梁允瑜

梁允瑜「爆粗港姐」玩有問必答 網民指貪慕虛榮提議賣魚蛋 繼續寸嘴駁到底

最新娛聞

廣告

《香港小姐2022》已經展開,去年被封爆粗港姐的梁允瑜(Chloe)就繼續惹火,雖然曾反轉豬肚鬧無綫,仲話唔稀罕入行,卻因為曾志偉一句說話簽無綫,做咗親生女隨即有份拍新劇。日前梁允瑜在社交網玩「你問我答」,對於網民指她貪慕虛榮又提議她轉行賣魚蛋,梁允瑜一律寸嘴回應,與網民針鋒相對。

梁允瑜 梁允瑜去年因爆粗片一夜成名。
梁允瑜去年因爆粗片一夜成名。(圖片來源:[email protected]
梁允瑜 雖然簽了無綫,不過梁允瑜依然故我。
雖然簽了無綫,不過梁允瑜依然故我。(圖片來源:[email protected]

梁允瑜第二次玩「你問我答」

去年被封「爆粗港姐」的梁允瑜(Chloe),形象受損最終十強止步,雖然最後都獲無綫簽約,不過本性難移,梁允瑜依然不改敢言作風,繼去年落選後在社交網同網友玩「你問我答」,正式入行的她再次挑戰網民。

梁允瑜被指貪慕虛榮等釣金龜

網民中有人真係想了解及支持梁允瑜,亦有人來者不善玩針對,其中有網民問到:「你係咪畀人包?」佢就直言:「我都想^^畀人包仲使咁忙返工。Sorry我鍾意自食其力。」另有網民狠批:「貪慕虛榮,入大台,選港姐,最後落選,冇得釣金龜,睇到都心涼。」梁允瑜亦大方回應:「睇你點定義貪慕虛榮,邊個唔想有錢有權力有地位,同埋sorry我冇諗過釣金龜,我靠自己好足夠,唔鍾意靠男人。」再有人話佢對答膚淺,梁允瑜忍唔住寸爆:「咁你仲睇嘅dear。」

梁允瑜轉數快回應盡顯高EQ

梁允瑜唔介意網民重提她食住魚蛋爆粗拍片一事,有網友問她︰「幾時開返間梁允魚蛋?」梁允瑜亦「自抽」:「有冇人打本畀我呀?」仲話如果有網民在街上遇見她可以同佢Say Hi,佢會請大家食魚蛋。對於被問如果時光倒流仲會唔會爆粗,梁允瑜亦答得好坦白:「香港地邊個唔講粗口,我唔覺得有咩問題,嗰陣嘅我係咁就係咁,即使係而家嘅我都唔會話完全唔講粗口,都係嗰句啦,成年人識得適當時候講適當嘅嘢。」

梁允瑜 梁允瑜負面新聞不絕,入行後更繼續行性感。
梁允瑜負面新聞不絕,入行後更繼續行性感。(圖片來源:[email protected]
梁允瑜 24歲的梁允瑜不介意網民重提她的黑歷史。
24歲的梁允瑜不介意網民重提她的黑歷史。(圖片來源:[email protected]
香港小姐2021決賽

梁允瑜 正式成為親生女

粗口港姐梁允瑜(Chloe)雖然負面新聞不絕,依然成為網民焦點。落選後梁允瑜本來話唔入行轉做KOL,她近日卻被發現已成為無綫旗下藝人,其個人資料更在無綫的官網藝人名單上。

梁允瑜早前才宣布與無綫簽約,隨即傳出有劇拍。
梁允瑜早前才宣布與無綫簽約,隨即傳出有劇拍。(圖片來源:[email protected]
梁允瑜 梁允瑜的個人資料已在無綫官網有顯示。
梁允瑜的個人資料已在無綫官網有顯示。(圖片來源:無綫官方圖片)

