林芊妤

林芊妤卸貨在即挑戰拱橋動作 網友睇到心驚膽跳!

現時28歲嘅林芊妤(Coffee)已陀B八個月,但日前佢就上載一段做拉筋運動嘅短片喺個人社交網,睇到個個人心都離一離,皆因每個動作睇落都好似對一位大肚婆嚟講幾危險咁!

撰文:東方新地|圖片:Instagram

林芊妤卸貨在即挑戰拱橋動作

一向肥肚唔肥人嘅林芊妤(Coffee)已陀B八個月,但日前佢就上載一段做拉筋運動嘅短片喺個人社交網,見佢著上粉色運動bra,除咗知肚之外,身形依然纖瘦!短片開始時,就見到Coffee坐喺床上,做一啲簡單嘅熱身動作,感覺冇咩問題!

之後,佢就做一個伏身嘅動作,成個上身趴喺張床上,雙手向前平放。雖然唔知BB有冇喺肚入面跟住做,但就可以肯定Coffee好落力咁做每個動作!

簡單做咗一輪熱身你後,Coffee就開始嚟料,正式做以下多個驚險動作!首先,用對手加一隻腳撐住個人再單腳向後踢,之後左右腳互換,輪住做。

除咗用對手加一隻腳撐住個人向後踢腳,Coffee仲壓住個肚嚟個雙腳向後屈加拗腰,真係睇到都為佢擔心,唔知有冇壓親肚入面個小BB!

向後屈腳都難唔到呢位膽大嘅大肚婆,大住肚做一字馬又點會難到Coffee呀?

一字馬呢啲對佢嚟講都己經係小兒科,再高難度啲嘅高身拱橋一樣做得到!雖然係咁,但就睇到一班網民心都為佢跳咗出嚟,擔心會對BB構成不必要嘅危險!

奉勸各位大肚婆,若無咁強勁瑜珈底子,千祈唔好模仿Coffee呀!

有片睇!

陀住8個月嘅Coffee據知腰圍仍然只得33吋,咁嘅身形的確令唔少準媽媽羨慕!

林芊妤沖繩旅行晒升Cup上圍

早幾日前,Coffee同老公去了沖繩旅行,其後仲大晒著泳衣嘅三點式相,相中可見,本來上圍豐滿嘅佢因為大肚嘅關係再度升級,非常性感!而且張相更於網上廣傳,令Coffee被台灣傳媒冠以「港版瑤瑤」稱號!

Coffee亦有分享外遊相,仲笑指老公話佢依家好似企鵝,但佢就認為似企鵝都唔錯,因為夠哂可愛,唔知大家點睇呢?

林芊妤卸貨前大出「股」惑

林芊妤(Coffee)唔經唔覺已經接近臨盤,早前曾公開表示醫生指佢有胎盤前置問題,叫佢多休息及唔好太操勞。日前,陀B八個月嘅Coffee就喺個人社交網po靚相,實行出「股」惑,大晒「優質股」不過,相中可見影呢張相嘅時候,Coffee係未大肚嘅,果然夠哂蠱惑!

據了解,呢張相原本係上年寫真集嘅相之一,本來上年諗住出運動教學加寫真,但因為Coffee有咗BB,所以就要停工!好在,依家Coffee派福利令大家有眼福啦!

除咗晒Pat Pat,Coffee早一日又po相,並留言:「我一直都勤力過隻牛,今次攞正牌食玩同埋瞓,機會真係好難得,所以應該要好好活在當下享受做懶豬嘅時光,不過係時候要諗下搞唔搞Baby shower la!」睇嚟又有大計準備要進行喎!

林芊妤騷弗到漏身材

除咗簡單講下嚟緊嘅大計外,Coffee仲拍咗後加快咗影片速度嘅片放上個人社交網,更有趣留言:「寶寶好像在震盪的布丁」相信大家除咗將注意力放喺佢個肚外,亦同時留意到大肚8個月嘅Coffee對腳依然纖幼,認真羨慕死人!

有片睇:

Coffee林芊妤B仔 扮陶大宇⋯

Coffee在IG留言:「Oh my god!!今日醫生話我好叻,因為無咩點肥到,但個b竟然係大碼BB,長在胎兒不長肉,令我聽完最開心既係,知道肚腩仔健健康康。」

Coffee都有回覆網民留言話:「係呀,佢好串」又話「係呀 勁搞笑 佢好似唔想俾我睇」

身為瑜伽導師嘅Coffee,大肚以嚟肥B唔肥身,陀B 6個月體重56kg,比懷孕前只係重咗8kg,最勁仲係BB居然係大碼B!

