050c730e-86ab-47d7-9bcc-e1023b05ec45

林作自爆酒後濫交 曾向《造星3》葦璇示愛 醉酒怪癖仲有…

最新娛聞

林作上ViuTV《晚吹-有酒今晚吹》任嘉賓,自爆酒後荒唐事,自爆酒膽大但酒量不算好,以往曾一周蒲老蘭四、五晚,經常酒後亂性,林作自爆飲醉後愛剝衫、亂講嘢甚至與不同人發生關係,私生活不檢點,最後被女友勒令戒酒﹗

撰文:東方新地|圖:《晚吹-有酒今晚吹》截圖、林作IG

林作在《晚吹》自爆在英國讀高中時已學飲酒,自認有酒癮,回來香港後飲癮更大更深,七年前購入現在居所,全因地點優,愛落蘭桂坊好就腳,曾一周蒲足四、五晚,不過他自爆酒後例必亂性,做盡荒唐之事。

林作自爆酒後濫交 曾向《造星3》韋璇示愛 醉酒怪癖仲有...
林作擔任《晚吹-有酒今晚吹》嘉賓,其實他曾任《晚吹》系列主持,自稱《晚吹》元老級主持。

林作爆酒後愛剝光豬

林作自爆酒後例必「出事」,最愛飲醉後全裸,佢話:「一定剝褲先,唔知點解,之後通常都會剝埋衫﹗」,又話自己飲醉後亂講嘢,曾向現任女友裕美求婚:「我幾乎斷晒片,淨係記得拎住隻拖鞋向佢求婚﹗」

林作自爆酒後濫交 曾向《造星3》韋璇示愛 醉酒怪癖仲有...
裕美曾透露林作酒後拎住戒指向她求婚。

林作酒後公開向葦璇示愛

林作細數過去酒後的荒唐事,提及年前曾向正在台上表演的As One陳葦璇(原名陳嘉茵)公開示愛,林作指當時與麥秋成結伴捧對方場,飲大兩杯開始亂講嘢,向台上正在表演的陳葦璇搶咪唱歌,又下跪送戒指,林作直認當時飲大兩杯:「為咗表達對佢嘅支持,最好嘅方法係讚佢靚,話要做佢裙下之臣啦,加上飲咗酒,不過今日我同大家講,我飲酒後講嘅嘢全部係假嘅,千祈唔好信﹗」

林作自爆酒後濫交 曾向《造星3》韋璇示愛 醉酒怪癖仲有...
林作曾向《造星3》亞軍陳葦璇公開示愛,當時麥秋成也在場見證。

自爆酒後濫交

林作自爆酒後例必「出事」所以曾戒酒,主持強尼問他何謂「出事」?林作話:「通常都係同女性發生關係﹗」強尼追問:「你所指同人發生關係就等於『出事』?」林作答:「係呀﹗」強尼再追問:「咁咪咩對手都有?」林作答係,隨後又解釋:「咁我啲眼光向來唔錯嘅﹗但我都唔想太多﹗唔可以再咁落去﹗」

林作自爆酒後濫交 曾向《造星3》韋璇示愛 醉酒怪癖仲有...
林作自爆酒後與不同女性發生關係。
林作自爆酒後濫交 曾向《造星3》韋璇示愛 醉酒怪癖仲有...
雖然認酒後濫交,不過林作稱自己向來有眼光。

林作飲酒成癮:「 飲到27、8歲已經唔得!」

娟姐問女友對佢飲醉會點處理?林作話:「會叫我下次再亂講嘢就死梗囉!飲親都唔知自己做乜,女友有叫戒!」林作自知酒癮大,最後決定戒酒:「我最後要靠睇戒酒書藉去戒」林作透露已戒了蒲老蘭,佢話:「以前好鍾意嗰種氣氛,去親都遇到熟朋友,轉場又方便,唔似得喺英國咁遠,不過蒲到後期都覺得自己唔係好得,我依家31,27、8歲已經唔得,唔可以連續飲兩晚,咁近排梗加冇飲酒啦,因為要備戰拳賽,今次上節目算是破戒!」另外,在節目結尾安排林作公開酒後懺悔,林作深情話:「同每一個同我酒後發生關係嘅女仔講,佢哋通常都係讀Law嘅,我唔會再同你哋再有關係!」

