李亞男

李亞男心急想生BB 向好姊妹鍾嘉欣請教

藝人李亞男日前以大使身份出席灣仔一間學校的慈善活動,並向同學們分享護眼心得。活動中,李亞男透露與老公王祖藍已經努力開始「造人」大計,更指已向好姐妹鍾嘉欣請教生b秘訣!

撰文:東方新地|圖片:新傳媒圖片庫

李亞男恨生bb

現時33歲的藝人李亞男於2015年與王祖藍結婚,至今二人仍未有小朋友,最近佢出席一間學校的慈善活動,向同學仔分享護眼心得之餘,仲同同學仔互動十足。活動中,李亞男透露自己好心癢癢想生bb,皆因唔少身邊朋友就連同助手都經已「造人」成功,所以佢都同老公王祖藍不斷努力中!

王祖藍留港努力「造人」

李亞男更大讚老公祖藍好好,唔單止多咗時間留喺香港,就連有時間都冇點搵朋友,得閒都會留番啲時間俾佢。佢仲話唔想畀壓力老公,所以都係順其自然。

結婚近三年的王祖藍與李亞男,一直未有陀b喜訊傳出。

李亞男得長輩指點

被問到長輩有冇傳授生BB秘方,李亞男就話長輩叫佢哋倆公婆放多啲假,仲話之前佢上綜藝節目贏咗啲「瑪卡」(據知具有生理調節功效),因起初唔知係咩嚟放埋咗一邊,笑言依家要搵番出嚟。

李亞男向好姊妹請教生b秘訣

另外,有記者提到其好姊妹鍾嘉欣已懷有第二胎,會否請教生bb秘訣,李亞男則笑說:「嘉欣真係好勁、好犀利,佢話最緊要放鬆心情,做番自己,我都有煲湯畀自己同祖藍飲,同埋食吓保健食品。」

鍾嘉欣現已懷有第二胎,但最近出席活動,可見佢身形一樣弗爆!
李亞男都要向好姊妹請教生b秘訣!

延伸閱讀:

趙希洛「御用癲婆」係隱形女筍盤 父經營石油生意