楊茜堯

楊茜堯貼初生囝囝合照 大讚大細路羅子溢好努力學做好爸爸

最新娛聞

廣告

楊茜堯(前名楊怡)羅子溢(前名羅仲謙)去年4月誕下囡囡小珍珠,日前(15日)驚爆42歲楊茜堯秘密入院誕下兒子,為羅家添丁湊個好字,成功兩年抱兩﹗楊茜堯和羅子溢今日( 23日)在社交網貼出初生兒子的合照兼大晒全家福,一臉幸福的楊茜堯公開多謝口中貪玩的大細路羅子溢﹗

文:東方新地|圖:[email protected][email protected]_yeung

楊茜堯和羅子溢分別在社交網貼出三張初生囝囝的合照,穿上白色毛衣的楊茜堯精神飽滿,臉及手未見有水腫,狀態極佳﹗楊茜堯一臉幸福抱住出世一周的囝囝,與太太眼神一致的羅子溢以手輕撫兒子額頭﹗囝囝一頭烏黑又濃密頭髮,鼻高咀細,遺傳父母優良基因﹗一定好靚仔﹗

楊茜堯 楊茜堯剛誕下兒子一周,束起馬尾與兒子影合照,剛生B後的楊茜堯狀態好好,零水腫﹗
楊茜堯剛誕下兒子一周,束起馬尾與兒子影合照,剛生B後的楊茜堯狀態好好,零水腫﹗(圖片來源:[email protected]_yeung)

楊茜堯:媽媽會有更多勇氣,勇敢向前

楊茜堯同時分享:「這幾天收到很多朋友的祝福和問候,但沒有時間遂一多謝,實在抱歉🙏🏻是的,我們的家多了一位小寶貝👶🏻他的到來令我們欣喜萬分!能夠再一次體會小生命在自己身體裏成長,還是充滿著莫名的興奮和悸動,時間短暫,倍感珍惜……❤️❤️❤️

我相信每一位媽媽,有了自己的孩子後,有時也會有軟弱無助的時候,但是因為你們,媽媽會有更多的勇氣和堅定的意志,勇敢向前。因為有了你們讓我們成就更好的自己,大家手拖手迎接未來,爸爸媽媽都會一起加油!❤️」

楊茜堯:謝謝老公﹗雖然你還像個大孩子般貪玩,但也努力學習

楊茜堯多謝醫護人員的貼心照顧外,亦大讚老公羅子溢:「還要謝謝老公@lawhimmm你雖然還像個大孩子般貪玩,但也在努力學習中❤️感激我媽媽,一直勞心勞力地照顧珍珠家姐,I love you 媽媽😍還有奶奶的幫忙和照顧,減輕不少負擔🙏🏻😘有家人和朋友們的陪伴是最好的止痛藥😘」

楊茜堯 一歲九個月大的小珍珠當姐姐了﹗
一歲九個月大的小珍珠當姐姐了﹗(圖片來源:[email protected]_yeung)
楊茜堯 一家四口好幸福﹗
一家四口好幸福﹗(圖片來源:[email protected]_yeung)

羅子溢有感一歲九個月女兒突然長大了

羅子溢亦於同一時間出po並寫到:「作為丈夫,好感激太太嘅付出,懷孕期間太太同時要照顧心心,又要打理各方面嘅事情,要好感激太太嘅一切一切❤️@tavia_yeung。當細佬出世嘅時候,睇到心心有微妙嘅轉變,感覺佢突然長大,可能感受到自己係姐姐,睇到佢主動摸細佬、錫細佬,我同太太都好感動,作為父母最大心願都係希望自己嘅小朋友能快樂、健康成長!」

上周驚爆楊茜堯秘密誕下兒子,羅子溢在IG貼出囝囝腳掌公布「母子平安﹗」
上周驚爆楊茜堯秘密誕下兒子,羅子溢在IG貼出囝囝腳掌公布「母子平安﹗」(圖片來源:[email protected]

驚爆42歲楊茜堯秘密誕第二胎 兩年抱兩 湊成好字

楊茜堯和羅子溢夫婦對懷孕事情向來低調,過往拍劇捱壞身體,婚後已屬高齡產婦的楊茜堯休養多年才懷上第一胎,陀住大女「小珍珠」時適逢疫情嚴峻,夫婦在去年2月公佈有喜,4月便宣布小珍珠出世!今次久未露面的楊茜堯更完全封殺懷孕消息,今年8月兩公婆齊齊慶生,據講當時懷孕5個月的楊茜堯,po相成功掩蓋孕味,今日便驚爆楊茜堯已為羅家添丁,恭喜恭喜!計番造B時間,推算是夫婦二人去年尾到內地拍攝劇集《家族榮耀》時製造,當時兩人放低囡囡小珍珠俾楊媽媽湊,齊齊搵人仔,結果有意外收穫!

