photo_2020-12-04_18-08-48

楊千嬅為20磅肥肉擺阿仔上枱 個唱宣佈取消唔使修身

心口掛住個「勇」字的楊千嬅,被指冒住疫情及輿論壓力下於今個月底舉行紅館25周年跨年演唱會,雖然個唱門票滯銷,但楊千嬅為作最後衝刺,仍四出努力做宣傳,不過最新消息是六場個唱已鐵定取消。日前楊千嬅接受無綫娛樂新聞台節目《StarTalk》主播許文軒訪問,講到個唱前的準備功夫時,楊千嬅以疫下生活大亂為理由,解釋身形突變肥廿磅之謎,仲話囝囝Torres要求佢下廚,老公丁子高又冇微言,所以先煮大咗幾個size,自己好食懶做運動竟然擺個仔上枱,依家唔使開騷唔使修身喇!

撰文:東方新地 圖片:楊千嬅IG、電視訪問截圖

楊千嬅為紀念出道25年,堅持在紅館舉辦紀念演唱會,雖然開騷前有好多不明朗因素,但千嬅都硬住頭皮去搞。
楊千嬅為紀念出道25年,堅持在紅館舉辦紀念演唱會,雖然開騷前有好多不明朗因素,但千嬅都硬住頭皮去搞。
因為疫情關係,楊千嬅共六場的個唱宣佈取消,不過退票安排遲些才公佈。
因為疫情關係,楊千嬅共六場的個唱宣佈取消,不過退票安排遲些才公佈。

楊千嬅個唱以安全行先

楊千嬅將於12月底舉行紅館25周年跨年演唱會,近期爆發第四波疫情,個唱未知能否如期舉行,不過宣傳仍要照做。楊千嬅現身無綫娛樂新聞台節目《StarTalk》時透露,今次演唱會跟之前巡唱不同,是全新用劇場形式表達她這25年的演藝生涯,她透露演唱會戰戰兢兢走到現在,有好多健康、安全問題要兼顧,但抱着積極心態,發生什麼事都好,會以安全行先。訪問播出後,楊千嬅個唱已宣布取消,退票安排稍後才公布。

楊千嬅日前現身無綫新聞娛樂台接受訪問,直言因疫情影響暴脹20磅。
楊千嬅日前現身無綫新聞娛樂台接受訪問,直言因疫情影響暴脹20磅。
楊千嬅以阿仔鍾意佢下廚為由,不停煮不停食。
楊千嬅以阿仔鍾意佢下廚為由,不停煮不停食。
早前楊千嬅被本刊影到外出買餸前先去買杯咖啡,當時其身形已向橫發展。
早前楊千嬅被本刊影到外出買餸前先去買杯咖啡,當時其身形已向橫發展。
背面睇仲大件事,周身肥肉巨躉橫行。
背面睇仲大件事,周身肥肉巨躉橫行。

楊千嬅肥得有道理

談到個唱前需要做的準備,對楊千嬅來說最重要應該是減肥,年中她已被本刊記者影到素顏出巡巨躉再現,肥肉橫生,早前為無綫台慶獻唱,又被指上鏡肥腫難分,提到過去一年疫情令她的生活習慣有所改變,她指疫情下已休息一年,因不習慣停工多時,壓力大搞到不停食,將工作的幹勁轉移到食方面,由度Rundown變成設計菜譜。楊千嬅更大爆自己重了20磅,有日發現件睡衣窄窄地,才驚覺好大鑊。

楊千嬅表示疫下兒子在家透過zoom上課,對她來說都是一種壓力。
楊千嬅表示疫下兒子在家透過zoom上課,對她來說都是一種壓力。
楊千嬅疫下變廚神,只要老公丁生同阿仔Torres鍾意食,她都會買食材去煮。
楊千嬅疫下變廚神,只要老公丁生同阿仔Torres鍾意食,她都會買食材去煮。

楊千嬅肥到被誤以為陀B

楊千嬅最初發現自己膨脹,仍未有減磅意識,她說:「我照鏡見到好唔對路,啲人仲以為我有咗。丁生雖然冇乜微言,但係都feel到佢覺得唔好再食喇!但係好奇怪,之後又繼續煮同食,個仔要叫我煮喎!好喇終於煮出個大頭佛,煮大咗幾個size。到咗6月,丁生終於問我仲想唔想做個騷?我知道要減啦!」其實身為樂壇天后開個唱應該係以歌為主,身材只係其次,如果唱live唔夠氣又走音,不如花多啲時間練歌仲好啦!不過個唱最終因疫情取消,楊千嬅又可以繼續大吃大喝喇!

疫情期間為電影《麥路人》做宣傳,楊千嬅包到冚都覺肥。
疫情期間為電影《麥路人》做宣傳,楊千嬅包到冚都覺肥。
早前楊千嬅在youtube開設的頻道「MY LIVE TV」,丁太教人煮嘢食。
早前楊千嬅在youtube開設的頻道「MY LIVE TV」,丁太教人煮嘢食。
楊千嬅自家製節目《千言.慢煮》每集邀請不同嘉賓上來邊煮邊食邊傾,其中一集請來分量級人馬汪明荃,值得一提是千嬅中秋送月餅畀阿姐,搞到滿城風雨。
楊千嬅自家製節目《千言.慢煮》每集邀請不同嘉賓上來邊煮邊食邊傾,其中一集請來分量級人馬汪明荃,值得一提是千嬅中秋送月餅畀阿姐,搞到滿城風雨。

讀者留言