社交網自爆有工開

梁允瑜日前在社交網上載限時動態,與同屆的港姐陳聖瑜(Yvette)齊齊Selfie拍片,二人同是大熱倒灶佳麗,可謂同病相憐,早前已有報道指陳聖瑜入劇組拍劇,而梁允瑜在片中hashtag標明「法言人」,而《法言人》就是無綫早前開拍的劇名,梁允瑜疑似一簽約做親生女就有劇拍。據知《法言人》由馬國明、林夏薇、張頴康和黃嘉樂主演,不過未證實梁允瑜是否正式入組。

梁允瑜與同是大熱倒灶的港姐陳聖瑜一齊玩selfie拍片,仲hashtag新劇《法言人》。
梁允瑜與同是大熱倒灶的港姐陳聖瑜一齊玩selfie拍片,仲hashtag新劇《法言人》。(圖片來源:[email protected]
梁允瑜拎住杯咖啡話終於可以收工。
梁允瑜拎住杯咖啡話終於可以收工。(圖片來源:[email protected]

陳聖瑜迅速上位

與梁允瑜比較,陳聖瑜的機會比較多,落選後率先簽約,先被安排在節目《男神廚房》中擔任靚女助手,之後又與黃庭鋒一起主持節目《讀心專家》持,現在有份演出新劇《法言人》,迅速上位。

陳聖瑜比梁允瑜更早成為親生女。
陳聖瑜比梁允瑜更早成為親生女。(圖片來源:[email protected]
梁允瑜 陳聖瑜外形亮麗,入行後算是聽教聽話。
陳聖瑜外形亮麗,入行後算是聽教聽話。(圖片來源:[email protected]

梁允瑜 落選後收埋自己

做人有時真係唔好去得咁盡,去年參選港姐被爆出拮住魚蛋爆粗鬧舊愛的梁允瑜,因負面新聞不絕成為是非港姐,形象破產之餘,本是大熱的好更在12強止步。當時自視過高的梁允瑜接受不到落選的事實,數臭完無綫即收埋自己,不時匿埋喊,唔想見人,連家人亦不敢提「港姐」兩字,怕觸動梁允瑜的情緒。

粗口港姐梁允瑜不忿落選曾表態唔希罕入行 曾志偉一句點醒 走投無路簽無綫
梁允瑜不忿落選,曾經公開數落無綫。(圖片來源:[email protected]
粗口港姐梁允瑜不忿落選曾表態唔希罕入行 曾志偉一句點醒 走投無路簽無綫
梁允瑜覺得自己條件非常好,可惜被粗口事件影響形象。(圖片來源:[email protected]

粗口事件影響甚大

梁允瑜表示過去多個月自己的身心狀態都有問題,但未有去求醫,整個人完全喪失意志,對前途亦非常迷惘。近日梁允瑜再次現身接受傳媒訪問,表示粗口事件對她影響最大,因為被外界無限放大,搞到好似犯罪殺人放火咁嚴重。好勝的梁允瑜不想家人看到她失敗的一面,仲話本身家境不好,參選港姐是想改變家人的生活,但落選令她感到對唔住他們。

梁允瑜透露對上一段感情已經是爆粗短片中的主角,已有3年冇拍拖,直言都想搵有錢又靚仔的對象。
梁允瑜透露對上一段感情已經是爆粗短片中的主角,已有3年冇拍拖,直言都想搵有錢又靚仔的對象。(圖片來源:[email protected]
梁允瑜坦言是曾志偉令她重新振作。
梁允瑜坦言是曾志偉令她重新振作。(圖片來源:[email protected]

曾志偉一言驚醒梁允瑜

一直耿耿於懷的梁允瑜,最後因為曾志偉一句說話而釋懷,去年她被大會邀請現身決賽,席間見到曾志偉,梁允瑜表示曾志偉對她說冠軍只得一個,其他個個都會被人叫落選港姐,梁允瑜即時成個人放低咗!此後梁允瑜變得積極,因為非常嚮往幕前發展,後與無綫多番接觸後,最近終落實簽約成旗下藝人,雖然梁允瑜未肯透露家境有幾困難,但她自爆因為家中發生了一些事,所以要努力搵錢。