唔少孕媽陀B後都容易眼瞓,Coffee都唔例外,佢話以前再忙再攰瞓數小時就足夠,但現在經常會自動熄機訓著咗!睇張相唔使問當然係老公影,但Coffee就話「又唔幫人除眼鏡」

😛 梳化變成我晚晚訓著覺既地方 以前忙既話訓幾個鐘就夠 而家就算幾忙幾多野未做都好 都會自動熄機訓著左🐷 #sleepinglikeaboss #人生最健康的10個月 #又唔幫人除眼鏡
🧘🏻‍♀️C O F F E E L A M🧘🏻‍♀️(@coffee89921)分享的貼文 於張貼

林芊妤:想穿的漂亮衣服也穿不下

懷孕6個月的Coffee於IG發佈相片,並留言:「到現在自己懷孕,才開始明白到什麼是付出。不能做什麼什麼、不準吃這個那個、不可去這兒那兒、不可玩這個那個,想穿的漂亮衣服也開始穿不下,慢慢生活也改變得越來越多。不過其實也有很多得著的,最大感受是身邊的人都對我小心翼翼,連一向把我當硬漢子的老公,也變得比平時細心了。雖然還不太習慣被呵護備至,但我就當好好休養一下吧!讓我這個粗生粗養的人,感受一下被細心關懷的人生,因為到👶🏻(BB)出生後,相信才是人生真正的戲肉⋯哈哈」

懷孕6個月的Coffee身形依然弗爆,腹部只是微微隆起!

林芊妤自爆已低調完婚

上月底,Coffee就上載多張結婚晚宴相上個人社交網,自爆已同圈外男友翟志榮(Weng)低調完成結婚儀式,並留言寫下結婚感言,相中見Coffee著上一身白色露背貼身長裙,設計非常簡約。企喺老公身旁嘅Coffee展露出做人妻嘅喜悅笑容,而一對新人望落亦十分登對!

穿起貼身款式長裙嘅Coffee,睇落一啲都唔似已陀住5個月肚,腰位依然冇凸肚!

據了解,Coffee昨晚於港島一間酒店低調舉行婚宴,僅筵開三席,及只邀請至親好友出席,而Coffee與翟志榮簽紙後向在場賓客說:「今日現場所有人都是我生命中最重要的人,我最好的朋友,我的屋企人,咁就夠喇,覺得這個對我是最好的wedding。」

簽紙都簽到要挨住老公,認真開心!

大家都笑到見牙唔見眼!
兩公婆甜蜜互動!

除上載多張婚宴相外,Coffee更留言大爆自己陀住嘅BB係個男仔,指:「婚禮也在愉快和笑聲中完結,最遺憾是沒有請我的朋友們,希望你們會體諒我喔,待我的兒子出世時再宴請你們。」

大肚林芊妤 首晒婚紗相

原來唔多想影婚紗相,留言自爆:「以前經常穿婚紗去活動和拍照,而我對婚禮又沒甚麼憧憬,所以本來連結婚相也不想影,但想留個紀念所以還是要拍,我卜大們倆都當是例行公事,不夠半小時我們就覺得無聊了,只顧想着下午吃甚麼好,像兩個小朋友去公園玩那樣,反而要感謝攝影師的堅持,令我們能順利完成拍攝,謝謝我Sis為我弄的花兒,很美。」

👰🏻❤️🤵🏻 以前經常穿婚紗去活動和拍照 而我對婚禮又沒什麼憧憬 所以本來連結婚相也不想影 但想留個念所以還是要拍❤️ 我們倆都當是例行公事🤣 不夠半小時我們就覺得無聊了 只顧想著下午吃什麼好🤤 像兩個小朋友去公園玩那樣 反而要感謝攝影師的堅持 令我們能順利完成拍攝 謝謝我Sis為我弄的花兒 很美😍💐 💄@queeniewartnmakeup 💐@floral_memo 📸@anthonyxshawn 👰🏻@ballroom_wedding

A post shared by🧘🏻‍♀️C O F F E E L A M🧘🏻‍♀️(@coffee89921) on


其中一張Weng將懷有身孕的Coffee倒吊,動作認真大膽,睇見到覺得「牙煙」,不過Coffee就笑得好開心!