林作近月為拳賽備戰,最近晒練拳後的成果,對「林鍾一戰」充滿信心。
林作近月為拳賽備戰,最近晒練拳後的成果,對「林鍾一戰」充滿信心。

直認怕對戰鍾培生:「驚㗎!」

林作在節目中被問到與鍾培生的恩怨,林作解釋當初只是以一個網民身分留言,點知觸動鍾培生神經而向他挑機,林作話:「咁計過數,我都冇蝕底吖,咪打囉!」強尼問備戰拳賽是否人生最辛苦的一件事,林作坦言:「係辛苦嘅,每日練成三個鐘,我依家坐喺度都好疲倦!」主持娟姐又問林作上擂台對戰鍾培生會唔會好驚?林作直認:「驚㗎!…咁媾女都驚㗎,都要媾㗎!」娟姐問媾女驚乜?林作笑住話:「驚媾唔到囉!」全場爆笑,林作話:「媾女、飲酒都驚㗎,但都會去做囉!」

林作自爆酒後濫交 曾向《造星3》韋璇示愛 醉酒怪癖仲有...
林作的嬉皮笑臉,最令鍾培生火起,之前林作將自己及鍾培生的照片美肌後取笑一番,指鍾培生P圖後仍然滿臉粒粒。
林作自爆酒後濫交 曾向《造星3》韋璇示愛 醉酒怪癖仲有...
林作近月積極練拳,備戰九月「林鍾一戰」。

林作九月對戰鍾培生前,下月先首次參與賽事作熱身,今周五,林作更廣邀傳媒到拳館採訪,問到作戰狀態如何,林作一貫自信滿滿指詳情不能透露,但自比《破壞之王》中的周星馳:「真係好似㗎,係有異曲同工之妙,大家到時就明,一定有精彩事發生,會好勁!」

林作自爆酒後濫交 曾向《造星3》韋璇示愛 醉酒怪癖仲有...
九月對戰鍾培生前,林作被教練安排五月一日上擂台作熱身賽。

調戲同門女藝人

林作有大律師唔做,17年簽范振鋒做經理人走搞笑無厘頭路線,同時又躋身補習天王之列專教英文,不過鍾意撩女愛講有味笑話口沒遮攔的他,經常行為不檢點,似乎與老師的專業形象相違背。因而被網民插爆林作並質疑他誤人子弟,甚至有家長拒絕讓子女再上他教的英文堂。風趣同猥瑣只差一線,林作過火行為,難怪會令家長反感。林作當時的經理人范振鋒請全公司藝人遊泰國,林作在旅程中上載一條在車內調戲當時同門女藝人陳嘉茵(現名陳葦璇)的片段,片中面紅紅明顯飲過酒的林作,全程色迷迷不停望實女方,女方直指佢個樣好淫賤好猥瑣,尾段林作仲疑似大講:「我啅硬!」公然調戲女藝人﹗

林作不停調戲陳嘉茵,令對方好尷尬不停迴避,因而傳出緋聞。
林作不停調戲陳嘉茵(現名陳葦璇),令對方好尷尬不停迴避,因而傳出緋聞。
林作色迷迷調戲陳嘉茵。
林作色迷迷調戲陳葦璇。
林作與前女團AsOne陳嘉茵曾同一經理人公司,林作生日,陳嘉茵與公司同事一起為他慶祝。
林作與前女團AsOne陳葦璇曾屬同一經理人公司,林作生日,陳葦璇與公司同事一起為他慶祝。

林作被轟誤人子弟 舊愛麥明詩:冇留意佢啲嘢﹗

有個富媽媽的林作,在英國牛津大學畢業住六千萬麥當奴豪宅,舊愛是10A港姐麥明詩,本來是人生勝利組,偏偏放棄大律師牌要入娛樂圈,可惜天生一副「摟打」樣,不修邊幅的他次次出鏡髮型都打晒風,但仍無減其自大愛撩女個性。年前林作加入補習學 校做補習天王,吸納了不少慕名而來的學生,在英國讀書十年的他,教英文絕對有料稱職,不過其猥瑣作風卻被抨擊。林作之前做補習天王又殺入娛樂圈,人氣急升,但曾驚爆林媽媽財困要賣樓,他當時說:「我去算命,佢話我呢年唔上唔落,當你喺人生低谷,出面啲人覺得你好掂,其實係唔掂,即係啲人以為我搵好多錢,其實我就財困,工作機會唔多,錢唔多,所以吃力不討好,我係未試過過得咁苦。」答得好似好認真,但又無句真﹗

