renci

楊偲泳重提跟前輩學戲被鬧到喊 自尊心盡失:覺得自己好廢﹗

張振朗女友楊偲泳,除了身材出眾,近年被ViuTV力捧,最近約滿後簽約古天樂旗下,前途一片光明。楊偲泳在最新一集《晚吹-有酒今晚吹 》中透露熱愛演戲,曾跟三大演藝界前輩級老師學戲,對其中一位老師的教戲方式最為「難忘」,楊偲泳自爆被呢位前輩級演員當眾鬧到嘁,鬧足四堂,重提此事時,楊偲泳淚眼汪汪,直言自尊心同自信心都跌到落谷底﹗
文:東方新地 | 圖:ViuTV截圖、楊偲泳IG

楊偲泳重提跟前輩學戲被鬧到喊 自尊心盡失:覺得自己好廢﹗
楊偲泳8月約滿ViuTV轉投古天樂公司旗下,日前返娘家接受《晚吹》訪問。

楊偲泳跟過三位前輩學戲

26歲的楊偲泳一出道便有「巨咪陳妍希」之稱,曾是ViuTV當紅小花,演戲經驗唔少,演過《詭探》、《理想國》、《黑市》、《歎息橋》等ViuTV的人氣劇集,今年8月滿約,簽約古天樂旗下。最近楊偲泳接受ViuTV《晚吹-有酒今晚吹 》訪問,她透露曾跟三大演藝界前輩學戲,第一個是廖啟智,第二個黃秋生,第三個是甄詠蓓。

楊偲泳提及上堂時被黃秋生鬧到自尊心都冇,重提此事都忍唔住喊﹗
楊偲泳提及上堂時被黃秋生鬧到自尊心都冇,重提此事都忍唔住喊﹗
楊偲泳學過戲也有唔少演出經驗,但上堂時卻被其中一位老師黃秋生鬧,說時一臉委屈。
楊偲泳學過戲也有唔少演出經驗,但上堂時卻被其中一位老師黃秋生鬧,說時一臉委屈。

楊偲泳重提跟黃秋生學戲被鬧足四日

楊偲泳指三位老師當中,令她一世難忘的是黃秋生,她指被黃秋生當眾鬧到喊,鬧足四日,楊偲泳表示:「好記得頭三日都被黃Sir鬧到無晒自尊心,因為你一個企喺出面,其他差唔多二十個月學望住你被人鬧,大家唔熟㗎嘛,嗰一刻會反問自己係咪咁廢呢﹗(開始哽咽)」主持問係咪對所有同學都一視同仁?楊偲泳答是,並指黃秋生的用意是希望來上堂不要帶住包袱,所以要先催毀之前嘅一切。

楊偲泳愈講愈激動,兩行眼淚直流﹗
楊偲泳愈講愈激動,兩行眼淚直流﹗
楊偲泳抺完眼淚又流過,好真性情﹗
楊偲泳抺完眼淚又流過,好真性情﹗

楊偲泳委屈爆喊

楊偲泳被主持又問到係咪感到好委屈?即流出兩行眼淚:「唔係委屈,係諗自己係咪廢成咁,咁冇用?冇晒自尊心冇晒自信心。」楊偲泳又指鬧到第四日,甄詠蓓老師跟她說:「你諗吓喎,黃秋生肯鬧你喎,佢肯指出你嘅不足,佢唔係放棄你,即係你有得救。」楊偲泳話:「嗰日之後,返到屋企就諗咁算囉,既然我做乜都被人鬧,咁我乜都唔理喇,到第二日上堂,叫我做乜都豁出去,go crazy,完全唔受控,但原來呢種唔受控,就係老師想要嘅,唔係要你循規蹈矩咁跟我去行,而係要你有suprise畀我,因為你每一次嘅演你平時演嘅方式,其他人都可以去做啦,如果你跟住個公式咁走,其他人都可以做到,其實當我接到劇本 好似當你有重病,大家做一式一樣重病嘅反應,但原來佢係想要另一啲嘢 。」

楊偲泳解釋黃秋生老師係鬧得有原因:「其實之後黃Sir好好,會畀好多貼士你,私下食飯佢會將自己經驗話晒畀你聽,呢啲係我畢生可以袋住可以用一世﹗」
楊偲泳解釋黃秋生老師係鬧得有原因:「其實之後黃Sir好好,會畀好多貼士你,私下食飯佢會將自己經驗話晒畀你聽,呢啲係我畢生可以袋住可以用一世﹗」