楊千嬅

楊千嬅擔任《中年好聲音2》評判捱轟 伍仲衡幫手反擊網民

最新娛聞

廣告

TVB即將在本週日晚(3月24日)舉辦的《中年好聲音2之登峯之戰》決賽,將會有七位實力派參賽者角逐冠、亞、季軍的榮譽。節目在日前宣布,蔡琴將會作為表演嘉賓獻唱,而評判陣容除了肥媽、張佳添、陳慧嫻、伍仲衡、周國豐等音樂界資深人士外,更驚喜邀請了楊千嬅作為嘉賓評判,這一決定隨即在網絡上引起了熱烈討論。

楊千嬅擔任評判陣容受質疑

不過近日公布楊千嬅做總決賽終極評判,部份網民質疑其評判資格,仲話要罷睇添!網民認為應該邀請如陳潔靈、杜麗莎或蔡琴等資深歌手來擔此重任。

網民為楊千嬅平反:難道伍仲衡識唱歌?

另有網民覺得楊千嬅做評審根本唔差,有唱功有人氣,更認為評判不用識唱歌:「其實千嬅嚟做評判都要比(俾)你哋鬧?你要搵哂(晒)啲唱歌好掂嘅?仲要千嬅唱歌根本唔差,國內咁多歌手佢都可以咁紅,證明唱功!佢喺國內開演唱會門票秒殺,證明人氣!請佢做嘉賓有何不可?難道伍仲衡識唱歌?」

0
(圖片來源:伍仲衡@Facebook)
0
(圖片來源:伍仲衡@Facebook)

伍仲衡回應:冇常識嘅人先會覺得做評判要唱歌好聽

伍仲衡亦有轉發此po回應:「冇常識嘅人先會覺得做歌唱比賽評判一定要唱歌好聽」。即惹來一眾讚好,網友紛紛表示:「呢段嘢,重點不是楊千嬅,重點係話伍仲衡唔識唱歌」「唔係靚仔靚女唔可以做選美評判?」「識唱歌唔代表識評分」

0
伍仲衡亦有轉發此po回應:「冇常識嘅人先會覺得做歌唱比賽評判一定要唱歌好聽」。(圖片來源:伍仲衡@Facebook)

網民紛紛表示不滿:有佢出場我哋罷睇

今次楊千嬅加盟擔任評審,不少網民都紛紛留言表示不滿,不僅質疑其歌唱實力和評審資格之外,更揚言要罷睇:「參賽者仲唱得好過佢」、「佢自己唱歌都未攪得掂」、「我以為佢係參賽者咋」、「搵個唱歌走音做評判」、「咁唔洗睇lu」、「本來都想睇總決賽嘅,有佢出場我哋罷睇」、「有說服力咩?」等。

0
(圖片來源:Facebook@中年好聲音2- 粉絲討論區)
0
網民都覺得楊千嬅自己本身唱歌都經常走音,絕對冇擔任評審的資格。(圖片來源:IG@yeungchinwah)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:伍仲衡@Facebook、Facebook@中年好聲音2- 粉絲討論區、IG@yeungchinwah