杜汶澤

受老婆田蕊妮影響?杜汶澤 勤健身

專家講過、報告又指出過,一對情侶或兩公婆一齊生活得耐樣會生得似,仲因為互相影響會一齊keep fit㖭。千祈唔好覺得唔可信,現實中都有一對例子,就係1999年還有亞視年代已開始拍拖、結婚13年嘅杜汶澤同田蕊妮喇!

撰文:東方新地|圖片:新傳媒圖片庫、杜汶澤田蕊妮IG

杜汶澤 見教練笑開懷

事實又係嘅,個老婆一個星期閒閒哋健身五日、愈來愈fit、人又愈嚟愈靚愈健康,唔健埋一份邊有話題講?對得多人都有動力啲啦!所以記者見到早排谷肥咗嘅杜汶澤,唔係去開餐買餸、都唔係去開會搵景,而係孭住個大袋一個人走去銅鑼灣做運動。去到健身室、見到相熟教練個樣,真係仲有精神開懷過見到美女!講健身嘅資歷其實係阿澤先嘅,只係早排疏懶變大肥佬,反而畀老婆反超前,因為勤於運動仲練出腹肌㖭,難怪阿澤突然挑番起條筋,努力練番做大隻佬!

杜汶澤

一支公做乜好?梗係做運動啦!梗係見到老婆愈操愈fit,杜汶澤都怕比下去,唔使開工一個人孭住大袋都係去做gym。

杜汶澤

未上到健身室,踏上去電梯離遠見到個健身室大門,杜汶澤已經急不及待同教練打招咪,笑到見到靚女一樣樣。

杜汶澤

去年中拍完《誇世代》,田蕊妮就放自己一個長假,日日健身操fit身體,日積月累真係fit到漏!

愛上了做運動後已不相信磅數而是相信鏡子。 愛上了做運動後已不相信節食而是懂得怎麼食。
田 蕊妮(@tinyuilee)分享的貼文 於 張貼

 

其實杜汶澤都夠晒專業,為拍戲吹得漲亦都肥得起,所以就算係「小杜大廚」識煮又識食,一樣手瓜起𦟌。

杜汶澤(@tochapman_1999)分享的貼文 張貼

杜汶澤(@tochapman_1999)分享的貼文 張貼

關於有同無,係有排拗嘅! #開聲聽到尾 #220KG #笑乜撚呢我 #484磅呀屌你
杜汶澤(@tochapman_1999)分享的貼文 於 張貼

同田蕊妮結婚13周年 杜汶澤:感謝你這十三年來的將就

杜汶澤與田蕊妮這一對,在1999年還有亞視的年代開始拍拖,到2005年結婚,至今結婚13年,多年來二人遇過的感情危機及杜汶澤患病,患難見真情,日前阿澤同阿田慶祝結婚13周年,阿澤有感而發話:「今天是我們的結婚周年紀念,曾經有人跟我說,婚姻就是將錯就錯。感謝你這十三年來的將就,祝你健康、快樂!」

今天是我們的結婚週年紀念…….有人跟我說過,婚姻,就是將錯就錯。 感謝妳這十三年來的將就,祝妳健康、快樂!
杜汶澤(@tochapman_1999)分享的貼文 於 張貼

田蕊妮16歲識阿澤

多年婚姻遇過感情危機,阿澤兩夫妻感情可以安然度過,阿澤就講過:「以前誤會以為成功就會得到女人,但原來得到一個好女人,就等如成功。」

杜汶澤與田蕊妮這一對,在1999年還有亞視的年代拍拖,至2005年結婚,至今結婚13年,一直恩愛有加相濡以沫,常在社交網絡公開晒恩愛,羨煞旁人!但多年來當中遇過的感情危機及杜汶澤患病,兩人患難見真情,攜手跨越障礙,多年情確 實得來不易。

93年田蕊妮獲得亞視節目「末來偶像爭霸戰」金獎而入行,未幾偶遇杜汶澤,當時的阿澤已是爛賭成性,他曾自言:「我18歲已經賭錢,輸到要走路去台灣,之後返嚟香港,入咗亞視做藝員,諗住亞視少人睇,況且冇諗過自己可以紅,點知拍咗《我和殭屍有個約會》多咗人留意,俾貴利佬打去報館追數。」

