梁朝偉

梁朝偉出戰匈牙利!參加歐洲帆船比賽

影帝梁朝偉演技早獲中外電影界嘅肯定,一向係國際電影展嘅常客,估唔到偉仔除咗對演戲有熱情,對做運動方面都一樣,近來偉仔愛上玩帆船,不但作娛樂嗜好咁簡單,早前仲同隊友一齊參加喺香港維港舉行嘅春季帆船賽事!

撰文:東方新地|圖片:新傳媒圖片庫、梁朝偉FB

梁朝偉 愛上帆船

偉仔比賽當日有達九十艘帆船一同在維港競賽,偉仔第一次參加維港賽事,佢同隊友嘅船DAVINLOONG喺參賽組別勇奪亞軍,勁威水!

梁朝偉
梁朝偉日前參加有百年歷史、由香港遊艇會舉辦的春季帆船賽,有達四百人、九十艘船參加。

梁朝偉

偉仔原來接觸呢項運動只係一年多,近日更再下一城,遠赴匈牙利參加歐洲帆船賽,佢話名次不重要,希望可以藉呢個難得機會,喺專業隊友及國際級嘅船員對手身上偷師,令自己升呢咁話!

梁朝偉
初哥偉仔坐喺船度勁有型!而且有姿勢有實際,第一次參加維港賽事,佢話好刺激,同之前喺西貢玩完全唔同感覺。帆船係佢繼滑雪以外另一令佢瘋狂愛上的活動!

梁朝偉

偉仔又透露舊年本來已報名參加瑞士一個帆船賽,但為拍攝電影《風再起時》要苦練彈鋼琴,最後被迫放棄參賽!

梁朝偉
偉仔話唔介意名次,旨在喺專業船員身上學嘢同累積經驗,最後攞埋亞軍,勁!

梁朝偉

偉仔又話自細喜愛海同大自然,更一直有學船嘅念頭,對帆船更是一玩鍾情,因為帆船不用機器驅動,係融入大自然嘅雙向互動,而且在其中更覺得好悠閒寧靜,可以減壓。

梁朝偉
近日偉仔遠赴東歐準備參加匈牙利賽事,在東歐被網民野生捕獲,更大方selfie合照,被網民大讚溫文爾雅!

梁朝偉

關鍵詞
梁朝偉