楊潮凱

楊潮凱分享湊B樂 不慎中「黃金子彈」

先後喺大台拍過《張保仔》及《使徒行者2》等劇嘅33歲男星楊潮凱,昨晚喺自己個Instagram度貼相,宣佈同太太的愛情結晶出世,見阿凱抱住BB的照片,仲發放愛的宣言㖭!榮升新手爸爸的阿凱不時在IG分享湊囡囡之日常,日前佢話畀囡囡搞到佢成身「黃金子彈」,認真搞笑!

 

撰文:東方新地|圖片:楊潮凱 Instagram、新傳媒圖片庫

楊潮凱 晒囡囡「黃金子彈」

阿凱在其IG貼相及留言:

楊家槍擊案案發現場

楊生:「楊小姐,就呢件事可唔可以解釋下?」
楊小姐:「……」(擰轉面不願上鏡)
馬龍白蘭度表示遺憾。

#新手爸爸之日常#呢一槍焦耳好大#點解可以射得咁準同咁遠嘅#真係好孝順#黃金子彈

楊潮凱
楊潮凱在IG話中咗囡囡啲「黃金子彈」!

相信無幾多個爸爸可以抵擋小情人的魔力,阿凱都唔例外!早前佢就上載咗同囡囡對望的照片,留言寫到:「望著你,頓時發覺沒有什麼比你更重要。」好甜蜜呀!

楊潮凱
楊潮凱望住囡囡瞓覺覺得好冧!
楊潮凱
表姐都嚟探BB呀!

楊潮凱BB出世

楊潮凱喺FB上載抱B照,父愛洋溢!佢仲留言話:「感謝神,賜給我這可愛的小天使。多謝太太,承受了這極大的痛楚,我愛你。小天使,你要身體健康!快高長大啊!爸爸媽媽永遠愛你!」雖然阿凱無公開BB性別,但BB用粉紅色被仔包住,唔知係咪囡囡呢?

楊潮凱
楊潮凱同太太嘅愛情結晶品出世了!恭喜晒!

楊潮凱

以超聲波照報喜訊:「我會好好照顧你同BB!」

楊潮凱與太太江玉儀是初戀情人,二人於2013年結婚,結束長達11年的愛情長跑,楊潮凱去年十月於社交媒體張貼超聲波相報喜:「各位親愛的朋友們,今天我有一個開心的消息宣佈 — 『我做爸爸喇!』 感謝太太,往後的日子我地有排學喇!我會好好照顧你同BB。」BB未出世,阿凱已經話要為家人努力賺錢,誓要做個好爸爸,睇來BB會有一對好愛錫佢嘅父母!如今為家庭添加新成員,實在可喜可賀。

楊潮凱
楊潮凱去年於Instagram張貼了一張超聲波照片。
楊潮凱
楊潮凱婚照

楊潮凱

眾星好友賀結婚 楊潮凱當年淚灑婚宴

楊潮凱與初戀女友拍拖11年,終在2013拉埋天窗。人緣甚佳的阿凱當年筵開42席,獲眾多圈中好友擔任兄弟姊妹團,包括胡杏兒、香香、鍾嘉欣和鄭俊弘等。在新人感言環節,楊潮凱更一度因感觸流下男兒淚,幸得在旁的新娘為他擦眼淚,讓在場觀眾非常感動!阿凱當年於婚禮上發表愛妻宣言,他感謝老婆在工作上給他無限量的支持,就算知道做藝人人工不多,都支持他參加訓練班,踏上追夢的路。

楊潮凱

楊潮凱

捱足8年終上位 感激太太不離不棄

楊潮凱醉心於演戲,多年來於TVB打滾,就是為了等待擔正做男主角的一天。自從在《天與地》中飾演年輕版陳豪,楊潮凱的演技終於得到賞識,去年他曾於IG分享事業上大突破:「這幾年一步一步,默默耕耘,努力裝備自己,盡力把握每一個機會,直到今天信念從無動搖。今天,我想同大家分享我的喜悅,我第一套擔演男主角的作品要同大家見面喇!」入行8年第一次擔正的阿凱坦言,見到主演劇集《降魔的番外篇-首部曲》海報時感動得想哭!

楊潮凱

楊潮凱得到今時今日的成就,全賴他的堅強信念,以及老婆江玉儀的不離不棄。從事教育的楊太一直是阿凱的最強後盾,二人多年來亦一同分擔經濟負擔,今年阿凱事業和家庭都有突破,絕對是喜事多的一年!

楊潮凱

二人相愛十多年,祝福他們組成一家三口後更幸福!

楊潮凱

楊潮凱

關鍵詞
楊潮凱