梁允瑜近日在社交網上載多張只著內衣的床照,看來想走性感路線。
梁允瑜近日在社交網上載多張只著內衣的床照,看來想走性感路線。(圖片來源:[email protected]
梁允瑜透露因家境困難需要錢,她表示除了做藝人,也有另類搵錢方法,就是投資虛疑貨幣,愈危險愈有挑戰性,另外她亦有買美股,其策略係是趁低吸納,試過用3萬蚊做本金,結果賺咗6萬蚊。
梁允瑜透露因家境困難需要錢,她表示除了做藝人,也有另類搵錢方法,就是投資虛疑貨幣,愈危險愈有挑戰性,另外她亦有買美股,其策略係是趁低吸納,試過用3萬蚊做本金,結果賺咗6萬蚊。(圖片來源:[email protected]

《香港小姐2021》的負面新聞擔當

去年《2021年香港小姐競選》12強出爐,自「粗口港姐」梁允瑜(Chloe)被foul後,負面新聞亦減少,而梁允瑜當時接受訪問,覺得自己在準決賽的表現絕對無問題,被foul完全是受負面新聞影響,賽後甚至葡萄地說港姐賽制不適合她。

梁允瑜自港姐首輪面試已是大熱門,不過竟12強止步,她認為是因為負面新聞不絕影響。
梁允瑜自港姐首輪面試已是大熱門,不過竟12強止步,她認為是因為負面新聞不絕影響。(圖片來源:梁允瑜IG)

梁允瑜話堅持會講粗口

之後梁允瑜仍耿耿於懷,同網友玩你問我答時,網友第一條問題已問Chole:「依家仲鍾唔鍾意爆粗?」佢就答:「我講過啦,粗口係香港廣東話文化之一,我係土生土長香港人,當然會認識粗口,冇話鍾唔鍾意爆粗,我仍然會講粗口,只係適當的時候講適當的說話,私人時間面對朋友me time難道唔可以做番自己,有很多語言『偽術』,有很多說話比粗口更加難聽。」

我仍然會講粗口

梁允瑜 梁允瑜回應網民,表示會繼續講粗口。
梁允瑜回應網民,表示會繼續講粗口。(圖片來源:梁允瑜IG)
梁允瑜 被網友問到心情如何,她坦言有哭過。
被網友問到心情如何,她坦言有哭過。(圖片來源:梁允瑜IG)

呻無綫收買人命

有網民問梁允瑜參選港姐是否冇時間休息,她即公開自己睡覺是被偷影的照片,直言過程非常辛苦,每日只有2至5小時的休息時間。梁允瑜更大爆入圍的港姐中有不少是非精,愛搞小圈子又虛偽,而她亦恥與對方為伍。

梁允瑜 梁允瑜表示在港姐受訓staycation期間,日日都唔夠瞓。
梁允瑜表示在港姐受訓staycation期間,日日都唔夠瞓。(圖片來源:梁允瑜IG)
梁允瑜 對於腳傷影響表現,梁允瑜表示自己已盡力。
對於腳傷影響表現,梁允瑜表示自己已盡力。(圖片來源:梁允瑜IG)
梁允瑜 梁允瑜不諱言有乞人憎佳麗存在,自言不會特別去討好別人。
梁允瑜不諱言有乞人憎佳麗存在,自言不會特別去討好別人。(圖片來源:梁允瑜IG)

網民建議入ViuTV

繼續做番自己唔妥協的梁允瑜,與無綫對著幹,看來並無打算簽無綫,不過網民就話欣賞她這種真性情,覺得ViuTV會比較適合她,梁允瑜就話做呢行比較被動,所以會先繼續讀書。其實網民仲對梁允瑜的感情問題非常有興趣,不過她就話因為過去的陰影,有冇拍拖都唔會公開。

