棄會計師做藝員 何廣沛 食住靠屋企

29歲 何廣沛 可能係近年冒起最快無綫新人,呢期仲因為熱播話題作《超時空男臣》再次成為人氣小鮮肉!不過打得大台工,有前途不等同有錢途,得到電視台重用,即係話綁手綁腳外出搵真銀機會等於零,為咗慳番個錢, 何廣沛 食住玩都要靠屋企,仲親自向本刊承認冇錢所以唔敢諗拍拖﹗

何廣沛 上位快劇接劇

何廣沛 12年加入藝訓班,兩年後畢業已經被藝訓班校長鄭丹瑞欽點做《女人俱樂部》吳啟華的後生版,跟手一劇接一劇,仲套套角色有發揮。呢頭因為《超時空男臣》拍住曹永廉、蕭正楠成為話題穿越男,未有得攤抖幾日,嗰頭 何廣沛 又入組開新劇,升呢做《跳躍生命線》第二男主角,拍檔換上回流的馬德鐘。

延伸閱讀:

無綫棒打美女與野獸 李佳芯為愛抗命

想破G.E.M.紀錄 Celine 年尾紅館騷受阻

喺《律政強人》中,何廣沛演方中信嘅徒弟仔,勁搶戲!

 

機會不斷的何廣沛最近再因為話題劇《超時空男臣》成為人氣小鮮肉,就算對手係蕭正楠、曹永廉依然搶鏡。

食飯媽媽埋單波鞋店齋睇

早前本刊拍得 何廣沛 陪媽媽在連鎖茶餐廳食餐晏傾吓偈,不過29歲仔又人氣爆燈,去茶記食嘢都要等阿媽埋單、做完GYM遊街睇波鞋又係得個睇字,全日除咗來回鰂魚涌家至灣仔健身室巴士車資,慳家「小李子」一蚊都唔捨得使! 何廣沛 目前為慳番個租錢繼續做住家男,同父母同住於鰂魚涌,佢話短期目標係儲錢買車,方便過海開工代步。

29歲仔又係人氣小鮮肉,估唔到備受無綫力捧的何廣沛連食餐晏仔由何媽媽主動埋單。

 

 

15歲移民美國 大學主修會計

何廣沛 原來十五歲移民美國,大學主修會計,不過就回港報讀藝員訓練班,當時三十幾位同學中,24歲 何廣沛 已屬高齡,本來可以高薪厚職做會計師,但佢卻由八千蚊底薪做起,去年才獲無綫簽做親生仔,經濟開始有轉機,大約月薪一萬二千左右,不過仍然追唔到通漲,香港物價騰貴, 何廣沛 惟有慳得就慳。

住鰂魚涌的何廣沛話短期目標係儲錢買車,方便過海開工代步。

 

 

一上巴士變低頭族嘅何廣沛,除咗睇自己IG戶口,仲會順手瀏覽吓水着女神。唔敢諗拍拖,靠用眼睛拍住拖先。

收入低 唔敢諗拍拖

何廣沛 接受本刊電話訪問時承認,加州州立大學會計系畢業有會計師唔做,入行尋夢雖然發展好過好多人,不過曝光同實際收入不成正比,佢話:「你睇我好、我睇你好,同期藝訓班同學仔其實好多時間接出邊嘢做,好多人收入都多過我。不過我都知道自己儲緊曝光、仲係起步中,所以要慳啲使。入行咁多年都係舊年至開始有錢剩畀到家用咋,去旅行都係爸爸媽媽請,就算近近地玩兩日我都畀唔起住!」

六月同家人齊齊豪遊意大利米蘭,何廣沛向本刊承認全程使費由父母包辦:「自己未有多餘錢住,想近近啲請番爹啲媽咪去玩都唔夠!」

 

「所以最初屋企人反對我入行,我惟有盡量使少啲,(出街齋睇唔買?)係呀,波鞋都淨係睇唔會買,有錢都加啲錢畀媽咪做家用啦,(有冇拍拖?)現階段唔敢諗住喇,食飯睇戲都係錢,冇錢都唔敢拍拖啦,拍拖對我嚟講太奢侈喇!」

雖然冇拖拍,好彩都有朋友陪,同媽媽食完晏,何廣沛約埋男性好友去灣仔做足兩個鐘GYM。

 

 

做完GYM行經波鞋鋪睇下新貨,不過全程得個睇字。

好睇唔好食

出道僅僅五年,全靠起頭起得好,得藝訓班校長鄭丹瑞睇起, 何廣沛 平步青雲三年內主演、客串超過20套劇。不過劇接劇的附帶條件,即係全天候賺份藝員騷錢冇得接外快,難怪好睇唔好食,要慳住使。

擔任三屇藝訓班校長的旦哥一直對何廣沛另眼相看,亦都係全靠旦哥欽點拍《女人俱樂部》,何廣沛至有機會被其他監製相中。

 

 

新劇《超時空男臣》有得同蕭正楠、曹永廉齊齊穿越,憑小李子一角令人氣同曝光都急升,被封為無綫新一代男神,不過忙拍劇,冇得賺街外錢。

 

 

除咗拍劇,獲無綫力捧的何廣沛亦包辦唔少自己宣傳片、綜藝節目,困身之於對實際收入冇幫助。

全文完