林作之前做補習天王又殺入娛樂圈,人氣急升,但曾驚爆林媽媽財困要賣樓,他當時說:「我去算命,佢話我呢年唔上唔落,當你喺人生低谷,出面啲人覺得你好掂,其實係唔掂,即係啲人以為我搵好多錢,其實我就財困,工作機會唔多,錢唔多,所以吃力不討好,我係未試過過得咁苦。」答得好似好認真,但又無句真!林作有大律師唔做,一度踩入做補習天王。

林作有大律師唔做,一度踩入做補習天王。

父母怕仔女學壞

據知情者透露:「林作教英文係唔差,佢上堂好風趣成日講笑話所以一啲都唔會悶,不過亦因為佢好識氹女仔,搞到唔少父母都擔心佢哋嗰啲情竇初開嘅囡囡,你諗吓麥明詩都畀佢氹到拍過三年拖,靠佢把口同家底,要識女仔有幾難?唔好以為男同學就冇事,好多家長都驚自己個仔上完佢堂學晒佢嗰啲厚面皮嘢,所以都唔想畀個仔跟佢學英文。再加上林作同啲學生有過多私下互動,不時會WhatsApp傾偈,做父母唔驚就假。」 林作為了穩定及增加學生人數,除了揼本賣廣告做宣傳外,亦自掏銀包設立獎學金。

林作自爆酒後濫交 曾向《造星3》韋璇示愛 醉酒怪癖仲有...

 

畢業於牛津大學的林作,搖身一變成為補習天王,專門教英文及擔任海外升學顧問。不過網民對其為人師表表示質疑,認為他為人冇品兼誤人子弟。

林作自爆酒後濫交 曾向《造星3》韋璇示愛 醉酒怪癖仲有...

林作自爆酒後濫交 曾向《造星3》韋璇示愛 醉酒怪癖仲有...

林作自爆酒後濫交 曾向《造星3》韋璇示愛 醉酒怪癖仲有...

 

前度麥明詩 劃清界線

對於林作被轟誤人子弟,前度麥明詩劃清界線:「我冇留意佢啲嘢!唔知佢做過啲咩。時代變遷老師形象都可能會顛覆,成功嘅手法未必係大家所認同。」

麥明詩與林作拍過拖,新聞不及前度多。
麥明詩與林作拍過拖,新聞不及前度多。

之前林作大爆做生意的母親急需現金周轉有意出售豪宅,就連其經濟都一樣唔掂,因為林作大使導致碌爆卡,要在網上賣名牌物品套現,曾被影到去當舖賣名錶,更直認有時要黐飲黐食,向朋友借錢開飯。簽了經理 人亦唔代表有錢落袋,林作其貌不揚唔唱得又唔演得﹐一 直乏人問津,到之後曾孖住李思欣合演舞台劇《蓉姨做的湯丸》,都是老闆娘李思欣帶挈向導演推薦他。為人師表與藝人形象南轅北轍,林作再做落去恐怕會兩頭唔到岸,難怪最後棄做藝人,依住人氣轉行做保險。

媽媽早年花六千萬買豪宅畀林作與麥明詩作愛巢,錫仔錫到燶,母子關係好更曾一齊做live,原來林媽媽亦是玩得之人,笑住話阿仔再搵唔到女就賣樓,兩母子一樣愛講笑!
媽媽早年花六千萬買豪宅畀林作與麥明詩作愛巢,錫仔錫到燶,母子關係好更曾一齊做live,原來林媽媽亦是玩得之人,笑住話阿仔再搵唔到女就賣樓,兩母子一樣愛講笑!

氹盡女學生

林作為了吸客,承諾修讀其課程的學生考試 達到某個分數便會發放獎學金。此外,他又在 IG 上載與不少女學生的 WhatsApp 對話,叫班女學生讚佢,教書不忘氹女仔。

林作自爆酒後濫交 曾向《造星3》韋璇示愛 醉酒怪癖仲有...

林作自爆酒後濫交 曾向《造星3》韋璇示愛 醉酒怪癖仲有...

林作自爆酒後濫交 曾向《造星3》韋璇示愛 醉酒怪癖仲有...

狗似主人形

平時個頭打晒風的林作,養了隻髮型似足他的黑色貴婦狗Aldo,他不時在IG發放小狗發情做出不雅行為的短片,被網民指狗似主人形!

林作自爆酒後濫交 曾向《造星3》韋璇示愛 醉酒怪癖仲有...

林作自爆酒後濫交 曾向《造星3》韋璇示愛 醉酒怪癖仲有...

讀者留言