林芊妤

自創減肥五式!陀B五個月 Coffee:靠瑜伽醫子宮頸癌

最新娛聞

廣告

現正陀B約五個月嘅林芊妤(Coffee),即使大住肚,仍繼續大玩高難度瑜伽,去健身室玩跑步機,以及游水同浮潛,唔少網友戥佢驚,紛紛叮囑佢要小心,但當事人就話未有BB前的確做很多運動,所以「要我突然全部停下來應該不太健康」!

唔講唔知,原來2013年Coffee曾經患上前期子宮頸癌,要入院做手術,仲試過拍劇時下體突然出血,自從呢場大病後,佢的起心肝苦練瑜伽,終於考到國際認可嘅瑜伽導師資格㖭!

撰文:東方新地|圖片:新傳媒圖片庫、Coffee IG

林芊妤 天生軟骨功

現年28歲的Coffee林芊妤,跳出無線後憑住天生軟骨神功及不斷自我修練,一個華麗轉身變成瑜伽導師,最近更做埋胡杏兒的私人教練,踏上星級教練之路。即使依家大住五個月肚,Coffee仍照做高難度瑜伽,Coffee說她11年始接觸瑜伽這項運動,「其實係我第一個男友覺得我有呢方面天份,佢覺得我身體好柔軟,好適合,加上嗰陣經歷咗一場大病,先的起心肝報學瑜伽,我更花咗一年時間,成功考到國際認可的瑜伽導師資格。」

「可能我一炮過交咗六萬蚊學費,唔想嘥啦!加上天生夠柔軟度,做高難度動作時有個優勢,有啲動作一下就可以到位,俾到我好大滿足感。」但Coffee指:「由始至終我都冇諗會以此為職業,依家教瑜伽除成為咗我專業外,仲成為我嘅image,受人尊重嘅其一因素。」

🧘🏻‍♀️C O F F E E L A M🧘🏻‍♀️(@coffee89921)分享的貼文 張貼

2013年,Coffee曾自爆患有前期子宮頸癌,但經切除子宮壞死組織後已痊癒,亦唔影響以後生育。Coffee表示:「喺舊公司成日都驚住會冇工開,壓力真係好大,但學咗瑜伽後,壓力冇咁大,病痛也相對少咗。」

🧘🏻‍♀️C O F F E E L A M🧘🏻‍♀️(@coffee89921)分享的貼文 張貼

Coffee又透露手術後拍攝《My盛Lady》時,曾因手術傷口感染令下體突然出血:「當時流好多血,又唔敢同工作人員講,後來監製知道,即刻安排同事陪我走,監製仲話:『人哋唔知仲以為我收賣人命!』真係好多謝佢哋咁體諒,依家每三個月要去醫院做檢查,同埋打子宮頸癌預防針,希望唔會再復發,惡化成Cancer。」

🧘🏻‍♀️C O F F E E L A M🧘🏻‍♀️(@coffee89921)分享的貼文 張貼

教高難度瑜伽四式

此外Coffee仲為本刊親自示範高難度嘅四式瑜伽,以及佢自創嘅五式減肥瑜伽。

舞王式

頭倒立式

雙臂反抱腿式

手抓腳腕輪式

Coffee自創減肥五式

第一式

雙手伸直撐地,雙膝跪地,膊頭與雙手和膝頭與盤骨位置成一直線,伸直右手提起左腳,做出收放動作,這樣有助趕走手臂拜拜肉和收緊臀部線條。

第二式

雙手伸直撐地,雙膝跪地,肩膊與雙手和膝頭與盤骨位置成一直線,將左腳橫向提升成90度,重複做出收放動作,這樣可減大腿內、外側贅肉。

第三式

趴在地上,將手腳提升,上下不停做出交叉動作,可防止寒背及有助挺胸收腹,改善身體線條。

第四式

仰天瞓平,提升膊頭肩甲骨,屈曲雙腳,做出收放動作,過程中手腳不能落地,這樣可修腰部贅肉和大髀肌肉。

第五式

仰天瞓平,手抱頭,將雙腿提升至離地,做出成90度動作,上下擺動,過程中手腳不能落地,這樣可收腹和大髀肌肉。

首晒婚紗相 大肚林芊妤:影婚照是例行公事

林芊妤(Coffee)與拍拖3年的男友Weng早前被爆奉子成婚申請入紙結婚,雙喜臨門!懷孕5個月的她日前在社交網發放多張婚紗相,好甜蜜,但當事人原來唔多想影婚紗相,留言自爆:「以前經常穿婚紗去活動和拍照,而我對婚禮又沒甚麼憧憬,所以本來連結婚相也不想影,但想留個紀念所以還是要拍,我卜大們倆都當是例行公事,不夠半小時我們就覺得無聊了,只顧想着下午吃甚麼好,像兩個小朋友去公園玩那樣,反而要感謝攝影師的堅持,令我們能順利完成拍攝,謝謝我Sis為我弄的花兒,很美。」

👰🏻❤️🤵🏻 以前經常穿婚紗去活動和拍照 而我對婚禮又沒什麼憧憬 所以本來連結婚相也不想影 但想留個念所以還是要拍❤️ 我們倆都當是例行公事🤣 不夠半小時我們就覺得無聊了 只顧想著下午吃什麼好🤤 像兩個小朋友去公園玩那樣 反而要感謝攝影師的堅持 令我們能順利完成拍攝 謝謝我Sis為我弄的花兒 很美😍💐#hkprewedding 💄@queeniewartnmakeup 💐@floral_memo 📸@anthonyxshawn 👰🏻@ballroom_wedding
🧘🏻‍♀️C O F F E E L A M🧘🏻‍♀️(@coffee89921)分享的貼文 於 張貼

其中一張Weng將懷有身孕的Coffee倒吊,動作認真大膽,睇見到覺得「牙煙」,不過Coffee就笑得好開心!

