家,無綫收視一直唔錯,笑指只怕自己拉低收視。曾志偉透露之前有意再搞《獎門人》 :「但係唔想畀人話用《獎門人》去打人﹗」才把計劃擱置,但適逢今年無綫55周年,《獎門人》25周年,有意再搞《獎門人》同大家集體回憶﹗

講你都唔信 曾志偉 《獎門人》今年25周年,曾志偉預告好大機會回歸﹗
《獎門人》今年25周年,曾志偉預告好大機會回歸﹗(圖片來源:東方新地)

回應「閉環式」拍攝 曾志偉:好多人報名

最近傳出無綫有意「閉環式」拍攝三星期,曾志偉回應時指因有禁足、封城的傳聞,娛樂機構要如常提供娛樂給大家,所以擬定一系列電視城的準備,他亦「身先士卒」第一個參加,但由於香港暫時仍未「禁足」,這次「出山」主持就當是預演,曾志偉話:「等大家習慣吓先,好多人報名,節目會有唔同主持同嘉賓,暫定拍三星期﹗」,對於傳聞指「閉環式」拍攝8個節目,他表示原定唔止8個,推行與否要視乎政府政策﹗曾志偉又指本來已安排在露天停車場設置大型帳篷,分開男女,供員工休息﹗問到有否獨立私人空間?曾志偉指可以在內放小帳篷,又指天氣回暖,唔怕風吹兩打﹗

曾志偉 《獎門人》遊戲集集幾乎大同小異,唔知全新遊戲節目《講你都唔信》有冇參考下呢?﹗
《獎門人》遊戲集集幾乎大同小異,唔知全新遊戲節目《講你都唔信》有冇參考下呢?﹗(圖片來源:東方新地)

曾志偉認無綫有500人確診

曾志偉又指「閉環式」原計劃約12人,以司儀為主,又指好多人報名﹗對於有傳無綫有500人 確診,曾志偉證實消息,並指這個數字跟政府指約七個人有一個人相若,公司約有三千多人,他指佔很少部份是在電視城染疫,原定劇組停廠至本月20號的安排,曾志偉透露並非所有劇可以復工,但絕不擔心存貨量,因為公司好多貨咁話﹗

講你都唔信 曾志偉 戴祖儀早前確診,近日康復出關復工﹗
戴祖儀早前確診,近日康復出關復工﹗(圖片來源:FB@戴祖儀)
講你都唔信 曾志偉 新晉小花游嘉欣亦染疫,最近出關即相約緋聞男友林正峰四出遊玩﹗
新晉小花游嘉欣亦染疫,最近出關即相約緋聞男友林正峰四出遊玩﹗(圖片來源:FB@游嘉欣)

又擺馮盈盈、江嘉敏上枱?

《講你都唔信》一共有九集,除了鐵膽錢嘉樂和曾志偉外,據知主持還有馮盈盈、鄭衍峰、丁子朗、方紹聰、江嘉敏、林秀怡等,每集安排三組嘉賓亮相,嘉賓需要猜出誰人是說假話。最近傳出馮盈盈唔聽話被掟入雪櫃,今次解凍全靠曾經理,曾志偉承認是他去搵馮盈盈主持﹗而馮盈盈死對頭江嘉敏都有份,未知會否又安排一起增加節目話題及效果﹗

講你都唔信 曾志偉 解構心機女|江嘉敏寸爆馮盈盈例牌遲到 馮盈盈:上次約出街已經係一年前
馮盈盈和江嘉敏呢反目姊妹,之前被安排一起主持《解構心機女》,馮盈盈「心機」晒線的打扮,完全搶晒江嘉敏fo。

《講你都唔信》究竟係個咩節目?

常見問題

曾志偉出山主持新節目《講你都唔信》會玩什麼遊戲?

新節目將以「娛圈秘聞」為主題,每集請來不同的藝員作嘉賓,分組講故仔…詳情請看

波波黃婧靈擔任新節目《講你都唔信》第一集嘉賓透露了什麼嗎?

波波黃婧靈表示擔任嘉賓玩遊戲並不緊張,而且更指男人最叻講大話?…詳情請看

撰文:東方新地圖片來源:《無綫娛樂新聞台》截圖、IG@krysellawong

讀者留言