伍富橋

伍富橋林穎彤翻撻失敗 新年曬合照自曝新戀情 拍拖半年女友原來勁富貴?

最新娛聞

廣告

家底豐厚藝人伍富橋與林穎彤(Bella)於2019年撻著,到2020年10月分手,當時女方將男方降呢成為朋友同事,兼互相取消關注社交網,不過早前二人又因新劇《十月初五的月光》而傳出愛火重燃。但其實伍富橋半年前已經另結新歡,仲有消息指新女友好富貴添!

伍富橋 林穎彤
2019年,林穎彤與伍富橋拍拖,戀情維持約一年多,2020年10月兩人分手。(圖片來源:東方新地資料庫)
2022年嘅大年初二伍富橋在IG公開新女友甜蜜合照。
2022年嘅大年初二伍富橋在IG公開新女友甜蜜合照。(圖片來源:[email protected]

新年新女友!

踏入虎年的大年初二,伍富橋就在IG貼出一張與一名長髮女子的合照,仲襯晒情侶裝服,女方攬住雙貓,男方從後攬住女方,並寫道:「虎年快樂!」加上伍富橋的圈中好友例如朱智賢、林秀怡、周志康等都紛紛以心心符號留言表示甜蜜,不難想像伍富橋曬女友放閃,仲有消息指新女友家底唔錯,同伍富橋係門當戶對㗎,仲有好多圈中好友添!

事隔幾日,伍富橋又再度放閃。
事隔幾日,伍富橋又再度放閃。(圖片來源:[email protected] alvinngfukiu)

新歡原來係舊同事

伍富橋日前出席無綫節目《不可能任務》記者會就被傳媒問到有關新戀情嘅事情,仲自爆與女友Shirley拍拖半年,對方以前仲喺TVB度做幕後,所以相識好多年㗎喇!至於「富貴」方面,伍富橋就話要睇吓點定義喇,不過金錢從來都唔係佢揀女友嘅考慮因素,他接受TVB訪問時就話:「都係向住結婚呢個方向,如果求婚佢又應承嘅話都可以…」雖然有唔少人聽到都毛管戙,但伍富橋就透露,前度女友林穎彤就冇恭喜佢喎!

伍富橋 林穎彤
29歲的林穎彤於2020年10月與伍富橋分手。
伍富橋 林穎彤
林穎彤與伍富橋外形合襯,近幾年在無綫keep住有合作。

伍富橋林穎彤凍結戀情大半年

其實早前因為劇集《十月初五的月光》二人合作而曾經傳出過林穎彤與伍富橋秘密翻撻,有消息指二人之前為新劇《十月初五的月光》拍攝外景,伍富橋出動靚車管接送,據知二人在劇中是演情侶,促使他們再次走在一起,拍劇時更寓工作於拍拖。

呢個個伍富橋嘅IG名
呢個個伍富橋嘅IG名(圖片來源:[email protected] alvinngfukiu)
伍富橋 呢個係Bella追蹤嘅人。
呢個係Bella追蹤嘅人。(圖片來源:[email protected] bella_lam)
伍富橋 林穎彤
林穎彤與伍富橋因為拍劇已冰釋前嫌傳復合。
伍富橋 林穎彤
二人不時相約行山親親大自然,拍拖的活動非常健康。

林穎彤曾漏口風

其實早前劇集《十月初五的月光》舉行記者會時,林穎彤已明顯對分手一事轉口風,她表示打算拍完套劇,就會重新follow伍富橋的社交網,仲話會畀時間大家再了解一下。在《十月初五的月光》中,林穎彤飾演的痴情女汪琳,在官方的探班花絮片中,有一幕戲講到Bella要著住婚紗狂奔,好慘情仲要跪地,劇中新郎哥就是伍富橋,開拍之時二人已分手,林穎彤曾表示劇情要她「一時慘、一時好甜蜜」,認真考演技!

伍富橋 林穎彤
林穎彤飾演的汪琳在教堂前仆親,痛哭未能成功搶婚。(娛樂新聞台截圖)

林穎彤仆倒去搶婚

在早前的探班花絮中,三角戀劇情去到教堂婚禮高潮戲份,林穎彤要著住婚紗狂奔,仲要在鏡頭前反覆仆幾次,據報仲跌到腳傷!相反男方伍富橋就好輕鬆,娶得阮嘉敏仲得到對方幕前獻吻,佢自己都話係因為「課金收買導演」才能享齊人之福。

伍富橋 林穎彤
伍富橋在劇中結婚,不過新娘不是林穎彤。
伍富橋 林穎彤
導演叫咗Cut林穎彤仍然喊到收唔到聲,入戲好深。(娛樂新聞台截圖)
伍富橋 林穎彤
Run, Bella Run(娛樂新聞台截圖)
伍富橋 林穎彤
林穎彤仆倒在教堂內。(娛樂新聞台截圖)
伍富橋 林穎彤
林穎彤向住當時已分手的伍富橋做戲。(娛樂新聞台截圖)
伍富橋 林穎彤
林穎彤跪地喊到收唔到聲。(娛樂新聞台截圖)

娛樂新聞台報導:林穎彤拍十月初五的月光傷腳

新劇「十月初五的月光」中有一幕講述林穎彤著住婚紗狂奔,要為自己爭取幸福而搶婚,仲要跪地痛哭結果就受傷了!林穎彤表示同一位置再傷多一次,聽到都覺得痛呀!

伍富橋飾演萬沛堅,係何依婷表哥; 至於林穎彤飾演的汪海琳,就是他的初戀情人。

伍富橋 21年前的《十月初五的月光》汪海琳一角由汪琳飾演,現年已經43歲,係一女之母。
21年前的《十月初五的月光》汪海琳一角由汪琳飾演,汪琳育有一子一女,現年已經43歲。

林穎彤脫貧有計

29歲的林穎彤曾與伍富橋與拍拖年多,林穎彤在2019年因為冧掂星夢娛樂老闆何哲圖,算是成功上位,唱歌、拍劇做主持工作不斷,有指林穎彤脫貧唔係單靠工作,而係高招mark住一班富貴兵團,被捧後即撇甩拍拖兩年奀星容天佑,換上高等兵伍富橋陪出陪入,有四十萬戰車管接送,有傳伍富橋去年曾與《Think Big天地》主持人陳嘉慧過從甚密,令林穎彤嬲爆提出分手,當時更互相取消關注,去到好盡。

伍富橋 林穎彤
林穎彤曾表示與伍富橋性格不合。

林穎彤2020年公開分訊:性格唔適合

林穎彤於2020年出席慈善活動記招時,被記者求證是否已與伍富橋分手,她眼眨淚光、強顏歡笑謂:「之前一齊宣傳,依家冇乜話題冇聯絡,因完咗宣傳,(係咪互相取消關注ig)係,不嬲都follow好少人嘅。」林穎彤更將伍富橋降呢為「朋友同事」,稱大家見面唔會尷尬,仲話「性格非可以傾到偈做好好朋友」,更指伍富橋文靜,她活潑。被問到有否第三者介入,林穎彤稱未準備拍拖,但會考慮圈外對象。

伍富橋 林穎彤
林穎彤去年出席活動,曾一臉愁緒回應記者追問關於分手傳聞。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:林穎彤IG圖片、伍富橋IG圖片、無綫娛樂新聞台截圖

讀者留言