陀B玩浮潛 網民戥佢驚|Coffee:停下來應該不太健康⋯

早前Coffee更同肚中BB仲有未婚夫去咗旅行歎世界,不過佢唔止走去健身室玩跑步機,仲去游水同玩浮潛,唔少網友話這個孕婦太活躍,唔少人都戥佢驚,紛紛叮囑佢要小心,但當事人話直言未有BB前的確做很多運動,所以「要我突然全部停下來應該不太健康」!

🌈 雨後看到彩虹 人生沒有永遠的天晴 也不會一直狂風暴雨 #sojustenjoythismoment😛 #lastday #getbacktowork
🧘🏻‍♀️C O F F E E L A M🧘🏻‍♀️(@coffee89921)分享的貼文 於張貼

大肚婆開始冇記性

唔少孕婦陀B後都易唔記得嘢,Coffee都唔例外,她說:「為什麼我越來越沒記性呀,這旅程本是我為他安排的生日禮物,旅程一開始還自覺不錯,自滿訂機票和酒店訂得很好,但我剛剛發現要出席的公開活動,原來是在週六而不是星期日!!!我真的覺得自己很大頭蝦,打算轉或買機票提早回香港,但是週五大部分內陸機也滿座,最後還是要他來收拾爛攤子,在56k的WiFi速度下,上網找航班和取消酒店預約,突然覺得他挺有用的」

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

Coffee話:「以為我游完水呢,其實我仲未有機會落水,但係搭船已經淋雨淋到濕晒,到左後好似開始無咁大雨啦,不過太大浪我未敢落水」

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

Coffee陀緊B仔,但咪以為咁就冇泳衣相睇,皆因就算大住肚4個幾月,佢都仲去旅行大玩浮潛,真係藝高人膽大!

🧘🏻‍♀️C O F F E E L A M🧘🏻‍♀️(@coffee89921)分享的貼文張貼

我準備要去浮潛啦🐠🐟🐡
🧘🏻‍♀️C O F F E E L A M🧘🏻‍♀️(@coffee89921)分享的貼文 於張貼

林芊妤陀住BB玩跑步機

近日,Coffee仲喺個人社交網上載多段短片,其中一段片中,見佢喺跑步機上慢行,而未有快跑。

但Coffee全副「武裝」上陣,面帶笑容嘅佢着住一身運動裝,大晒驕人事業線,兼露出一大截小蠻腰!

身材弗爆嘅Coffee繼續唔見肚。

林芊妤大騷纖腰

而另一段短片中,Coffee就話自己着到以前着唔落嘅短褲,其後更拉起上衣大晒肚皮,但仍見腹肌依舊存在!

雖然話著得番以前著唔落嘅短褲,但望住Coffee又唔覺佢身形有任何變化。

林芊妤大哂幸福

2016年時公開與圈外男友翟志榮(Weng)的戀情,兩人拍拖以來一直感情穩定,雖然準老公一直未有露面,但早前Coffee就上載咗張二人甜蜜pre-wedding嘅相,仲留言話:「真實的生活其實很平淡,遇到能令你每天笑著過的人,就要好好珍惜眼前人。」

林芊妤手戴婚戒

其後,佢更分享咗張手戴鑽戒嘅相片喺個人社交網上,大哂即將做人妻嘅期待同幸福感,唔知張相係咪出自準老公之手呢?

林芊妤胎教影響強勁

早前,Coffee喺個人社交網上載咗張BB超聲波相,可能媽咪胎教太有效,令到bb喺媽咪肚入面都識得做瑜伽!喺相中見到,就算bb而家只得4個幾月大,但就已經腳仔長長,仲要做出一個類似「打關斗」嘅姿勢,真係遺傳哂媽咪熱愛做瑜伽嘅基因!

林芊妤陀B仔

Coffee之前接受傳媒訪問,表示今次雖然係意外懷孕,不過佢自己同準老公都好開心,雙方家人都好高興。Coffee預產期為11月,而且已經知道BB係男仔,不過佢就話自己鍾意女仔多啲!

大肚教瑜伽

Coffee一向喺社交網站十分活躍,經常上載靚相大晒弗爆身材,之前佢戴住口罩自拍,表示病咗仍繼續教瑜伽班,難怪BB都一樣咁勤力,而家喺肚都會同媽咪一齊做瑜伽。

Coffee無論係而家有咗BB,定以前未陀BB,著住三點色依舊一樣咁索!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!