梁允瑜 有網民話想在ViuTV見到梁允瑜。
有網民話想在ViuTV見到梁允瑜。(圖片來源:梁允瑜IG)
梁允瑜 對於感情狀況,梁允瑜話結婚才會公開,當正自己是公眾人物。
對於感情狀況,梁允瑜話結婚才會公開,當正自己是公眾人物。(圖片來源:梁允瑜IG)
表面上話唔係好恨入行的梁允瑜,其實已經當自己係大紅人。
表面上話唔係好恨入行的梁允瑜,其實已經當自己係大紅人。(圖片來源:梁允瑜IG)

宣布首輪淘汰4位佳麗

《香港小姐2021》準決賽,廿位佳麗先後演出才藝表演、泳衣等環節,換上泳衣出台後,便是首輪淘汰賽,佳麗各分四組出場﹗率先被淘汰分別是紅組的11號劉珍寶,橙組的16號伍韻婷及綠組的1號梁允瑜及17號余詠童﹗紅組則無人被淘汰﹗

梁允瑜 由師姐向海嵐宣布被淘汰佳麗。
由師姐向海嵐宣布被淘汰佳麗。(圖片來源:《香港小姐競2021》截圖)

粗口港姐第一個被foul

紅組由師姐向海嵐宣布有兩位組員被foul,第一位是梁允瑜,登時呆企當場,旁邊佳麗望她一眼,梁允瑜稍為回過神,閃過失望表情,並強顏歡笑,等待另一位被淘汰的組員﹗現場一陣驚呼,似乎都不能相信頭一輪梁允瑜便被淘汰﹗

梁允瑜
(圖片來源:《香港小姐競2021》截圖)
由於綠組有兩位佳麗被淘汰,梁允瑜站在台上等待,一直強顏歡笑﹗
由於綠組有兩位佳麗被淘汰,梁允瑜站在台上等待,一直強顏歡笑﹗(圖片來源:《香港小姐競2021》截圖)

梁允瑜賽後勁唔忿氣

梁允瑜於首輪已被Foul,賽後受訪直言感到不忿及失望:「我都估唔到自己會喺第一Round就出局。我輸在太多負面新聞同太過敢言,覺得自己今晚嘅表現都喺狀態裏面,應該唔會出局。」對於有否感到賽制不公?她說:「我唔會話賽制唔公平,只係覺得呢個賽制唔適合我。(咁邊個賽制適合你?)咁我未搵到,不過做節目應該創新,用人唯才,香港小姐亦唔應該只得一個形象,亦都唔應該以佳麗嘅過去嚟判斷,所以我只可以話呢度唔適合我。」睇嚟梁允瑜對賽果極度不滿。

梁允瑜 笑得好牽強﹗
梁允瑜笑得好牽強﹗(圖片來源:《香港小姐2022》截圖)
梁允瑜 兩位被foul佳麗對望﹗
兩位被foul佳麗對望﹗(圖片來源:《香港小姐2021》截圖)

再自爆曾啪40粒感冒藥

梁允瑜再次解釋粗口片唔係佢自己拍,係當時畀男友揭露咗一些屋企醜聞,家境唔好嘅嘢。梁允瑜再自爆:「當時我好唔開心,曾經試過自殺,食過40粒感冒藥,要去洗胃,當時係被分手嘅,係好唔開心嘅狀態。呢條片係我朋友錄嘅,依家輸咗,如果有人想用呢樣嘢嚟攻擊我,已經冇用,我亦可以做番自己,可以講番正宗廣東話同埋食魚蛋,之後想去旅行沉澱一下,或者繼續進修碩士,呢度唔啱咪試其他嘢。」一輪嘴的梁允瑜明顯發晦氣,當記者問如果無綫與她簽約呢?她說:「呢啲再算啦!」

