森美旅行團2

【森美旅行團2】重提吳若希似日本女星 Mayanne係森美嘅寵物…

《森美旅行團2》播到第四集,四位主持森美麥美恩吳若希丁子朗由京都轉戰和歌山,旅程中繼續大放笑彈,吳若希被森美重提似某位日本女星,觀眾又發現丁子朗原來好鍾意食姐姐口水尾……

撰文:東方新地|圖片:《森美旅行團2》截圖

《森美旅行團2》轉戰和歌山

《森美旅行團2》來到第四集,由京都轉戰大阪,不過去和歌山前先去機場附近的泉佐野漁協青空市場一趟。麥美恩(Mayanne)同吳若希見到咁多海鮮,對眼即時發晒光,仲出動美人計(好似係) 不停講價!

森美旅行團2

森美旅行團2
平啲!平啲!
森美旅行團2
其實啲海鮮本來已經好抵,但佢哋想講到由500日円一盒變兩盒,搞到老闆都耍手擰頭!

|撒嬌女人最好命

之後去到另一檔,Mayanne同吳若希又發動攻勢,勁嬌嗲又彎晒腰咁講「すみません」(Sumimasen, 不好意思),後生仔店員無力招架,俾兩位靚女以超值價掃晒啲蝦!

|重提吳若希似日本女星

掃完海鮮就喺外面開餐,Mayanne同吳若希繼續講緊頭先點點講價,又話因為靚女先咁平乜乜乜。呢個時候森美恍然大悟,指住吳若希講:「我記得啦!佢好似日本一個明星㗎! 」

森美旅行團2
吳若希聽到後即時張口狂笑!

其實吳若希多年前已被網民指貌似呢位日本女星,節目仲為大家提供對比圖,望望啲眼耳口鼻係咪咁似先!

|丁子朗紅都面晒

森美旅行團2
一講日本女星,丁子朗即刻笑到停不了!
森美旅行團2
睇過咁多片?咩片呀?
雖然個「紅都面晒」只係後期效果,但小編有理由相信丁子朗真係有睇過嗰位女星啲片!

|記唔記得「羽田若希」

吳若希早年出道時,就被指與日本AV女優羽田愛撞樣,幫佢改咗個花名做「羽田若希」!2014年時羽田愛宣布引退,吳若希仲喺FB post咗張羽田愛「引退作」的圖片,話自己冇引退,幽自己一默~

AV女優羽田愛

|Mayanne令三千男人反胃?

另一站,四人去到和歌山「勝浦漁港」漁市場,森美就介紹呢個市場曾出過一條400幾公斤、差唔多1000磅的吞拿魚!厲害!

吳若希唔知點解計到條1000磅的魚可以夠3000人食,可能做咗媽媽數口精啲?

1000磅仲係有成10個Mayanne咁重,森美大哥就搞笑咁話條魚可以俾3000人食,但10個Mayanne就可以令3000人反晒胃!

|「吞拿魚歌」有冇人識?

四人參觀完吞拿魚,話為咗歌頌吞拿魚為人類提供美味和營養,所以要唱番首「吞拿魚歌」,邊跳邊唱「Baby tuna doo doo…」小編不才,有冇人識呢首歌?

但啲日本漁民真係一齊唱喎!真係長知識了。
師傅仲拎埋條魚扮結他…

|丁子朗愛食姐姐口水尾

好啦下一個環節,四人齊齊睇師傅點樣將咁大條吞拿魚解體,仲將一條罕有的「緣側肉」撕落嚟俾佢哋即場食!認真有口福~

呢個部分叫「Engawa」(緣側)

Mayanne唔係一啖食晒,咬完一半就餵俾丁子朗食,小鮮肉焗住食姐姐口水尾!

森美又話想食
吳若希又話要食,師傅俾邊個好呢?
最後答案:師傅最後決定自己食!

|Mayanne係森美嘅寵物…

睇完吞拿魚解體,四人去到一間小店歎吞拿魚美食,森美難得對Mayanne咁好,諗住餵佢食塊刺身,點知對方唔領情,要後生過森美一大截的丁子朗餵~

森美旅竹團2
森美都要振夫綱啦!

森美繼續警告朗朗:「唔好亂咁餵我嘅…… 寵物!

|中…中…中女!

森美旅行團2
之後介紹呢個四人份的吞拿魚刺身,睇見都流口水…

其實呢份刺身係有齊吞拿魚大腩、中腩及赤身三個部位,點知Mayanne講極都講唔清楚,「中…中…」搞到森美都話要「舂」佢!

森美旅行團2
Mayanne仲要俾森美寸係中女,慘!
森美旅行團2
朗朗真係咁鍾意食姐姐口水尾?
森美旅行團2
臨尾森美仲將Mayanne比喻為赤身,而吳若希就係大腩!