森美「柴房」抗疫凸現「士啤呔」被網民取笑 下戰書一個月後除衫示眾
森美:毅力係成功嘅關鍵
現年48歲的森美日前在社交網上載了一條做HIIT影片,並寫著:「有人問我每日做咩運動(其實冇人問),不如同大家分享下(其實分享唔到),好啦我拍低畀你睇啦(冇咩好睇啦),就知辛苦啦(30分鐘咋喎),毅力係成功嘅關鍵(又談唔上),好去片(快啲like完就算)#柴房健身 #真正健心 #hiit」
![森美 森美片中所做的HIIT,意思為「高強度間歇訓練」。](https://imgs.orientalsunday.hk/wp-content/uploads/2022/03/01_6225348706227265f754ee-823x1024.jpg)
網民笑森美:要加監趕走個肚腩仔
片中森美除了滿面鬚根,感覺非常頹廢外,在貼身的運動衫下,驚現肚腩,成為網民焦點,紛紛留言取笑他:「Chok樣凸點都唔夠肚腩搶鏡喎」、「士啤呔出晒嚟呀大哥」、「森美大哥有小肚腩」、「點解咁辛苦都趕唔走個肚腩仔嘅?要加監囚禁柴房7天吧!」等等。
![森美 森美在影片中滿面鬚根,麻甩味甚濃。](https://imgs.orientalsunday.hk/wp-content/uploads/2022/03/05_11172939966227266889bf3-815x1024.jpg)
森美:一個月,我會再除衫!
森美凸腩做運動的影片被網民取笑後,森美不甘示弱,話自己「鬥志返嚟啦!」,更說:「戰書我已寫下,一個月,柴房健身!我要有成績!我會再除衫!(可能除,我有少少淆底,如果唔得就咁認衰得唔得?肥豬仔肚影相太可愛啦!)密切留意,健森過程。柴房健身,真正健森。」
![森美 森美下戰書,話一個月後會再除衫見大家!](https://imgs.orientalsunday.hk/wp-content/uploads/2022/03/12_111440494162272c56a3907-819x1024.jpg)
麥美恩懷念大鵰出沒
連麥美恩(Mayanne)都留言話:「我都係最懷念當年沙灘…大鵰出沒。」丁子朗就用3把火emoji為森美加油,而森美就繼續「反擊」說:「疫情下,冇健身室,冇髮型屋,頭髮,冇修,身材,冇修,你同我應該一樣!我努力!一個月後見!#柴房健身 #真正健森」
![森美 麥美恩同丁子朗相繼留言。](https://imgs.orientalsunday.hk/wp-content/uploads/2022/03/08_12721012596227266e670cd.jpg)
![森美 呢張係2019年拍第3輯《森美旅行團》時影嘅。](https://imgs.orientalsunday.hk/wp-content/uploads/2022/03/13_32598140062272c58d1f8f-945x1024.jpg)
森美獲日本傳媒封為國民主持
此外森美近日衝出香港,被日本傳媒封為「國民人氣電視主持」,原來日本有一本男性雜誌,在專欄中介紹森美為:「亮眼時尚、狀態絕佳的人氣主持。因為風趣的應對和爽朗的性格而備受歡迎的48歲森美。除了電視主持,作為電台DJ、演員、歌手也相當活躍。外形也是公認的好,只要他存在,畫面就充滿時尚感。」
![森美 森美特登叫日本朋友幫佢買呢本雜誌做紀念。](https://imgs.orientalsunday.hk/wp-content/uploads/2022/03/09_8755666886227266fbb28d.jpg)
小儀:點解唔話你係香港天王巨星
雖然麥美恩同小儀都唔係好認同篇報道形容森美係歌手,但森美就話覺得好驚喜,笑言:「國民主持,抬舉喇!不過時尚!我好認同!人生快樂就係咁簡單,一篇小小嘅介紹竟然可以咁驚喜,可能近排疫情真係太苦啦!這令我很滿足!唔係疫情我即刻過日本發展!哈!講笑!」
![森美 麥美恩同小儀都對森美係歌手呢個說法表示懷疑,小儀更接連話:「歌手?點解唔話你係香港天王巨星㗎!」](https://imgs.orientalsunday.hk/wp-content/uploads/2022/03/10_254972476227267126538.jpg)
森美拍片分享做運動,被網民發現了什麼?
森美近日在社交平台分享做運動的影片,網民發現他有肚腩,更笑指他…詳情請看
森美被網民笑有肚腩,下了什麼戰書?
森美被網民取笑後,話自己被激發了鬥志,決定…詳情請看