未命名-1

梁祖堯拍住MIRROR開Live 姜濤為食仔上身食唔停 食相可愛電暈粉絲

近日梁祖堯與MIRROR成員上ViuTV facebook一個名為「《調教你MIRROR》醉後的晚餐」直播,曾是200磅肥仔的姜濤餓鬼上身食不停,相當可愛。其實無論MIRROR現身邊個節目,MIRROR粉絲都特別捧場,日前MIRROR趁拍攝空檔拎副「Sound Bear」麻雀出來打牌,個個都半桶水扮勁,真係好搞笑!

編輯:東方新地│原文:新Monday|圖片來源:ViuTV電視載圖|

 

梁祖堯、MIRROR合作開Live!姜濤為食仔上身食唔停、網民:食相好可愛!

梁祖堯因《調教你MIRROR》成為戰靶

與ViuTV十分友好的梁祖堯早前因為ViuTV節目《調教你MIRROR》捲入姜濤鬧fans紛爭,不幸成為戰靶。雖然如此,但梁祖堯與MIRROR並沒有芥蒂,更一齊開Live,齊上ViuTV facebook一個名為「《調教你MIRROR》醉後的晚餐」直播。

MIRROR
直播中梁祖堯準備了辣雞煲,未食飯的MIRROR唔理花姐在場,一齊起筷。
MIRROR
直播時,梁祖堯重提「梅窩鬧fans」一事,他提到大家都知FANS對偶像的愛,是十分好偉大和重要。很多人好努力,但沒有FANS支持,所以MIRROR是幸運的。

梁祖堯:我叫花姐放手唔好喺度

另外,梁祖堯又指今次叫花姐不要在場:「有咁多fans,務必要好好珍惜。不過今次喺拍攝中間,有時見到fans行出馬路會有危險,有時亦會阻礙拍攝,令到工作做唔到。一直諗個節目出街,啲人就會明,因為希望佢哋喺呢個節目中,做一個有血有肉嘅人,大家都知呢一行,當有人喺度,有經理人喺度、有fans喺度,未必做到最真正真實嘅自己,接拍呢個節目前,我都好殘忍同花姐講,叫佢放手唔好喺度,而fans有幾愛佢哋,佢哋係知亦一定會珍惜,亦見到佢哋今次係冒險做呢個狠心嘅決定,事實上,我覺得佢哋係好真誠。雖然個節目做咗一半,但我好愛佢哋,佢哋已經係我一家人。」

MIRROR
肥底的姜濤知道花姐在場,被指要禁食,即時傻笑。
MIRROR
姜濤食相被網民指非常可愛。

姜濤唔理禁令不停食

人氣勁高的姜濤曾是肥仔,他在今次Live中未有停過口食野,簡直是餓鬼上身。最後被MIRROR其他成員夾硬收起筷子,相當好笑。姜濤提到:「多謝大家,多謝阿祖(指著面前的雞煲),呢個trip,外界對於我係有諗法,我覺得要回應番fans,出道以嚟,一定離唔開fans嘅幫助,所以之前講嗰啲說話,係真係有掙扎過,但諗過如果係因為阻礙到工作,我係需要講出嚟。」

MIRROR
雞煲太辣,多位MIRROR成員都吃不消,只有姜濤唔停口。

梁祖堯拍住MIRROR開Live 姜濤為食仔上身食唔停 食相可愛電暈粉絲

梁祖堯拍住MIRROR開Live 姜濤為食仔上身食唔停 食相可愛電暈粉絲

梁祖堯拍住MIRROR開Live 姜濤為食仔上身食唔停 食相可愛電暈粉絲

MIRROR
網民見姜濤狂食,不停話佢好得意。
MIRROR
當大家都傾得好開心,姜濤就食得好開心。

IAN陳卓賢喊得最慘:我知自己幅牆喺入行後特別厚

MIRROR成員又分享入camp做節目的得著和感受,當中IAN喊得最慘,Jeremy(李駿傑)大爆料指:「相處咁耐,到嗰刻先發覺佢內心有好大抑壓。」而IAN也回應:「短短幾日好重要,我知自己幅牆喺入行後特別厚,自我防護機制好強,當然好感恩入行後有好多得著,但就算問大家呢一刻開唔開心,大家應該都會有猶豫,因為大家少咗同自己對話。之前有段時間不斷同自己溝通,自己裡面搵到垃圾,但唔識分解,直至早幾晚同大家傾完,雖然垃圾未分解到,但至少傾完係會舒服咗,畀大家了解咗,覺得冇咁孤獨。」

MIRROR
姜濤食到要畀人收筷子先肯收手。
MIRROR
對於入行後的心路歷程,Ian的感受最深。

MIRROR埋枱攻四方城

這日MIRROR趁直播後有空檔,拎出ViuTV為慶祝5周年送出的「Sound Bear」麻雀開枱,完全唔識打麻雀的姜濤叫班兄弟教佢,結果姜濤、Edan、Stanley及Ian痴痴呆呆坐埋一枱,連摸牌方向都錯,真搞笑!

MIRROR
Ian猛問開始得未!
MIRROR
姜濤拎住隻一筒問呢隻係乜?
MIRROR
姜濤完全唔識打,Edan叫識打牌的Jeremy教佢。
MIRROR
埋枱的四位都唔多識打牌,得啖笑!
MIRROR
最後連摸牌方向都錯晒,不過都照打。

讀者留言