林子善

林子善補擺喜酒 眼濕濕講愛的宣言|兄弟團迷倒姊妹們?

藝人林子善與太太董佩欣今日舉行婚宴,於將軍澳一酒店筵開63席,星級兄弟團有唐詩詠、鄭嘉穎、馬國明、黃長興、袁偉豪等,而姊妹團則全是圈外人。一對新人晚上身穿靚靚禮服會見傳媒,著紫色西裝的林子善勁型仔,除了識做地與太太錫足一分鐘,當然唔少得愛的宣言啦!

撰文:東方新地|圖片:東方新地


林子善補擺喜酒

林子善與去年已註冊的太太董佩欣今日舉行婚宴,晚上兩人會見傳媒,子善表示原本只擺50圍,但因為太多親朋戚友俾面出席,所以加到63圍,預計婚禮支出約7位數!子善同太太同好識做,嘴對嘴錫足一分鐘俾大家影相!


新郎子善好眼淺

提到會與太太共度餘生,子善都忍唔住講到眼濕濕,佢表示唔想空口講白話,行動最實際,首先會照顧好自己身體、做好自己工作,咁先可以好好照顧太太,一齊走埋下半生。子善提到較早時未講愛的宣言已經喊晒,斟茶俾外父外母又好感動,自己好眼淺!


兄弟團迷倒姊妹們?

提到早上接新娘過程,子善招積咁話易過借火!型男兄弟團出馬,班姊妹見到袁偉豪已經開咗三分二門,之後見到馬國明同鄭嘉穎就更加失晒魂,幾乎係自動開門!子善又稱玩新郎時食咗鹹竹蜂加wasabi,咳到佢死!


唐詩詠第一次做兄弟

兄弟團成員馬國明之前被指係「千杯不醉」,馬明接受訪問時自嘲係「千杯茶不醉」而已,不過身旁的詩詠自稱未見過馬明飲醉,飲酒幾乎係冇底!第一次做兄弟的詩詠經過今次後有晒經驗,話第時到呢班兄弟結婚都無問題,馬明聽後即刻表示:「我?十年八年後啦,未知呀。」

詩詠絕對係全場最「索」的兄弟?


鄭嘉穎都係兄弟團成員之一,佢表示早上接新娘時好順利,都係食吓Wasabi同蟲、跳跳舞,難唔到佢哋!另外被追問幾時同女友陳凱琳拉埋天窗?嘉穎就話有好消息會通知大家,今日始終係子善的大日子,自己同子善相識多年,睇住佢完成人生大事,非常開心。


有唔少圈中人都有出席子善婚禮:

岑麗香

苟芸慧

曾志偉

胡楓

黃心穎

張寶兒

吳岱融

袁文傑

徐榮及陳煒

林夏薇與老公Jason

王君馨

陳法蓉

《果欄》林子善 係娛圈顧家男

林子善在屯門屋邨長大,16歲跟周星馳入行,在《喜劇之王》飾演「洪爺」一角,少年得志,但後來周星馳同拍檔拆夥,林子善因此近三年完全冇工開、零收入,之後做過時裝店sales、夜場DJ,到08年獲黃子華引薦入無綫拍《奸人堅》,事業先開始好轉。2012年,林子善與拍檔夾份投資首間龍鳳冰室,至今已有四間分店。

林子善
林子善經營龍鳳冰室事事親力親為,分店愈開愈多。

林子善
林子善話幫阿哥Kevin畀首期,係因為姪仔出世,所以佢想逼阿哥儲錢供樓,唔想佢再亂花錢。

林子善話因為試過有兩年冇工開,當時生活好慘也曾經捱過,所以如今事業有起色,對未來嘅事佢會諗得更周詳:「依家要照顧老婆,要諗得更長遠,諗定之後兩年目標係咩,我要努力搵錢買樓,同太太組織家庭,因為之前買樓畀父母,又幫阿哥上車買樓,依家終於可以為自己打算吓!」

買樓贈父母幫阿哥上車

原來林子善首次置業,係以零首期方式買入屯門豫豐花園一個200多萬元單位,佢將豫豐花園放租兩年,之後自住咗三年後放售,把賺到嘅錢買入屯門藍地一間三層高嘅村屋送畀父母居住,佢話當時樓價215萬元,畀咗六成首期,每月供款只需3,000多元,而佢自己就為咗睇住冰室嘅生意,租住緊大坑一個單位。


