曾華倩19歲囝囝Martin 代表香港奪金
撰文：東方新地 ｜圖片：新傳媒圖片庫、曾華倩IG
曾華倩囝囝 贏4 x 100自由式
52歲嘅曾華倩真係冇乜點變，反而19歲嘅囝囝變化最大，竟然已經高過6呎2有高佬之稱嘅袁文傑，真係高大威猛！華倩話：「我依家先知阿仔原來真係咁高，我印象中『高佬』係好高嘅，點知企埋去，阿仔仲高啲，佢依家191 cm。」睇得出，華倩幾咁proud of個仔！更開心嘅係囝囝今次同隊友代表香港出賽，贏埋4 x 100自由式嘅金牌番嚟，為港爭光，做阿媽真係威威㗎！
曾華倩日前喺ig貼咗同鄭浩南嘅合照，佢話：「昨天早上，在機埸偶遇多年沒見的Mark哥鄭浩南，還在同一班飛機去同一地方。真巧合！」
凍齡拍檔
52歲曾華倩同53歲嘅鄭浩南，其實曾經喺91年合作拍過劇集《夢裡伊人》，同劇嘅仲羅嘉良同李婉華，呢日見佢哋嘅合照就見二人好似食咗防腐劑咁，冇乜變樣。
高過袁文傑
曾華倩喺機場除咗撞見鄭浩南，仲撞到袁文傑同吳家樂兩位好友，華倩留言：「他們出發去國內拍攝TVB古裝電視劇。真有緣呢！」相中仲見到華倩個囝囝Martin，唔講唔知，Martin其實係香港泳隊，呢日佢就代表港隊出發去吉隆坡參加「第61屆馬來西亞公開游泳錦標賽」，真叻仔呀！
剛過去嘅母親節，曾華倩仲分別晒出佢同母親及兒子嘅合照慶祝。
Happy Mother’s Day !祝天下間的母親，母親節快樂😍🤗👏❤! 祝我的靚靚媽咪👵，身体健康，和我愛你呀😘!And my family😘😍❤ !Love you all !🤗😘❤
Margie Tsang曾華倩（@tsang_86）分享的貼文 於 張貼
Happy Mother’s Day !❤
Margie Tsang曾華倩（@tsang_86）分享的貼文 於 張貼
曾華倩2002年離婚後，全力照顧兒子林浩賢（Martin），兒子測驗、考試她都陪伴溫習，每天清晨5時更不辭勞苦接載Martin往練水，兒子參加游泳比賽亦定必出席。Martin在泳壇獲取佳績，被譽為「喇沙飛魚」。
單親媽媽不易做，離婚後華倩全副心機培育兒子，Martin兒時送咗張卡畀佢，上面寫上「I LOVE YOU」，華倩收到後忍唔住影相同大家分享仲話開心可以好簡單，睇得華倩真係甜到入心！
睇番華倩真係一個廿四孝媽媽，Martin喺香港訓練或者比賽，華倩都例必到場打氣，就連到外地比賽都一齊去，以行動去支持兒子。
