李國麟 同囡囡咀嘴 惹網民道德審判
人人都話爸爸係女兒上世嘅情人，但係唔係人人都接受到父女間親密嘅身體接觸呢？大台「御用奸角」 李國麟 最近就喺微博上傳咗幾張同囡囡慶祝生日嘅相，當中兩張攬到實一實又嘴對嘴錫錫嘅相就引起內地網民熱烈討論。有人覺得有違道德標準，亦有人表示羨慕佢哋嘅父女情，你又點睇呢？
李國麟同囡囡咀嘴
現年62歲嘅 李國麟 早前在個人微博上傳咗同囡囡李沅薐Cherrie慶祝十五歲生日嘅相，當中兩張二人表現得相當親密，又攬到心口貼心口，又嘴對嘴錫錫。呢兩張相一上傳就引起內地網民熱烈討論，當中有人話嘴對嘴錫錫會令囡囡性早熟，亦有人話應該遵從「子大避母，女大避父」嘅傳統觀念。當然，亦有網民力撐兩父女，認為只係其他網民「諗多咗」，「心裏骯髒的人，看什麽都髒」。
網友熱烈討論，有人批評亦有人支持！
Cherie亦在個人微博發文，話其實純粹想同大家分享開心時刻，但竟然惹來咁多負面留言。佢認為女兒錫爸爸係愛的表現，卻被人講到如此低俗，實在可笑！
其實，李國麟同囡囡關係好已經唔係最近嘅事，囡囡嘅個人微博經常上傳同爸爸嘅合照，一齊去迪士尼，又一齊去珠海玩，好似朋友一樣！
兩父女經常糖黐豆，去到邊都一齊，關係十分要好！
錫錫已經唔係第一次啦！
生日影錫錫相可能係傳統？
李國麟早年接受訪問時曾經講過：「其實我好鐘意小朋友，尤其見到啲細路女，好似色魔咁『叔叔抱抱』，一抱就唔願放，阿爸阿媽又有啲怨言，決定博一博，一年內有就要，點知第三個月中咗，仲要係女真係開心到不得了！」。睇嚟囡囡的確係佢嘅心肝寶貝！
宜家調返轉俾人話佢係「怪叔叔」，都唔知好嬲定好笑！
全文完
