林海峰 盧覓雪

林海峰讚《肥美人》好睇零秒焫著盧覓雪:啲人討厭到極致!

最新娛聞

ViuTV選美節目《肥美人》上星期落幕,由曾任鄭中基演唱會dancer的呀肥奪冠,不過節目由未開播到完結都惹來盧覓雪不滿,不止一次在電台節目中開咪批評,日前她在《在晴朗的一天出發》中更為此與林海峰針鋒相對。

林海峰一句「好睇」捱轟 盧覓雪反白眼再插《肥美人》

林海峰日前在《在晴朗的一天出發》開咪時講起《肥美人》,大讚節目好睇又表示很久沒試過坐定定追看節目。豈料,身旁的拍檔盧覓雪聞言立即反白眼,Jan見勢色不對問一句:「點呀?又反眼,又點呀?」雪雪怒火中燒,勁插節目根本歧視肥人,直言:「啲人成日講『盧覓雪,肥人之中你都算靚』,我直頭講粗口,使乜你讚我啫,靚唔靚我自己有鏡照呀!啲人討厭到極致!」

林海峰在節目中讚《肥美人》好睇,點知一句焫著盧覓雪。
林海峰在節目中讚《肥美人》好睇,點知一句焫著盧覓雪,搞到佢不停反白眼。(圖片來源:[email protected]在晴朗的一天出發)

盧覓雪咬住唔放:冒犯咗我

林海峰醒目打算轉移話題,解畫說:「我指個製作做得好。」豈料盧覓雪咬住唔放,再插:「製作我唔知,我冇睇。節目個本意已經冒犯咗我!」見火勢猛烈,林海峰只好笑說:「好在嗰日食飯你唔喺我隔籬,如果唔係真係睇唔晒。」盧覓雪聞言後都有返笑容,林海峰見狀想為《肥美人》平反,點知講唔夠兩句對方又開火,Jan都冇癮:「唉,算啦!講第二啲!」

林海峰 盧覓雪 盧覓雪對《肥美人》非常反感:「節目個本意已經冒犯咗我!」
盧覓雪對《肥美人》非常反感:「節目個本意已經冒犯咗我!」(圖片來源:[email protected]_looooo)

林海峰襟撈為盧覓雪打圓場

林海峰在節目中多次被盧覓雪打斷發言,頓時冇癮打算轉話題,可是雪雪追問,逼到Jan回應:「你都有講你對健身嘅睇法,但我冇撥個火埋去你嗰度嘛,咁點講,大佬!」不過事後他大方回應,指盧覓雪是「有嗰句講嗰句」,而且二人相識多年,如家人一樣總會有意見不合的時候,但不會傷感情。林海峰此話為整件事打圓場,大家都好落台,果然是金牌名嘴。

盧覓雪 林海峰高度戒備膠箱笠頭開咪 與《晴朗》主持隔住膠板做節目
林海峰見盧覓雪盛怒難下,即時打圓場,果然是名嘴。(圖片來源:[email protected]_09)

盧覓雪多次狙擊《肥美人》怒斥「公然歧視」

盧覓雪不只一次批評《肥美人》,其實去年節目開播前她已經開咪插過一次,直指節目是「公然歧視」。她認為身型不應與才華、魅力混為一談,舉欣宜、Serrini、Adele、渡邊直美作例子反擊肥人被標籤的風氣,更斥節目過份嘩眾取寵。當時《肥美人》編審急急回應,指重視雪雪的想法,希望透過節目讓觀眾另眼相看。

林海峰 盧覓雪怒插《肥美人》係「公然歧視」。
盧覓雪怒插《肥美人》係「公然歧視」。(圖片來源:[email protected]_looooo)

常見問題

盧覓雪對《肥美人》有何睇法?

盧覓雪由節目未開播已有意見,直斥節目本意已經冒犯了⋯⋯詳情請看

林海峰為何焫著盧覓雪?

林海峰日前於電台開咪時講起《肥美人》,大讚節目好睇又表示很久沒試過坐定定追看電視,點知盧覓雪持有己見⋯⋯詳情請看

撰文:東方新地圖片來源:[email protected]在晴朗的一天出發、[email protected][email protected]_09helle_looooo

讀者留言