最後他被追債百萬的新聞成為娛樂頭條,焗住開始了賺錢為還債的生涯,阿田呢?當時阿田已認識阿澤,老友力阻下仍三番四次借錢俾阿澤還錢,心地善良的她認為,應急是必需的!二人順理成章走在一起⋯⋯

杜汶澤求婚30次

二人的結合,並非想像中的順利,田蕊妮曾指阿澤整天嬉皮笑臉,又將求婚掛在嘴邊,臨瞓前、睡醒、吃飯時、朋友聚會間,總之無時無刻都將求婚二人掛在嘴邊,田 蕊妮當時覺得太不靠譜,根本沒放在心上,而且當時年屆27歲的她,覺得女人30歲結婚最適當,還有三年不急吧!也沒有顧着杜汶澤的臉子和士氣,直至第31 次求婚…

杜汶澤 探訪災民學懂珍惜

直至有次,杜汶澤去斯里蘭卡探訪災民,過程中令他改變了人生觀。認識到不以消極態度面對災禍,反而可以令自己變得更加積極,要珍惜眼前人。同時,在杜汶澤去 斯里蘭卡探訪期間,由於曾有報道指當地會再有餘震,令田蕊妮憂心如焚,更擔心他一去不返,突然好害怕失去他,田蕊妮非常後悔以前他求婚多次都不答應。

我們結婚吧!

最後杜汶澤因為這場災後景象對他震撼太大,而決定再次向田蕊妮求婚,他謂:「當時就覺得,其實人最珍貴的是那些真正對你好的、你愛的人。我突然就很想念田 蕊妮,那一刻,我拿起手機就給她打電話,說了句我們結婚吧!」正因為這場災難,促使兩人結束6年愛情長跑,攜手步入教堂。

田蕊妮 陪夫走過破產

婚後,兩人既是恩愛夫妻亦是知心好友,杜汶澤曾兩度破產,田蕊妮卻一直默默陪伴其身旁,未曾離棄。田蕊妮坦言那段時候有曾想過離開他,可是當時杜汶澤經歷大 起大落,如果那個時候真的離開他,會對他造成很大打擊,所以最後打消了這個念頭。一段感情確實需要彼此之間去維繫,互相支持。

杜汶澤

婚後杜汶澤叫老婆別再捱夜工作,全職做少奶奶,期間 田蕊妮做過一年電台主持。初時以為會好開心,實情是相反,每天睡醒就約朋友飲茶,飲完茶就打麻雀,打牌打到夜晚又搵人食飯。如是者過了幾個月,慢慢覺得自己好似 個廢人,而且她不喜歡收老公家用,但買東西又要向他要錢,就連 田蕊妮 的屋企人都變成他的負擔。此刻, 田蕊妮發現她的性格根本不適合做少奶奶,至06年決定加入無綫,創開另一片天!

1157676_10151650501312017_107068883_n

擊退小三

06年加入無綫,阿田一劇接一劇,自命是工作狂的她曾過了三年她自覺是廢人、別人眼中是少奶奶的生活,不過,安逸的生活沒有為阿田帶來半點快樂,與世界脫節的 感覺日漸加深,混雜負面情緒,間接影響夫妻關係,最後小三出現了,她曾謂:「我知道邊個係小三,當時想逃避唔去面對咪繼續去打牌,個人好迷失冇晒重心,唔知點處理夫妻之間嘅關係。」大部分做老婆的,發現小三的存在只有兩個方案,一是離婚一是扮唔知啞忍,阿田亦有想過離開。或者是上天的安排,她想離開之際阿澤的事業急轉直下,身邊朋友走得就走。

