13期藝訓班聚會 楊怡林峯激罕合體 網民：好掛住犀利妹同Kingsley呀！
楊怡、林峯、陳少邦、趙永洪 、張美妮、陳少邦、徐榮、楊明、趙永洪、李忠希、傅楚惠，呢班人有咩共通點？原來都係1999年嘅第13期無綫電視藝員訓練班嘅同學，數數手指，都就快20年！因乜事咁人齊呢？原來8月30日係楊怡39歲生日，成班同學仔一齊同壽星女慶祝，連大忙人林峰都激罕現身，勁熱鬧，勁sweet！不過見到呢個場面，有網民就好唏噓咁話：「有幾多人仲喺大台？」，亦有網民期待「峯怡」呢個組合可以再次合體拍劇咁話喎！
原文：環球膠報｜圖片：微博
13期藝訓班聚會 楊怡林峯激罕合體
第13期無綫電視藝員訓練班嘅同學，已經相識近20年，而家仲有邊個留喺大台？
楊怡出名異性緣好，不過係同班男藝人稱兄道弟啫。
楊怡、傅楚惠、張美妮，三個都做咗幸福人妻。
而家得返張美妮一個仲喺大台拍劇。
識於微時嘅朋友永遠都係最好嘅！
壽星女楊怡成晚勁風騒！
大忙人林峯激罕現身！網民都話好掛住《談情說案》嘅「犀利妹」同「Kingsley」，好期待見到「峯怡」呢對熒幕情侶再一齊拍劇！
楊怡嘅IG留言﹕「相識已是緣份，感恩我們能相遇，相知，相惜，20年的友誼，不容易。13期萬歲，開心難忘的830，謝謝大家#13 #感恩 #幸福 #友誼永固。」
楊怡同老公謙謙慶祝生日
點解楊怡生日唔同老公羅仲謙過？人哋一早就慶祝咗啦！
兩公婆瘋狂放閃！
好有童心咁玩波波池！
閃到要隔住個mon都要戴墨鏡！
甜到糖尿喇喂！
波波池生日會，兩個大細路。
睇嚟佢哋兩公婆都好鍾意熱鬧。
