梁裕恆

梁裕恆再爆某男星想夾女藝人上房 網民:開條契弟名啦!

落選港男梁裕恆(Flow)連日來多次在社交網站為黃心穎發言,遭網民斥借事件抽水博出位,而他事後也把文章一一刪除。昨日下午Flow再喺IG寫千字文反擊,表示最後一次提及「安心事件」,但他卻大爆某男藝人黑材料,指對方迫女藝人上房,令他再次成為談論焦點。

 

撰文:東方新地 圖片:新傳媒圖片、梁裕恆IG

梁裕恆 撐心穎遭圍插

許志安背妻鄭秀文出軌馬國明女友黃心穎轟動全城,4位當事人各自就事件作出回應,望事件盡快平息,但仍有2016年落選港男梁裕恆在網上爆內幕,稱心穎跟他說過男友太忙少見令感情出現問題,然後愛上自稱要準備離婚的天后老公,撐心穎只是追求愛情,罪不至死!被網民圍插的Flow否認博出位,只是將知道的真相說出來。

梁裕恆日前發表千字文呻爆被網民網絡欺凌,又表示今次是最後一次提及「安心事件」。Flow重申黃心穎係有錯,但同時都係受害人,今次自己因出Post而受盡網絡欺凌,仲話好多人用假Account留言惡意攻擊佢:「講番句公道少少嘅說話已經要被攻擊,其中一個原因是,人是不願意接受自己一直相信嘅事係假、錯的,我一直無意挑釁所謂嘅網民,錯在我不知道香港是無言論自由的,我出post後大量是假ac來言語攻擊,大約比例是7成假ac ,2成fans,1成無聊人。」不過佢又帶出咗一件事,指有男藝人曾想夾一位女藝人上房,對方指摘佢抽水之餘,對方又倒轉頭抽番Flow嘅水:「今日又有另一條契弟出嚟話我抽水,我需要抽水?我需要搏出位?呢條契弟喺娛圈圈壞事做盡,曾經想夾一個女藝人上房,最後傾唔掂數,對人講咗句『你以後無運行』自己周身屎嘅人,做咩要提及我啲小人物,抽我水呢,人人都想抽水,但水並唔係咁抽。」但不少網民依然不滿意Flow的解釋,又認為他繼續「抽水」質疑說話的可信性。

 

帖子全文如下:

最後一次提及《安心事件》

網絡欺凌?言論自由?文化大革命?

刪除post既原因是因為我知道的 要說的都已經說完 對我來說已經告一段落 再講就長氣 老套 事實證明裝睡的人是叫不醒的

我一直既觀點只有幾個:
1.她是有錯
2.在被男方欺騙那一點上 她也是受害人
3.四個人既關係並唔係大家所知咁簡單
4.同樣事情娛樂圈或社會上不斷發生 唔洗咁樣至人於死地

但原來所謂既網民係唔識中文 或者只是標題黨 只會發癲說 你個人道德觀有問題 搞人老公就係唔岩 (我不是說了她都有唔岩嗎)即使社會上大家睇法有唔同 又需要這樣嗎 怎麼香港會變成這樣?

曾經有個年代 觀眾唔鍾意藝人結婚 所以結了都要收埋扮無結 但呢個年代 觀眾鍾意藝人結婚或情侶檔…………你鍾意浪子娛樂圈個個都浪子 你鍾意好男人 娛樂圈就個個都好男人 觀眾鍾意咩 娛樂圈就會有咩

律政司工作需要都會結比你睇 this is partnership

我認為裕美既回應 大方又中肯 但都要比所謂既網民鬧 她幾個家姐完全唔關事 都比人留言洗版
有個人講得好岩 係呢件事上唔踩多佢一腳就已經係敵人 講番句公道小小既說話已經要被攻擊

其中一個原因是 人是不願意接受自己一直相信既事係假的 錯的

我一直無意挑釁所謂既網民 錯在我不知道香港是無言論自由的

我出post後大量是假ac來言語攻擊 大約比例是7成假ac 2成 fans 1成無聊人
飲食業有網絡打手 娛樂圈又怎會無 而所謂既網民真係好搞笑 會認為留幾個言就會覺得自己好威 好大攻擊性 會傷害到我弱小既心靈

農民化社會 佢地既留言正好反映出佢地既層次 我一句都懶得回應 對我來說不痛不痕
很多朋友關心我有無事 對我不太了解 我會堅持做我認為對的事 即使千夫所指 而且怎會為一d完全唔識 無關痛癢既人或說話去唔開心

不過藉著呢件事 大家亦可反省一下網絡欺凌的問題 曾經有人因為網絡欺凌而輕生 很可惜

對這網絡太認真了 你睇d留言就佢地知不知所謂 會在網絡通處鬧人的人 又會正常得去邊
今日又有另一條契弟出離話我抽水 我需要抽水?我需要搏出位?呢條契弟係娛圈圈壞事做盡 曾經想夾一個女藝人上房 最後傾唔掂數 對人講左句 「你以後無運行」自己周身屎既人 做咩要提及我d小人物 抽我水呢 人人都想抽水 但水並唔係咁抽

發生這事後有三個傳媒想約我出來做專訪 我都推了 如果想出位 怎會推辭

我在網上一直有評論政治 社會問題 好多朋友提醒我做呢行 唔好講政治啦 但我性格就係咁 唔岩就要出聲 搏咩出位ja 我根本唔洗靠呢行搵食

對我來說 簡簡單單夠食夠住 做人對得住自己良心就可以

唐詩詠早前曾在IG叫人「要學懂沉默寡言」,似是要回應港男Flow對「安心偷食」事件的評論,而Flow更揶揄唐詩詠扮淑女博宣傳,唐詩詠其後表示冇留意對方反應,又揚言:「不值一回。」

唐詩詠
跟馬明情同兄妹的唐詩詠,於ig story上載文字:「人人都有一張嘴,但未必甚麼都要說。說話,要分場合,知道說甚麼,說了之後知道做甚麼,要學懂沉默寡言。」似在告誡收聲為妙。

身為馬國明契妹的唐詩詠,日前在將軍澳電視城開工,詩詠在IG post咗張馬國明、元秋、黃嘉樂等《鐵馬尋橋》演員合照,唐詩詠留言:「阿媽問點解呢兩個仔,十年後又高咗。」而馬明也在微博放上同一照片及寫道:「偶遇 懷念 鐵馬尋穚……」唔少網民都話二人合襯,希望佢哋在一起。

梁裕恆IG Followers暴升11倍

當年Flow選港男時話:「我想要知名度!」他連日來Flow發功,令其IG Followers急升11倍至一萬一千多人,已經達到目的喇!