杜汶澤

田蕊妮 選擇等

由有錢有名有利變到一無所有,重情重義的杜太竟可將小三問題暫且放埋一邊。「呢樣嘢真係整定,如果嗰時我走咗去真係好冇義氣。最心痛唔係有個女人出現,而係我好明白佢點解會咁,我好重視呢個人好愛佢先嫁畀佢。一個人冇端端由冇人理嘅茄哩啡,努力加埋運氣,名利財富一齊嚟。我知佢仲好愛我,但當時見佢乜都冇晒,咪同自己講等佢好番少少先走。」面對老公出軌,做老婆的不但沒有一走了之,還寬容到諒解身邊人背叛自己的原因。婚姻關係上的衝擊,令阿田阿澤明白到大家所需要的很簡單,彼此能夠手牽手到老已足夠。

杜汶澤

患難見真情

後來,在杜汶澤40歲時被診斷出患上了一種罕見的米勒費雪症候群,嚴重的話會導致四肢癱瘓、甚至窒息致死。由於患上該病, 杜汶澤 急需停止所有工作,被迫留在家中養病。當時在寧波拍戲的田蕊妮知道後如五雷轟頂心急如焚,更在微博指:「當你病時,不能在你的身邊照顧你,還反過來要你安慰我!佩服當你遇到逆境時還能如此安然松坦的去面對!在你身上,我學習到很多!你是我心目中的巨人!」期後田蕊妮回到香港之後,日日夜夜在醫院照顧杜汶澤。杜汶澤亦曾公開表示:「以前誤會以為成功就會得到女人,但原來得到一個好的女人就等如成功。」這就是患難見真情。

杜汶澤

修成正果 不無道理

很多人說,兩人相處久了,熱情就會減退。但杜汶澤跟田蕊妮告訴你:就算日子平淡,只要肯花花心思,感情必定泛起漣漪!

早前,是兩人結婚11周年,雖然各自忙於拍劇,杜汶澤身在美國,但已事先準備好禮物。 田蕊妮 在社交網站貼了一張卡和閃爆鑽戒,表示:「不止一次收到杜先生的禮物,但這是第一次收到他親手寫的卡,信及自家畫emoji。縱然不知道將來的路是怎樣,但我仍然相信是美好的。」兩人結婚多年依舊恩愛,簡直羨煞旁人!

13343092_10153793342317017_3106025636136872056_n

杜汶澤

跌爛「亞洲之星大獎」杜汶澤嬲到爆粗!田蕊妮送上「復修版」補鑊

話說今年3月,杜汶澤自導自演嘅《空手道》入圍第13屆大阪亞洲電影節「競賽單元」部份,阿澤獲得電影節大會頒贈嘅「亞洲明星大獎」(Asia Star Award),阿澤同老婆田蕊妮一齊去咗大阪接受榮譽。點知個獎拎喺手唔夠一日就爛咗!多得老婆摸下佢個獎就跣手跌落地,阿澤喺facebook話:「所以話每個成功嘅男人背後,都會有一個女人支持。我亦都唔例外。亞洲之星呢個獎,係表揚我過去對香港電影界嘅貢獻,點知食完飯,俾我老婆跣手一X掟爛X咗!佢差啲爆喊,而我心諗,我都未喊你喊乜膠呀?我只能夠講一句:『世事無常,到處都是修行的道場!』唯有繼續努力,第日有機會再攞過啦!我頂你個肺⋯⋯」睇得出佢好嬲!

未幾,田蕊妮都有轉貼阿澤嘅fb個po,仲話:「對唔住,對唔住,我真係好對唔住!」連續講咗三次。

三個月後係杜汶澤46歲生日,佢收到老婆嘅生日大禮,原來阿田將個「亞洲之星大獎」拎咗去整,雖然有裂縫﹐但睇落都係「完整」嘅一個獎。阿澤話:「今日生日,我老婆畀咗個獎我,但係個樣,明明係之前響日本俾人打爛咗嗰個大阪電影節亞洲之星獎嚟喎!點解咁奇怪呢?你哋又記唔記得邊個打爛嘅呢?」

而阿田留言話:「跌爛咗,再整番,仲當埋生日禮物咁送畀你,係咪好開心,好驚喜呢!祝你生日快樂!」其實,阿田對於之前打爛獎一直好上心,都睇得出佢真係好愛阿澤!