ft pic

曾被未婚夫虐打 張慧儀靠養子企返起身

曾經索爆娛樂圈嘅性感女神張慧儀,早年因被未婚夫霍紹裘當沙包虐打,一度身心受創,大受打擊,更諗過退出娛樂圈!日前張慧儀為節目《往事.並不如煙之情書》做嘉賓,主動談及家暴一事,透露當年幸好遇上養子Hanson,令佢對人生有番希望,更表示現時囝囝最重要!

延伸閱讀︰

為新劇宣傳 吳卓羲當眾求婚兼咀嘴

唔見肚喎! 陳妍希大肚泳裝曝光

日前張慧儀幫好友黎燕珊主持嘅節目做嘉賓,提起當年被未婚夫霍紹裘虐打後,養子Hanson點樣救返自己一命。張慧儀話件事對佢好大傷害,當時心情好低落又唔敢同屋企人講,於是自己一個避走香港!

後來張慧儀遇上Hanson,原來領養過程並唔簡單:「Hanson有日突然攬住我叫媽媽,嗰刻我好想收養佢,不過當時已經有人申請領養佢,院長亦覺得我只係一時衝動,於是我每日去煮飯畀佢食,暫時照顧佢。然後原本嘅領養者突然放棄領養佢,好自然就畀我收養,咁多年嚟,我一手一腳照顧佢,小朋友畀到我嘅愛,係冇人可以取代到。」

張慧儀一度諗過退出,幸好Hanson令佢重新振作。囝囝有長期病,但張慧儀從未諗過放棄照顧,最近除了積極參與幕前亦有做生意,為兩母子的生活努力!

全文完

關鍵詞
張慧儀