林峯

林峯冧帶張馨月開工兼見家長 新女極速取代千語BB

曾經七講「好愛好愛好愛……」吳千語的林峯,拍拖以來對女友呵護備至,不過,隨著吳千語暗交前全國政協施子清長孫施伯雄,五年情畫上句號。不過林峯不愁寂寞,上年底已經交上內地索模、現年27歲擁34D火辣身材的張馨月(Carina),林峯更帶同新歡返廈門過農曆年,而為免兩地分隔,林峯過完年要回港繼續趕拍內地劇《PTU機動部隊》,張馨月亦秘密來港陪男友開工,日前又陪實林峯及男方父母一行七人到海洋公園玩,極速融入林家。

撰文:東方新地|圖片:東方新地、微博

林峯父母穿紅線 安排相睇飯局

同吳千語分手幾個月,林峯全副精神埋首工作,不過家底厚的林峯又點會冇女埋身,原來上年年底,林峯在父母安排的相睇飯局,結識現年27歲擁34D激凸上圍的內地索模張馨月,女方一見林峯即冧爆主動出擊,極速俘虜林峯的心。

林峯
林峯同吳千語拍拖五年,吳千語雖然被爆有公主病兼拜金,經常暪住男友暗釣富二代,但林峯對女方依然呵護備至。
張馨月
身穿白色泳衣的張馨月, 34D上圍呼之欲出,逼爆身材相當惹火。絕對係男人殺手的她,難怪可火火速俘虜林峯。

張馨月甚得林峯父母歡心

據知林峯同吳千語拍拖時,林父唔鍾意女方拜金主義,又好名牌又有公主病,所以佢兩個分手,林家反而仲開心!仲即刻安排相睇飯局。原來張馨月屋企人係林峯親戚的朋友,林父見個女仔外形條件唔錯,人品又好,就撥行大葵扇。其實兩人都係農曆年前先開始拍拖,但因為張馨月溫柔又就得人,所以拍拖無耐,林峯已經好投入,心情仲好靚㖭!

林峯
據知林峯同吳千語拍拖時,林父唔鍾意女方拜金主義,又好名牌又有公主病
27歲的張馨月,在內地任模特兒工作,拍下唔少性感索爆相。當中唔少得著泳衣晒深長事業線。
張馨月
同林峯遊海洋公園斷正後,網民極速憑張馨月的手機殼將佢大起底。

張馨月留港陪實林峯

已被林峯確認女友地位,張馨月二月亦隨林峯來港,由於過完農曆年林峯要留港繼續趕拍內地劇《PTU機動部隊》,正在熱戀當然唔捨得分開太耐,張馨月為箍男友就專登留港陪男友開工。

張馨月
近月張馨月不時在港出現,早前就在其IG po出遊蘭桂坊及睇夜景相片。

林峯為保護戀情張馨月在港低調

據悉張馨月喺內地做Model ,工作量唔算太多,所以不時專登同公司請假嚟香港黐實男友。而林峯亦好錫女友,會盡量抽空陪女友之餘,又做埋導遊帶佢四圍去玩。不過,始終戀情啱啱先開始,林峯唔希望太張揚,每次出街都會戴口罩又戴帽唔想畀人認到。

林峯趕回港拍新劇《PTU機動部隊》,張馨月亦陪開工,但她每次都低調唔露面。

張韾月融入林峯家庭 廈門見家長

日前,林峯父母由廈門來港探兒子,林峯就帶同女友陪家人一齊遊海洋公園,可見女方已融入林家,亦因此被遊客斷正拍拖。雖然冇正面承認戀情,但林峯對女方照顧周到,又掟公仔氹女友,兩人被追訪後分頭搭的士離開。

林峯農曆新年返廈門探父母,原來當時亦帶埋新歡張馨月同行。
林峯同細佬,堂妹林夏薇返廈門過年,其後記者求證林夏薇堂哥林峯是否一人回鄉,林夏薇支吾以對叫大家問番林峯。

張馨月更勝前度BB

身材及五官都同吳千語有九成相似的張馨月,除咗有修長索腿, 眼大大面尖尖外,比吳千語更優勝就係擁有34D火辣身材,張馨月在2010年參加全國時尚內衣模特大賽奪得亞軍,去年11月又以模特兒身份出席過廣州車展,亦有客串內地電影,似乎圈中發展絕不遜於前度吳千語。

除咗係車模,張馨月亦曾拍內衣廣告,真空透視大晒噴血身段。