板野友美新寫真 激似Angelababy

前AKB48主將 板野友美 畢業4年來支持度狂插水,為挽回人氣,日前佢就宣布將於8月24日推出全新水着寫真集,回歸性感路線,仲遠赴夏威夷取景,大晒靚股,不過睇真啲,出道以來個樣一變再變嘅佢,今輯相某啲角度真係激似Angelababy,唔知曉明睇完會唔會認錯人呢?!

行股惑慶26

板野友美下月就滿26歲,佢自畢業單飛後就由偶像轉型做歌手,但唱片一直銷情慘淡,上個月新推出單曲〈#いいね!〉(#多好啊!),在銷量排行榜最高只到第11位,兩周後更已跌出50大位置。佢對上一次推出嘅寫真集,係2013年嘅畢業寫真《ともちん》(Tomochin,友美的暱稱),相隔4年,板野友美在新推出嘅寫真集中,再度解封水着look,除了超少布嘅三點式,仲着埋T-back形嘅一件頭泳衣,狂晒靚股!

板野友美一對鬼影變幻球2014年一度由B變D,到2015年她和EXILE主音TAKAHIRO分手,最近又疑縮胸拆彈,變回B cup身材。
板野友美自AKB48畢業後,人氣一路下滑,今次寫真就挑戰最大尺度T-back泳裝,靚股全露,為翻身,博到盡!

仲有各款超少布嘅性感三點式。

夾一夾一樣睇到波濤洶湧。
床上一樣有泳衣照。

11年進化史

出道至今11年,板野友美嘅外貌變遷網友都有目共睹,除咗對眼變大、個鼻變高,仲有塊面變尖外,連身材亦經常變幻,一時B一時D!

2006年,初出道15歲嘅板野友美細眼包面兼哨牙,真係十年人事幾番新!
2009年,正係板野友美在AKB48中最紅時,但當時一對招牌虎牙如今已消失。
2013年,剛自AKB48畢業,板野友美仍係淡眉闊面。
2014年,板野友美剛升cup,D導彈震驚fans。
2015年,板野友美面圓圓,同依家嘅AngelaFace判若兩人。
2016年,板野友美心形面,有啲似朱千雪!旁邊係佢細妹板野成美。

關鍵詞
水着福利