杜汶澤

杜汶澤煮麵失敗道歉 不忘寸爆「師奶呃錢電視節目主持人」……

最新娛聞

廣告

杜汶澤FB頻道《 喱騷 Chapman To’s late show》深受網民歡迎,內容多為抽水式諷刺時弊,夠抵死又令人有共鳴,其中「為何深夜總是餓」呢個環節特別多人鍾意,有靚女睇又有「好西」!不過日前杜汶澤教大家整肉絲炒麵,不過用電磁爐整就出晒事,搞到網民狂X!事後阿澤就喺FB道歉,承認碟麵確係失手,但都不忘暗寸一個「師奶教煮餸呃錢電視節目主持人」……

撰文:東方新地|圖片:杜汶澤 喱騷 Chapman To’s late show、無綫節目截圖

杜汶澤煮麵失敗道歉 不忘寸爆「呃錢電視節目主持人」……

杜汶澤FB頻道《 喱騷 Chapman To’s late show》時事、政治、娛樂乜都X一餐,阿澤同一班主持喺鏡頭狂爆粗無顧忌,夠晒踩界網民至like。其中阿澤同索女貝依霖(Chantale)主持的「為何深夜總是餓」乃最受歡迎環節之一,可以學煮「好西」又有索女睇,對眼真係好唔得閒!今集阿澤就教整喺酒樓成日食的「肉絲炒麵」,不過之後就出事了……

小編就唔多識煮嘢食啦,不過睇落阿澤好似有啲功架喎!

Chantale性生活如何?

煎燶麵爆晒粗

不過大家要明白,基於消防條例,開放式廚房係唔可以用明火,所以阿澤喺節目中只可以用電磁爐,不過就因為電磁爐火力唔夠猛,搞到個麵黐晒鑊!阿澤見狀即時爆咗句粗,但又話之後個麵會甩番出嚟。

「師奶教煮餸呃錢電視節目主持人」?

網民睇完節目就好大反應啦,話阿澤個肉絲炒麵明顯就係失敗作,個麵唔脆又黐晒底,咁都照出街有冇搞錯!有錯當然要認,阿澤好快喺FB出post道歉,承認個麵係失敗之作。但阿澤喺文末都不忘暗寸:「因為我不想淪為連焗嚿斧頭扒焗完都唔敢切開比觀眾睇嘅師奶教煮餸呃錢電視節目主持人!」

 

大台力sell斧頭扒 肥媽話全世界都流行

「焗嚿斧頭扒」、「焗完都唔敢切開」、「師奶教煮餸呃錢電視節目主持人」… 阿澤明顯就講緊肥媽主持的無綫節目《肥媽優質食好D》喎!大家都知大台大力發展Big Big Shop,價值538元的帶骨斧頭扒更是熱賣推介之一,所以肥媽當然要喺節目大力推介,話嚿斧頭扒個牌子係英國皇室御用、又話全世界都流行食乜乜乜。

呢嚿斧頭扒有成半隻手臂咁大,不過肥媽好似好快就煮好,煮完亦都未有切開,係咪就係阿澤口中「連焗嚿斧頭扒焗完都唔敢切開比觀眾睇嘅師奶教煮餸呃錢電視節目主持人」?

得肥媽出力唔夠嘅!以前係《都市閒情》的《都市流行》都有介紹,請來名廚楊國基師傅示範,專家炮製應該有保證!不過小編都係睇番彭慧中算啦。

小編就覺得,煮咩食都係其次,睇索女最實際!

延伸閱讀:貝依霖獲杜汶澤力捧 鋼管舞女神有舖露股癮

貝依霖示範日式綁縛

《杜汶澤 喱騷》好睇在夠出位,內容夠爆,曾經見到貝依霖著上一件類似忍者服的超性感裝束,露出成對白滑大腿同遮都遮唔住的逼爆上圍,更被阿澤綁起吊高!

腿張開 無得輸

原來係節目請來繩縛師Rika彌紗示範日式綁縛,阿澤和貝依霖都有輪流做示範,不過相信觀眾都無專心聽講解㗎啦,因為雙眼根本離唔開貝依霖副Body!豐滿上圍不停在鏡頭前搖擺,一雙有肉地的白滑大腿被紮起,情色感爆燈!

貝依霖有舖露股癮

其實貝依霖都作風出位都唔係咩新鮮事,仲向來有舖露股癮,之前都試過好幾次喺社交網晒靚股,睇到男士們流晒鼻血!

鋼管舞女神

其實貝依霖早年參加内地節目《Hello!女神》後一炮而紅,更加被稱讚外貌甜美,酷似林依晨,IG即時多咗唔少粉絲。Chantale不時都會上載大的跳鋼管舞照片同影片,跳鋼管舞誘人至極,果然係性感尤物!

23歲青春無敵

1994年出世的貝依霖現時只係24歲,青春無敵,有樣有身材,眼大大笑容甜美,希望將來有更多機會見到佢啦!

電影演學生妹

貝依霖去年喺《初戀日記:賤男蜜擾》亦有份演出,唔好睇Chantale着起校服上嚟斯斯文文,清純至極,其實劇中演出十分大膽!有一幕係着性感內衣喺床上勾引馬志威,仲喺身上綁紅絲帶要馬志威玩「拆禮物」,性感程度令人乍舌。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言