陀B玩浮潛 網民戥佢驚|Coffee:停下來應該不太健康⋯

上周Coffee就同肚中BB仲有未婚夫去咗旅行歎世界,不過佢唔止走去健身室玩跑步機,仲去游水同玩浮潛,唔少網友話這個孕婦太活躍,唔少人都戥佢驚,紛紛叮囑佢要小心,但當事人話直言未有BB前的確做很多運動,所以「要我突然全部停下來應該不太健康」!

🌈 雨後看到彩虹 人生沒有永遠的天晴 也不會一直狂風暴雨 #sojustenjoythismoment😛 #lastday #getbacktowork

🧘🏻‍♀️C O F F E E L A M🧘🏻‍♀️(@coffee89921)分享的貼文 於張貼

大肚婆開始冇記性

唔少孕婦陀B後都易唔記得嘢,Coffee都唔例外,她說:「為什麼我越來越沒記性呀,這旅程本是我為他安排的生日禮物,旅程一開始還自覺不錯,自滿訂機票和酒店訂得很好,但我剛剛發現要出席的公開活動,原來是在週六而不是星期日!!!我真的覺得自己很大頭蝦,打算轉或買機票提早回香港,但是週五大部分內陸機也滿座,最後還是要他來收拾爛攤子,在56k的WiFi速度下,上網找航班和取消酒店預約,突然覺得他挺有用的」

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

Coffee話:「以為我游完水呢,其實我仲未有機會落水,但係搭船已經淋雨淋到濕晒,到左後好似開始無咁大雨啦,不過太大浪我未敢落水」

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

Coffee陀緊B仔,但咪以為咁就冇泳衣相睇,皆因就算大住肚4個幾月,佢都仲去旅行大玩浮潛,真係藝高人膽大!

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

我準備要去浮潛啦🐠🐟🐡
🧘🏻‍♀️C O F F E E L A M🧘🏻‍♀️(@coffee89921)分享的貼文 於張貼

林芊妤陀住BB玩跑步機

之前,陀B四個幾月的Coffee就去咗旅行,並於個人社交網上載多段短片,其中一段片中,見佢喺跑步機上慢行,而未有快跑。

林芊妤

但Coffee全副「武裝」上陣,面帶笑容嘅佢着住一身運動裝,大晒驕人事業線,兼露出一大截小蠻腰!

林芊妤

身材弗爆嘅Coffee繼續唔見肚。

林芊妤大騷纖腰

而另一段短片中,Coffee就話自己着到以前着唔落嘅短褲,其後更拉起上衣大晒肚皮,但仍見腹肌依舊存在!

雖然話著得番以前著唔落嘅短褲,但望住Coffee又唔覺佢身形有任何變化。

林芊妤大哂幸福

2016年時公開與圈外男友翟志榮(Weng)的戀情,兩人拍拖以來一直感情穩定,雖然準老公一直未有露面,但早前Coffee就上載咗張二人甜蜜pre-wedding嘅相,仲留言話:「真實的生活其實很平淡,遇到能令你每天笑著過的人,就要好好珍惜眼前人。」

林芊妤手戴婚戒

其後,佢更分享咗張手戴鑽戒嘅相片喺個人社交網上,大哂即將做人妻嘅期待同幸福感,唔知張相係咪出自準老公之手呢?

林芊妤胎教影響強勁

早前,Coffee喺個人社交網上載咗張BB超聲波相,可能媽咪胎教太有效,令到bb喺媽咪肚入面都識得做瑜伽!喺相中見到,就算bb而家只得4個幾月大,但就已經腳仔長長,仲要做出一個類似「打關斗」嘅姿勢,真係遺傳哂媽咪熱愛做瑜伽嘅基因!

林芊妤預產期為11月

Coffee之前接受傳媒訪問,表示今次雖然係意外懷孕,不過佢自己同準老公都好開心,雙方家人都好高興,而預產期為11月。

大肚教瑜伽

Coffee一向喺社交網站十分活躍,經常上載靚相大晒弗爆身材,之前佢戴住口罩自拍,表示病咗仍繼續教瑜伽班,難怪bb都一樣咁勤力,而家喺肚都會同媽咪一齊做瑜伽。

Coffee無論係而家有咗BB,定以前未陀BB,著住三點色依舊一樣咁索!

關鍵詞
林芊妤