栢芝媽

栢芝閂水喉 要揸Uber搵食!栢芝媽 敬業樂業

由出道開始就照起全家包括父母、兩個細佬同同父異母姐姐等幾個家庭嘅使費,去年栢芝在IG呻窮後,有傳向全家閂水喉停止接濟,搞到栢芝媽要拍戲、揸Uber自己搵食。一年之後,原來栢芝媽依然係Uber司機行列,日前就揸住架七人車應召去到跑馬地接客人。

撰文:東方新地|圖片:新傳媒圖片庫、張栢芝FB

栢芝媽評分高

一到接客點,栢芝媽即時飛奔落車,一臉笑容同客人打招呼,再行去車尾開門放行李。雖然年紀唔細又係女兒身,仲一身黑白打扮好有台型,勢估唔到接載男客人,栢芝媽一樣落手落腳起身踎低幫手搬埋行李至去番司機位。今時今日,香港咪就係要咁嘅服務態度啫嘛!唔怪得栢芝媽嘅Uber評語長期優秀、評分高企喺4.7分啦!

栢芝媽
話雖向現實低頭要拍戲揸Uber搵食,一樣可以敬業樂業做得開心,栢芝媽一到接客點即時堆滿笑容落車與客人打招呼,一身黑白造型亦都好有台型。

唔係開門咁簡單,栢芝媽仲落手落腳幫埋手搬行李上車。

栢芝媽

然後一邊與客人說笑,一邊將客人行李排放妥當,認真又細心。

栢芝媽

忙完一輪、關好車門,再帶埋客人入座開車,難怪長期評分都咁高。

栢芝媽

栢芝媽戴莎莉處女電影《魕異》前年九月舉行首映禮,大女戴碧芝(左一),細仔柏文(中)、二仔豪龍(右一)及新抱齊撐場。

栢芝媽

去年栢芝媽在九龍城一烘焙店做店員,收鋪要擔擔擡擡都冇所謂,有指想爲栢芝分擔經濟負擔。

栢芝媽

呻窮清算家人 張栢芝 自爆被欺負18年

張栢芝向來疼錫家人又顧家,入行十多年以來,對姊弟們的支持出錢又出力,對父母更加做到一百零一分,父母離婚各自有不同家庭,栢芝依然孭上身,一人獨力撐起幾頭家十多年,一直無怨無悔!去年栢芝卻在社交網大吐苦水,自爆被欺負十八年,啞忍多年谷到爆,對至親作出大控訴,在家中肩負大水喉角色的栢芝,拒再無限量供水。轉個頭栢芝卻奴性不改,走去領養三隻貓咪,深信養貓好過養人!

社交網爆seed

張栢芝絕跡香港娛樂圈多年,轉返內地發展,工作都以遷就兩子時間行先,搵錢機會不復當年勇,但仍要為父母姊弟幾頭家擔憂,心力交瘁,去年突然開設社交網帳戶瘋狂出po,貼出父親跟親友的合照,留言「多謝你畀我勇氣,唔該晒你勇哥(張父張仁勇,又名鬍鬚勇)」以為佢感激張父,點知下面留言爆seed「其實都忍咗好耐㗎啦,估唔到爆出嚟之後,所有身邊朋友都極度支持我⋯⋯他們冇諗過我一直活喺一個咩世界入面⋯⋯」之後又以英文留言「no one can stop me……no one can beat me even」,看來栢芝忍無可忍,要一鑊過爆發。

自爆被欺負18年

栢芝又出一段舊日跟細佬張豪龍的合作片段,留言話:「佢(指細佬)一定係諗家姐畀人欺負十八年,自己乜都做唔到」,栢芝自爆被欺負十八年,正是佢入行之時。

撐住幾頭家的栢芝,不吐不快,post中又指自己冇錢請造型師及買靚衫,只能穿舊衫及請化妝師拍膊頭幫拖。大呻冇錢的栢芝,在香港住大埔康樂園獨立屋,加拿大和新加坡都有物業,突然呻窮似乎想一刀切,拒再無限量接濟家人。

直播領養貓貓

栢芝決心拒再做大水喉後,心情立即變輕鬆,連日在IG玩直播,透露突然想養貓,回港第一時間處理領養事宜,並一口氣領養三隻貓。早前栢芝出動到愛護動物協會辦理手續,領取其中一隻白色灰紋英國短毛貓後,立即將家中新成員帶去寵物店沖涼,之後再去買電腦,出巡大半天返回大埔寓所。

激短熱褲出巡

栢芝自爆專一,連家中電腦都是十多年、婚前買下,直至壞機才去買新。當日栢芝出發到銅鑼灣蘋果店買電腦,司機拎一袋自己孭一袋,滿載而歸。見到今年38歲、生咗兩個仔的張栢芝keep得唔錯,着住一條激短熱褲露腿出巡,都依然吸睛喎!

張栢芝同兩個寶貝仔行街 冧爆又拖又錫又攬

早前又畀記者見到栢芝一拖二去咗又一城睇玩具,兩個仔高大咗、靚仔咗,仲好懂事,聽教聽話仲識幫輕媽媽攞吓袋。唔怪得之栢芝就算冇拖拍都有仔萬事足,一對仔輪住又拖又鍚又攬,有愛到一個點!

張栢芝
38歲張栢芝日常生活其實好簡單,唔使拍嘢上節目又唔使搞自己生意時,十成十都係陪緊對寶貝仔出行玩樂。

其實唔係下下都只得媽媽買玩具畀囝囝,早排情人節,張栢芝就自爆喺屋企同兩個小情人食住家飯過節,Lucas仲話要送紮花畀媽咪添!不過栢芝話心領,自己唔鍾意花啫嘛!

張栢芝
早前張栢芝在個人IG自爆同兩個仔情人節在家食住家飯慶祝,仲話Lucas想送花不過被自己拒絕。

張栢芝

一個湊兩個轉吓眼已經第七年,栢芝出街一拖二話咁易,Lucas被媽媽攬實時,Quintus就乖乖跟住行。年中梗會傳出幾段新緋聞,其實睇栢芝行兩步都要忘情錫吓攬吓Lucas,就知呢位媽咪有仔萬事足,都未必有心機應酬新戀情。

張栢芝
張栢芝有兩個小情人!

11歲Lucas同8歲Quintus高咗又靚仔咗,不過唯一無變嘅係一樣咁錫媽媽,大個仔一樣乖乖畀張栢芝攬住行。

張栢芝

去到邊都出名親民有求必應,栢芝被粉絲要求合照時,仲好識做面貼面舉晒V。

張栢芝

始終係仔好動啲,張栢芝同fans影緊合照,兩兄弟在商場追住玩。

張栢芝

買完玩具行唔夠幾步,Lucas就好乖咁搶住幫媽咪拎嘢,認真抵錫。

張栢芝