朱智賢

朱智賢被木蝨咬至雙腳痕痛起水泡 全屋兩度滅蟲 留創傷後遺症

最新娛聞

廣告

擁有一雙長腿的朱智賢,近日拍照都只影半身唔影對腳,原來她的一雙美腿遭殃,被家中木蝨咬至紅腫起水泡,先後進行兩次滅蟲,仲嚴重到留有創傷後遺症,朱智賢雙腿受罪,她怕傷口會留疤,搞到晚晚失眠發惡夢影響日常生活,認真手尾長。

朱智賢 朱智賢近日拍照只拍半身,原來有原因。
朱智賢近日拍照只拍半身,原來有原因。(圖片來源:[email protected]_ellabel)

朱智賢唔怕負面新聞最怕木蝨

無綫劇集《食腦喪B》播完,有份演出的朱智賢,唔怕與車廂偷食黎振燁在劇中的談情戲份,只怕木蝨。朱智賢在社交網寫長文出po,表示最近因為家中的木蝨問題受盡精神困擾,她公開雙腿的自拍照,照片中一雙白滑長腿慘遭咬到一撻撻,紅腫之餘仲滿佈水泡,非常嚇人,睇見到戥佢慘。

朱智賢 朱智賢展示自己雙腳滿佈被木蝨咬的紅點。
朱智賢展示自己雙腳滿佈被木蝨咬的紅點。(圖片來源:[email protected]_ellabel)
朱智賢 除了側面,小腿正面都好嚴重。
除了側面,小腿正面都好嚴重。(圖片來源:[email protected]_ellabel)

朱智賢失眠兼無胃口

朱智賢一雙招牌美腿曝光率高,可惜被木蝨得咬得甚為嚴重,只見她的雙腿滿布多處紅點,由小腿延伸至腳掌位置,她發文表示受家中木蝨困擾足足一個月:「在家裏懷疑發現木蝨嘅蹤影,木蝨呢兩個字聽就聽得多,原來當佢出現喺你屋企嘅時候,係真係好可怕!整整一個月時間受到困擾,咬咗嘅皮膚會又痕又痛起水泡,而被咬嘅次數係每日增加。」朱智賢更指被木蝨咬完每日都會痕醒,已有兩星期失眠,仲嚴重到影響到日常生活,瞓唔安食唔落,腳上的紅點更超過40粒。

朱智賢 朱智賢發長文自爆被木蝨困擾成個月。
朱智賢發長文自爆被木蝨困擾成個月。(圖片來源:[email protected]_ellabel)

朱智賢患創傷後遺症

朱智賢唔止痛在身,就連心理陰影都很大,家中雖然進行了兩次滅蟲,但朱智賢依然唔放心,她坦言自己有「創傷後遺症」,經常發噩夢,又擔心滅蟲後有殘留的滅蟲藥,返家後她要進行徹底家居清潔,所有衣物、櫃、廚房用具都要清洗,又驚影響到家中的愛犬,不過最重要都係對腳,要靠佢搵食,朱智賢話希望腳上疤痕會早日散退。

朱智賢 家中經過兩次滅蟲工程後,朱智賢回家後仍然猶有餘悸,成晚好驚唔係好瞓得著,仲發噩夢,夢見成張床有好多木蝨同牛蜱,總之好多吸血的蟲在她的床。此外,朱智賢又驚有殘留的滅蟲藥會影響兩隻愛犬。
家中經過兩次滅蟲工程後,朱智賢回家後仍然猶有餘悸,成晚好驚唔係好瞓得著,仲發噩夢,夢見成張床有好多木蝨同牛蜱,總之好多吸血的蟲在她的床。此外,朱智賢又驚有殘留的滅蟲藥會影響兩隻愛犬。(圖片來源:[email protected]_ellabel)

朱智賢狂騷長腿

撰文:東方新地圖片來源:[email protected]_ellabel

讀者留言