梁允瑜選擇了1號,她表示:「大家都怕第一個出場,我唔怕,所以我擇咗第一呢個號碼,希望都可以帶畀我見number one嘅幸運﹗
梁允瑜選擇了1號,她表示:「大家都怕第一個出場,我唔怕,所以我擇咗第一呢個號碼,希望都可以帶畀我見number one嘅幸運﹗(圖片來源:《香港小姐2021》截圖)
梁允瑜 11號劉珍寶被foul。
11號劉珍寶被foul。(圖片來源:《香港小姐2021》截圖)
梁允瑜 伍韻婷首輪出局。
伍韻婷首輪出局。(圖片來源:香港小姐2021》截圖)
梁允瑜 有翻版湯洛雯之稱的余詠童被foul。
有翻版湯洛雯之稱的余詠童被foul。(圖片來源:《香港小姐2021》截圖)

「粗口港姐」梁允瑜再被爆料指係壞學生

《香港小姐2021》28位候選佳麗早前正式見傳媒,「粗口港姐」梁允瑜Chloe、「翻版楊采妮」梁凱晴Carina和陳聖瑜Yvette被選為三甲大熱。梁允瑜Chloe早前兩條爆粗片流出,在片中她用粗口鬧爆前度「我好X後悔同你一齊」、「X你老X」、「你幾時X街死?」,梁允瑜Chloe在IG即時動態回應事件,留言感謝傳媒及外界對她的批評,爆粗片流出後,網民不是一面倒抨擊,有不少網民撐她拍片時疑似飲醉,而且事後她肯承擔,表示繼續支持她﹗

梁允瑜Chloe),23歲,身高176cm,體重53.6kg,大學畢業,是一名模特兒。
梁允瑜(Chloe),23歲,身高176cm,體重53.6kg,大學畢業,是一名模特兒。(圖片來源:香港小姐2021官方發相)

香港小姐2021|梁允瑜:我要感激過去嘅自己

《香港小姐2021》28位佳麗首晤傳媒,梁允瑜Chloe被追問爆粗片時表示:「呢件事係有發生過,過去嘅事我唔可以抺走,我要感激過去嘅自己先有依家嘅自己﹗」

梁允瑜Chloe)
梁允瑜(Chloe)(圖片來源:無綫娛樂新聞台截圖)

「粗口港姐」梁允瑜多謝老師教導

不過梁允瑜再被爆料,指她中學時曾欺凌同學,被老師責罵上堂瞓覺時,竟怒向老師掟櫈,梁允瑜Chloe沒有逃避,並承認自己做過壞學生,她表示要向教過她的老師講多謝,現在只要做好自己﹗她又指唔會追究誰是爆料者,又指自己唔識笑經常被人誤會,現在長大了,只希望變成更好的自己﹗

梁允瑜Chloe志向是希望成為一位出色、而且有影響力演員,始終 如一地保持自己的本色。
梁允瑜Chloe志向是希望成為一位出色、而且有影響力演員,始終如一地保持自己的本色。(圖片來源:梁允瑜IG)

香港小姐2021大熱之一

香港小姐2021複試後,其後宣布正式入圍佳麗名單,在兩次面試中都鶴立雞群,成為大熱的23歲城大校花Chloe梁允瑜,卻被爆出讀大學時的爆粗片,拮住串魚蛋街頭瘋狂鬧前度的短片非常精彩,粗口亦好流暢,網民反應兩極,有人覺得Chloe入圍會受影響,但不少人都撐她失戀發洩好合理,FYY馮盈盈當年都曾被指係粗口港姐,一樣以大熱姿態勝出。每年港姐由面試開始就有佳麗被起底、翻黑歷史,大熱門當然是目標人物,今次都唔例外,有城大校花之稱的Chloe梁允瑜,在首輪面試身穿低胸貼身短裙大騷長腿,成為熱門佳麗之一,健談的她亦非常受傳媒歡迎。

