1

李彩華拍拖三年 結婚冇共識 哽咽認分手

34歲李彩華同「新五虎」何遠恆拍拖三年,感情穩定多次傳出婚訊,當大家都以為阿Rain快好事近,但原來兩人已秘密分手一個月,剛過去的情人節和農曆新年,阿Rain都是孤單度過。本周一(2月26日)晚上,阿Rain單拖飛LA工作,由助手陪同在櫃位check-in,雖然帶住黑超仍難掩憔悴,本刊記者向她求證同男友何遠恆分手一事,阿Rain哽咽承認同男友已經再冇聯絡:「係分咗手,但detail嘢唔想講,唔想互相傷害!」

撰文:東方新地

圖片:新傳媒圖片庫

李彩華 缺乏安全感

李彩華同當年的「新五虎」何遠恆15年經朋友介紹認識,不經不覺已經拍拖三年,戀情由低調到近年大方認愛,更多次傳出好事近,還以為阿Rain好快做何太,想不到原來兩人於今年一月已經分手。據阿Rain好友透露,阿Rain思想傳統,每次拍拖都認真投入,都想同對方有將來一齊組織家庭,可惜兩個前度王傲山及潘啟翀都唔係咁諗,當年同阿Rain拍拖,一個瞞住女友外邊偷食,另一個又做疊馬仔欠下巨債,向阿Rain借千萬還債,令她對愛情缺乏安全感。

李彩華
同男友分手一個月,周一(2月26日)深夜,李彩華由助手陪同飛LA開演唱會,被問到分手一事表現傷心,更哽咽回應同男友已冇聯絡!
李彩華
推住幾大篋行李行去櫃枱check-in,雖然有副黑超遮住半塊面,李彩華仍難掩一臉憔悴。

李彩華

想趁早生B

因何遠恆熱烈追求攻陷芳心,加上男方比阿Rain年長十年,理應相當成熟,但拍拖三年,對方卻未有為二人將來計劃,感情一直原地踏步:「阿Rain思想傳統,同BoBo(何遠恆暱稱)都拍咗拖三年啦,加上自己過咗三十歲,都想快啲結婚,趁後生早啲生小朋友,佢本身好鍾意小朋友,其實男友媽咪都有催佢哋結婚,想快啲抱孫,但BoBo四十幾歲人 仲好似大細路咁,完全冇planning,阿Rain試過幾次喺傳媒面前,講話想一兩年內結婚,但BoBo都仲係毫無表示,阿Rain點會唔心淡,佢覺得好冇安全感!既然睇唔到大家有將來,唔想再拖落去,咪提出分手!其實分手件事,對阿Rain都好傷,佢啲好姊妹同Rain媽都輪住陪佢,怕佢唔開心!」

李彩華
今次到LA開演唱會,Rain媽未有同行,形單隻影的Rain李彩華,倍添落寞!
李彩華
似乎分手傷痛仍未平復,李彩華一提男友已經想喊,哽咽回應同男友再冇聯絡,之後急急腳行去入閘登機。
李彩華
同何遠恆拍拖三年,李彩華由唔認到近年確定男友地位,二人不時結伴睇騷,又不時做黐頭芒開心在社交網上放閃,可惜此情不再。
李彩華
李彩華在內地劇接劇,男友又在上海搞裝修生意,兩人聚少離多,長期分隔兩地亦是分手致命傷。

過億富婆

自從2011年主演內地劇《回家的誘惑》爆紅,Rain已經是手持過億物業的富婆,現在不用靠男人,但阿Rain唔會因此女權至上,反而好遷就男友。據知情者透露:「阿Rain喺內地劇接劇好忙,BoBo喺上海搞裝修生意亦冇時停,兩個經常分隔兩地,見面時間少好難維繫,但阿Rain對男友好體貼,為咗爭取時間見面,有時喺內地拍劇,BoBo專登飛去探佢,阿Rain拍完劇就算幾攰,都一定會陪男友食飯行吓街,好珍惜呢段感情。」相反何遠恆反而唔識體諒女友。據知情者透露:「阿Rain好孝順,唔會只掛住拍拖,乜都要預埋阿爸阿媽,好似去旅行咁,佢好多時都帶埋爸爸媽媽一齊去,仲會諗邊啲地方啱佢哋玩,但BoBo就成日想二人世界,兩個因為咁嗌交,出到去旅行,又只顧陪阿Rain,唔識細心照顧埋老人家!」思想愈來愈多分歧,難怪李彩華要忍痛分手!

李彩華
在內地爆紅賺到過億身家的李彩華,感情路上多次遇人不淑,同何遠恆三年情最終未能開花結果,感情再交白卷!
李彩華
李彩華上年推出寫真集,內𥚃有唔少性感造型,當時阿Rain就透露男友好支持她。
李彩華
李彩華出名係孝順女,賺到錢經常帶父母一齊去旅行,之前就豪花30萬請父母去杜拜旅行。可惜男友卻經常因為想過二人世界,同阿Rain有摩擦。
李彩華
李彩華出名係孝順女,同媽咪感情好好!

阿Rain:同佢冇聯絡!

記:本刊記者 李:李彩華

記:係咪同男友分咗手?
李:係!其實都分咗一段時間。但唔想刻意去講,分開咗咪分開咗!

記:係咪有第三者?
李:絕對唔係!大家係和平分手!

記:之前仲傳你哋會結婚?點解會分開?
李:同一個人一齊,當然會好珍惜,但時間耐咗,發現都係唔work,大家性格唔夾,都冇辦法。

記:係咪佢冇計劃將來?
李:唔想detail咁去講嘞!唔想互相傷害大家!畀啲空間我哋!我依家以事業為重!

記:同佢仲有冇聯絡?
李:冇聯絡嘞!但都想大家可以再見亦是朋友!

李彩華

李彩華
踏入2018年,李彩華微博有感而發,表示係個新開始。
李彩華
分手後李彩華寄情工作,剛在內地和吳啓華拍完電影。
李彩華
上年11月女友34歲生日,何遠恆為阿Rain李彩華搞校服生日派對,請齊阿Rain好友到場為她慶生,當時二人還黐到實。
李彩華
李彩華失戀後寄情工作!