林子善
劇中蓆仔對果欄中的棄婦惡人菊(甄詠珊飾)不離不棄,同現實中嘅林子善一樣咁情深義重。

義氣仔女

「其實幫阿哥上車嘅錢,我係用老婆本,但兄弟一場,既然哥哥開到聲一定會幫,姪仔出世,哥哥同阿嫂又唔太識理財,長此落去會好危險,我需要為佢諗一諗,既然佢想上車,我就幫佢,連自己兄弟都唔幫就真係冇義氣!」

林子善


除咗供緊買畀父母嘅村屋,原來林子善2015年仲買入咗東涌東環一個近300平方呎嘅一房單位,樓價逾400萬元,林子善畀咗27萬元印花稅,另由於壓力測試及職業問題,需要付出六成首期:「暫時計劃收樓之後會放租,或者等今年結婚時做新居。」又大呻:「爲咗供兩層樓我出盡九牛二虎之力,依家係窮人!」

林子善
唔止同新娘影相放閃時要晒肌,林子善同兄弟團影相更加要一齊鬥晒胸肌,其中包括黃長興同企喺最後面嘅袁偉豪。

林子善


4月婚宴 豪使百萬

35歲林子善由去年2月6日向Kary求婚成功後,籌備逾一年,如今終於筵開50席搞婚宴,期間豪使近百萬港元,林子善之前話因此要努力賺錢:「我同佢講『你想點就點,幾多錢話我知!』,一生人一次想佢最鍾意,我個人冇所謂!」

林子善
林子善和太太董佩欣(Kary)早前專程飛到馬爾代夫拍攝婚紗照,在陽光與海灘中大晒健美身材!

林子善


去年10月16日,林子善和Kary正式簽紙結婚,其後兩人就豪花十多萬到馬爾代夫拍攝婚紗照,再去泰國旅行。

林子善

林子善


甜爆放閃:「老婆要靚最緊要」

雖然婚紗照中林子善一身健碩肌肉勁吸睛,不過他就搞笑話:「請大家將注意力集中放在我漂亮的寶貝身上,在她身邊的男人只係窮到衫都冇得著而已!不需要有評論,我心裏她任何嘢都是最好的,正所謂『新人去影婚紗照,老婆要靚最緊要』!」

林子善

林子善


幫林子善影婚紗相的攝影師Jack Tang話在馬爾代夫拍攝時天氣時好時壞,令他非常擔心,幸好雨過後見彩虹,為子善帶來完美的婚照:「傳聞見到彩虹會帶來好運,祝福呢對好襯好夾嘅情侶!!之後全日影相都好天氣,真幸運!!」

林子善

林子善


摩天輪下求婚

去年2月6日在日本東京台場摩天輪下,林子善化身Kary最愛的卡通人物「阿拉丁燈神」,並將價值近20萬元的1.6卡鑽戒放在「神燈」中跪地求婚,令Kary感動爆喊,但仍慳家地質問子善隻戒指「點解買咁大隻?」跟住仲伸咗子善兩腳!不過事後Kary仍感動表示:「天寒地凍,呢個傻佬扮鬼扮馬,又扮派傳單,同班朋友攪呢件咁夢幻件事,真係好驚喜,我超鐘意!呢件心意我會永遠記住,LOVE U!」

林子善

林子善


林子善和太太Kary在去年10月16日註冊結婚,成為人夫的林子善與老婆鬼馬合照,被太太勾着鼻子走,原來喻意係聽晒老婆話!林子善留言話:「20171016之上路,有傻人終成眷屬,一起踏上婚姻之路。」其實近日忙於為新劇《果欄中的江湖大嫂》拍攝的子善,原來之前一晚仲通宵趕劇,瞓得咁少都抽空去註冊,與Kary正式成為合法夫婦,認真抵錫啦!

林子善
林子善跟Kary均未有穿上正式禮服,子善穿簡單的白恤衫加爛牛仔褲,而Kary則穿吊帶連身裙,手執鮮花!

延伸閱讀:

TVB女藝人學歷大檢閱 48個你知幾多個?