《踩過界》 朱千雪 重投王浩信懷抱
大台劇《踩過界》都播出一段日子,雖然李佳芯飾演的索女法官真係冇得輸,不過網民最期待的始終係 朱千雪 !日前劇情講到千雪BB相隔12年同王浩信重遇,重遇固然感人,奈何女神將另嫁他人!經過一輪發展後,千雪雖然決定跟隨王浩信,但就再次被爸爸單立文施計捉走,面臨毒手,到底下場會係點?
朱千雪 重遇王浩信
朱千雪 同王浩信喺劇中本來係一對戀人,但女方12年前突然失蹤,呢日兩人終於重遇,王浩信呢刻當然死攬到對方實一實唔放!可惜……
可惜的是,千雪多年來被爸爸單立文以王浩信安危脅迫,為保愛人安全,佢只好繼續隱瞞事實。另一方面,佢亦即將同銀行太子爺翟威廉結婚,王浩信得悉後頓時失望至極,傷心欲絕;當然千雪BB亦不好過,流著淚忍痛轉身離去。
獸父單立文教人迷姦自己女兒
千雪跟王浩信走後,與爸爸單立文正式反目,更鬧上法庭申請婚姻無效。最後單立文竟然「出大技」,教翟威廉要要盡快同千雪做對「真夫妻」,更派人用哥羅芳迷暈千雪,送去翟威廉屋企。教人迷姦自己女兒?正一獸父!到底千雪BB最後會點呢?