ali

愛美麗狂想曲|李佳芯揭前度一腳踏兩船 譚凱琪遇渣男慘變小三

李佳芯、陳豪主演的新劇《愛美麗狂想曲》近日出街,李佳芯在劇中結婚生B,以為一家三口從此幸福美滿下去,卻揭發老公(胡渭康飾)出軌,現實中李佳芯亦自爆曾遇上花心男,背她一腳踏兩船,最後如劇中一樣忍痛分手。

文:東方新地 | 圖:《Tiger’s Talk》發相

李佳芯、譚凱琪、陳瀅、何廣沛、蝦頭楊詩敏為宣傳新劇《愛美麗狂想曲》,齊齊接受伍詠薇、阿Bob林盛斌主持的《Tiger’s Talk》訪問,李佳芯在劇中被小三破壞家庭,失婚她周旋於陳豪和何廣沛之間。

李佳芯、何廣沛、譚凱琪、陳瀅等為《愛美麗狂想曲》宣傳,接受《Tiger's talk》訪問,大談過去感情經歷。
李佳芯、何廣沛、譚凱琪、陳瀅等為《愛美麗狂想曲》宣傳,接受《Tiger’s talk》訪問,大談過去感情經歷。

李佳芯親自揭發舊愛偷食

在節目講及小三的話題,李佳芯笑指入行拍劇初,大部分都是小三角色,但現實中遇過男友有小三,背她一腳踏兩船,李佳芯指前度要去外國讀書,四、五年間,李佳芯守承諾一直單身等男友歸來,終於盼到這一天男友話自己同樣無拍拖,李佳芯話當時以女性特有的直覺男友講大話,後來更親自揭發男友有小三,李佳芯立即提出分手,李佳芯話:「細個覺得有少少大話都容不下,覺得有咗污點,反而依家大個咗諗法唔同,會反問會唔會自己都有問題﹗」李佳芯坦言若遇同樣件事,相信會以不同處理手法,未必立即嗌分手﹗

李佳芯、何廣沛、譚凱琪、陳瀅、蝦頭楊思敏接受《Tiger's talk》訪問,大爆過去感情經歷。
李佳芯、何廣沛、譚凱琪、陳瀅、蝦頭楊思敏接受《Tiger’s talk》訪問,大爆過去感情經歷。

譚凱琪慘做小三

譚凱琪Zoie亦爆曾遇上渣男友,被舊愛瞞騙做了第三者也不知,Zoie話當時男友聲稱已跟前度分手,但拍了好一段日子,在別人口中得知原來自己一直做緊小三,Zoie話:「個男友講大話太叻,我一直信,當時覺得好hurt,晴天霹靂,即刻分手無再聯絡﹗」

陳瀅飲多兩杯,愈講愈high,講到手舞足蹈。
陳瀅飲多兩杯,愈講愈high,講到手舞足蹈。

何廣沛慘被派帽

唔單止李佳芯、譚凱琪曾遇上感情騙子,何廣沛也自爆被被派帽,他表示十多年前在外國讀書時,同女友分手後仍藕斷絲連,感覺似未一齊嘅曖昧期,所以當時感到無所謂可以以另一方式繼續一起,不過何廣沛卻親自目睹女友「劈腿」:「有一日放學返屋企,見到停車場架車有兩個人郁吓郁吓,望真啲係我女朋友,另一個竟然係我室友,真係極難受,嗰時分咗手又冇資格去嬲﹗」

何廣沛原來都做過綠帽俠。
何廣沛原來都做過綠帽俠。
Bob問何廣沛,在座五位女性當中,會揀哪一位做女朋友,何廣沛即時揀了伍姑娘說:「拍過幾次拖,要揀就揀啲未試過嘅類型嘅,夠大反差!」伍姑娘立即把玉手遞給他,何廣沛即時借位錫錫她的玉手,伍姑娘見狀叫何廣沛直接錫落去,何廣沛把頭搶向伍姑娘,伍姑娘話:「嘩﹗你真係夠膽呀喎,衰仔吖!」阿Bob再追問何廣沛如果瘋狂一次,會選蝦頭還是伍姑娘,何廣沛說:「WHY NOT BOTH?」
Bob問何廣沛,在座五位女性當中,會揀哪一位做女朋友,何廣沛即時揀了伍姑娘說:「拍過幾次拖,要揀就揀啲未試過嘅類型嘅,夠大反差!」伍姑娘立即把玉手遞給他,何廣沛即時借位錫錫她的玉手,伍姑娘見狀叫何廣沛直接錫落去,何廣沛把頭搶向伍姑娘,伍姑娘話:「嘩﹗你真係夠膽呀喎,衰仔吖!」阿Bob再追問何廣沛如果瘋狂一次,會選蝦頭還是伍姑娘,何廣沛說:「WHY NOT BOTH?」

黃宗澤求蝦頭著三點式送上門

伍詠薇最愛在節目中向嘉賓迫爆料,今集卻主動爆料指蝦頭同黃宗澤Bosco關係密切,過從甚密,陳瀅即時拎起電話打給Bosco求證,Bosco笑住話迷戀蝦頭十年:「蝦頭成日用對電眼電我,但最衰係次次都包到好密實,蝦頭出名身材好㗎嘛,如果蝦頭著住三點式嚟我屋企,我會忍唔住,忍唔住講蝦頭,I Love You﹗」蝦頭笑言黃宗澤好鍾意自己呢類型女仔:「大家都係同事朋友會一齊玩,我知Bosco成日有意無意提起我,佢鍾意食蝦頭,識食一定食蝦頭﹗」引得全場大笑﹗

陳瀅當場打電話畀黃宗澤求證,追問Bosco係咪對蝦頭嗒頭。
陳瀅當場打電話畀黃宗澤求證,追問Bosco係咪對蝦頭嗒頭。
陳瀅誇張大笑,李佳芯都忍唔住望實佢。
陳瀅誇張大笑,李佳芯都忍唔住望實佢。

陳瀅接受父女戀鍾情三哥

何廣沛中會追求李佳芯,發展姊弟戀,話題一轉便去到姊弟戀上,陳瀅爭住答話會接受比自己細或大十年的男仔,又流晒口水話:「如果好似三哥苗僑偉咁,我都得㗎,我試過有次同三嫂(戚美珍)講唔好意思呀,可唔可以借十分鐘畀我,我今日要溝一溝你老公,三嫂答我隨便﹗」

讀者留言