杜如風與好友提早慶生 一眾好友摸肚疑似好事近
廣告
聽日就係杜如風43歲嘅生日，一班好友就提早搞個生日會同佢慶祝。壽星女就當然要同友人影相留念，而杜如風上載上網嘅慶生相片，就被一眾眼利網民發現有個亮點，仲懷疑佢好事近。唔通杜如風想趁住生日公布好消息？
撰文：東方新地｜圖片：Facebook、杜如風IG
杜如風有喜？！
做旅遊節目主持做到係人都識嘅杜如風，聽日就係佢43歲嘅生日。而獲一班好友同佢提前慶生嘅杜如風，就係日前食生日蛋糕，而其中當然唔少得要影相留個記念啦～但點知，好出奇地個個朋友就摸住杜如風個肚嚟影合照！空穴來風，就事出有因，唔通杜如風有咗bb？
杜如風生日不停食蛋糕
之後，杜如風再放出另一張捧住個馬騮仔樣嘅蛋糕，仲要擘大口咁留言指：「第二個生日蛋糕！但係我仲未生日！感謝TVB的團隊！」真係多人同佢慶祝生日，證明杜如風無論工作定生活上，都好有人緣。
開心慶生嘅杜如風上載一段短片，片中見到成班同事仲大唱生日歌，但最搞笑係其中一個同事竟然叫杜如風要生性呀！如風就話：「我幾時唔生性。」隨後，杜如風亦留言感謝TVB的團隊為佢驚喜提前慶祝生日。
杜如風鍾意抱B
其實，杜如風間唔時都會放啲抱b相上個人社交網，見佢咁鍾意抱人哋bb，又同bb玩，唔知幾時可以真係聽到佢好消息，同睇到佢抱自己嘅bb呢？
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
