李漫芬

李漫芬囡囡出世12日 已擁有個人寫真集

43歲無綫藝人李漫芬,於今月初誕下B女,取名談在心,乳名「心心豬」,重7磅8。李漫芬與老公Alvin日前急不及待與囡囡齊齊影家庭照,出世只係12日的心心豬,就已經影了人生第一次的寫真相!
撰文:東方新地|圖片:微博

李漫芬一家三口影家庭相

近日,李漫芬於社交網上載一家三口的溫馨相,囡囡出世雖然只得12日,但作為父母就已經好心急帶囡囡去影相留念。李漫芬仲表示影相過程順利,亦好滿意呢輯相。緊係滿意啦,因為相中見到未夠兩星期大的心心豬,已經識笑到眼都變彎月,睇到都覺得冧爆!

李漫芬
李漫芬一家三口照。
李漫芬
心心豬笑得好甜呀~
李漫芬
心心豬的蠶蟲造型令佢好似成個波咁。
李漫芬
熟睡中的心心豬。
李漫芬
心心豬連訓教都識笑,睇到心都溶哂!

囡囡英文名叫Alfa

原來早喺心心豬7日大的時候,李漫芬兩公婆已經幫囡囡改埋英文名,叫Alfa。

7日大的心心豬。

43歲李漫芬剖腹誕女

早前,李漫芬於社交網站報喜,宣佈囡囡出世,重7磅8,眼大大像daddy!不過佢就話囡囡好百厭:「28/3 預產期 她等到1/4 愚人節才出來 ! 又作弄媽媽,請媽媽食個全餐!31小時陣痛都不願游去她應去的位置,最終要緊急開刀!」

李漫芬更感謝老公一直陪伴。「謝謝各位曾經為我分享經驗兄弟姐妹 您們為我解疑難,還有一直祝福我們的朋友們, 以及專業的醫護人員! 更謝謝老公全程陪伴,除了緊急開刀分開了的一刻, 您知道嗎 是您令我堅強!」

最後Fanny表示已經開始餵母乳,更承諾但和老公會努力學習的做爸爸媽媽!

李漫芬
李漫芬與老公Alvin