梁雪瑤

梁雪瑤奪亞姐冠軍 基層出身 曾放棄讀碩士參選港姐

最新娛聞

廣告

《2018亞洲小姐競選》香港賽區決賽,昨晚圓滿結束,冠軍由表現平平的2號梁雪瑤以半爆冷姿態奪得,亞軍及季軍則為4號張右雨及10號林孜沫。冠軍梁雪瑤據知出身自基層家庭,去年因學費不足未能到外國讀書,早前參選TVB香港小姐又未能入圍。梁雪瑤如今轉戰亞姐勇奪冠軍,總算一圓選美夢!

撰文:東方新地|圖片:新傳媒、Instagram

梁雪瑤奪亞姐冠軍

《2018亞洲小姐競選》香港賽區決賽,昨晚於大埔亞視錄影廠舉行,冠軍由2號梁雪瑤奪得,亞軍及季軍則為4號張右雨及10號林孜沫。至於李芷菱連中兩元,獲得「最上鏡小姐」及「IG人氣大獎」,但未能打入三甲;另外賽前被視為大熱的3號張靜茵同樣空手而回。

梁雪瑤今次奪冠,有唔少人認為佢屬半爆冷姿態,皆因佢全晚表現只屬平平穩穩,唔算太突出,不過可能就係勝在夠平均啦!

梁雪瑤唔認為自己爆冷

梁雪瑤之後返回後台受訪時,表示自己都有諗過入三甲,不過冇諗過贏冠軍,所以好驚喜!同時梁雪瑤覺得自己真人靚過上鏡、身高有優勢,對自己表現滿意,所以唔覺得係爆冷!

回顧落選港姐四人組

回想起當初一班亞姐佳麗初見傳媒,點解呢四位佳麗特別要影張合照呢?因為佢哋都先後參加過港姐面試,但全部未能入圍,如今再戰亞姐,精神可嘉!佢哋分別係(左起) 梁雪瑤、張靜茵、蘇頌筠及李芷菱。如今梁雪瑤成為冠軍,李芷菱都有獎攞。

出身自基層家庭 曾放棄外地升學

今年25歲的梁雪瑤,現時於一間建築師樓工作,去年更獲澳洲墨爾本大學建築系碩士學位課程取錄,可惜梁雪瑤因為學費不足,所以未能到海外升學。據知梁雪瑤出身自基層家庭,從小到大一家六口住在300呎的公屋,佢自幼渴望學習鋼琴,但明白家中無力負擔,所以一度變得自卑和沉靜。

曾落選港姐

長大後梁雪瑤憑藉努力搵到一份築師樓工作,都算是高薪厚職,不過今天放棄了工作參加選美!早前梁雪瑤參加TVB的香港小姐,可惜最終未能入圍,當時佢曾說會返回澳洲讀書,希望下屆港姐捲土重來,點知轉個頭就參選亞姐,仲攞埋冠軍!

亞視就係一個好好的伯樂

香港區比賽完結,之後梁雪瑤將聯同亞軍及季軍參與馬來西亞的總選,梁雪瑤被問到當初不能入圍香港小姐,覺唔覺得係TVB「蝕底」?佢就認為「塞翁失馬,焉知非福」,一匹好馬都需要有伯樂,而佢覺得亞視就係一個好好的伯樂。

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言