李璨琛B囡未夠半歲激似秦煌 太太另有睇法！
藝人李璨琛（Sam）嘅太太梁志瑩（Pae）3月就為老公生咗個囡囡，叫李元元。最近老竇覺得元元個樣似演員秦煌，所以就特登同囡囡影咗張相，隔離仲要擺住秦煌個樣係元元旁邊，結果一睇之下，又真係幾似咁。唔知第日囡囡大個睇番會有咩反應呢？
李璨琛B囡似秦煌
最近，半歲未夠嘅元元俾爸爸李璨琛認為似秦煌，仲上載咗張囡囡近照上網，仲要將秦煌嘅相放近囡囡，等大家可以做個對比。驟眼睇，又好似有幾分相似，唔知秦煌睇到會唔會有意思，想認下元元做契女呢？
太太唔認同似秦煌
雖然老竇就覺得元元睇落似秦煌，但媽咪梁志瑩就有唔同睇法，皆因早幾日母親節，梁志瑩就放咗張元元嘅相上網，並留言話元元個樣都終於冇咁似技安！唔知大家睇完覺得元元似秦煌多啲，定技安多啲呢？
李璨琛首次為囡囡沖涼
早前梁志瑩近日不單至在社交網上放出一張囡囡的「出浴照」，並用星星圖案遮住囡囡嘅身體，又大爆老公係第一次幫囡囡沖涼咁話。相中可見元元眼定定咁望住爸爸，畫面有趣。
李璨琛囡囡鬼馬吹口哨
其實佢哋兩公婆亦不時上載囡囡的BB相上網，相中睇到元元細細個就已經非常趣致，佢已經識合埋雙眼，口形更好似扮緊吹口哨咁，認真鬼馬～
李璨琛歡喜囡囡
李璨琛嘅囡囡早前出世了，他於Instagram貼上女兒的小手，並宣布「Welcome to this world my sweet！」