梁允瑜 香港小姐2021
6月10日首輪面試,Chloe以肉色連身裙現身。(圖片來源:無綫娛樂新聞台影片截圖)
梁允瑜 香港小姐2021
6月16日Chloe身穿黑色貼身裙出席第二輪面試,修長身形表露無遺。(圖片來源:無綫娛樂新聞台影片截圖)

網上流傳兩條爆粗片

大熱Chloe成功打入第二輪面試,當日她的表現繼續淡定,憑修長身形又有學歷,成為準港姐絕對唔難,不過網上卻流傳兩條Chloe的影片,雖然加埋唔夠一分鐘,但內容都頗為精彩。片段中,Chloe拎住串魚蛋,對住鏡頭嘅第一句已經係問候別人娘親 。「我同你講,我呢世人最黑、最唔好彩就係識到你,我好X後悔同你一齊,一X定有報應,X你老X,食屎啦你。」至於另一條片,Chloe講粗口十分流暢:「你咁無品得唔得㗎?你咁X賤得唔得㗎?喂,其實我同你一齊真係唔係好開心㗎咋,我同其他人一齊應該仲開心過你,我同你講,你畀第一個hurt得我仲深囉,你幾時x街死?」

梁允瑜 香港小姐2021
Chloe拎住串魚蛋對住鏡頭爆粗鬧人。(圖片來源:網上影片截圖)
梁允瑜 Chole邊鬧邊食魚蛋。
Chloe邊鬧邊食魚蛋。(圖片來源:網上影片截圖)
梁允瑜 香港小姐2021
Chloe在片中作狀錫女友人,睇得出她當時有點high,似受酒精影響。(圖片來源:網上影片截圖)

被指爆粗對象是前度

有指Chloe在大學year 3時與前度分手後,曾經發生過一段小風波,二人不歡而散,所以估計在網上流傳的爆粗影片,Chloe所指罵的對象是前度,更有網民推斷公開影片者是她的前度,因為影片只有Chloe與前度的手機才會有。而網民的反應亦好兩極,有人覺得選港姐講粗口唔恰當,亦有人覺得好正常好小事。

香港小姐2021|大熱城大校花Chole梁允瑜爆粗片流出 網民反應兩極 捧做FYY接班人

社交網直認上了寶貴一課

影片流出後,Chloe一夜成名,她在社交網的限時動態回應事件,直認是片中主角,表示要好好感謝當日傷害她的前度,讓她成長。Chloe用詞誠懇,叫大家不用再轉發有關報道給她,更謂今次事件讓她能面對過去的自己,上了人生中寶貴的一課,會成為一個更好更成熟的人。

梁允瑜 香港小姐2021
(圖片來源:Chloe IG)
梁允瑜
(圖片來源:Chloe IG)

梁允瑜回應:無欺凌同學

早前接受「魔方傳媒」查詢,梁允瑜否認欺凌同學,拍片表示「失實報導到此為止」。

愛炫耀身材

Chloe的社交網有大量性感相,長腿、事業線應有盡有,難怪會成為網民嘅熱議人物之一,而她亦好明白自己的長處,把優點盡量放大。

梁允瑜 Chole是城市大學的畢業生。
Chloe是城市大學的畢業生。(圖片來源:Chloe IG)
梁允瑜 近年Chole接過不少私影工作,被封「城大私影妹」。
近年Chloe接過不少私影工作,被封「城大私影妹」。(圖片來源:Chloe IG)
梁允瑜 講身高同身形,Chole真係冇得輸。
講身高同身形,Chloe真係冇得輸。(圖片來源:Chloe IG)
梁允瑜 Chole的泳衣照一樣好惹火。
Chloe的泳衣照一樣好惹火。(圖片來源:Chloe IG)
梁允瑜 香港小姐2021
如果選港姐落選,Chloe都夠晒資格做model。(圖片來源:Chloe IG)

撰文:東方新地圖片來源:[email protected]、《香港小姐2021》截圖

讀者留言