中秋佳節,楊茜堯野餐玩燈籠,鬆身tee加貼圖公仔遮肚。
中秋佳節,楊茜堯野餐玩燈籠,鬆身tee加貼圖公仔遮肚。(圖片來源:[email protected]_yeung)
楊茜堯和羅子溢均在8月生日,今年8月齊齊慶生,都只放大頭照,腹部位置唔見光。
楊茜堯和羅子溢均在8月生日,今年8月齊齊慶生,都只放大頭照,腹部位置唔見光。(圖片來源:[email protected]_yeung)
楊茜堯 去年尾撐甩囡囡,與老公羅子溢到內地拍劇,劇中楊怡陀住大肚喪跑避開車輛爆炸一幕觸目驚心。
去年尾撐甩囡囡,與老公羅子溢到內地拍劇,劇中楊怡陀住大肚喪跑避開車輛爆炸一幕觸目驚心。(圖片來源:《家族榮耀〉預告片截圖)
楊茜堯 劇中兩公婆分別為黃浩然和李彩樺伴侶。
劇中兩公婆分別為黃浩然和李彩樺伴侶。(圖片來源:《家族榮耀〉預告片截圖)
羅子溢和楊茜堯囡囡小珍珠4月滿一歲啦,視囡囡如掌上明珠,為她開生日party。
羅子溢和楊茜堯囡囡小珍珠4月滿一歲啦,視囡囡如掌上明珠,為她開生日party。(圖片來源:羅子溢IG)

相關文章:

羅子溢永遠是小珍珠的避風港

羅子溢和楊堯茜囡囡出世撞正疫情,對囡囡防疫保護升級,幾乎足不戶,近來疫情稍為緩和,楊堯茜開始帶女兒見朋友,更激罕貼出close up囡囡大頭照同大家分享,1歲的小珍珠躺在爸爸臂彎,一對大眼睛更同爸爸如倒模,楊茜堯感觸留言:「風大雨大,爸爸的懷抱就是避風港。 #爸爸大汗淋漓 #媽媽我兩袖清風 #珍珠雖然很熱還是要抱緊爸爸」對囡囡愛黐爸爸,楊茜堯似乎有點呷醋。

楊茜堯 小珍珠果然是羅子溢的上世情人﹗
小珍珠果然是羅子溢的上世情人﹗(圖片來源:楊茜堯IG)

羅子溢爆囡囡對太太感陌生 楊茜堯好傷心

羅子溢和楊堯茜去年尾為搵奶粉錢,離港多月,小珍珠由楊媽媽照顧,二人只能靠視像電話以解對女兒相思之苦,終於趕在農曆年返港,羅子溢囡囡對二人感到好陌生而爆喊,羅子溢靠同女兒玩人肉升降機才重新新建立感情,但女兒對太太仲有啲陌生,需要時間重新建立母女情。

楊茜堯 羅子溢爆自內地拍劇返港,數月不見子珍珠,小珍珠對他和太太二人陌生都爆喊,羅子溢靠同小珠珍玩人肉升降機去重新拉近父女情。
羅子溢爆自內地拍劇返港,數月不見子珍珠,小珍珠對他和太太二人陌生都爆喊,羅子溢靠同小珠珍玩人肉升降機去重新拉近父女情。(圖片來源:羅子溢IG)

羅子溢爆做足細節免老婆呷醋

楊堯茜爆羅子溢覺得囡囡連便便都是香的,會落手落腳幫忙湊女,羅子溢就爆太太曾呷女兒醋,所以盡量提醒自己要識做,又笑言囡囡一定要學懂先叫媽媽,免得太太呷醋﹗羅子溢又話每次放工回家會先叫老婆,之後才抱囡囡,又會同太太講「辛苦你喇﹗」,佢話呢啲細節一定要做足。

羅子溢強勁臂彎擁餅印女 楊茜堯被老公爆為女兒呷乾醋

楊茜堯女兒得來不易,錫到燶﹗

羅子溢愛的宣言變「愛的酸言」

羅子溢和楊茜堯結婚今年第五年,去年4月太太誕下B女小珍珠,羅子溢開口埋口都提住囡囡老婆,一副老婆奴,曾講每次工作辛苦,只要想到老婆在家舒服,自己辛苦也值得的愛妻宣言,不過網民卻有另一解讀變成「愛的酸言」,紛紛留言鬧爆羅子溢。

楊茜堯 羅仲謙 羅子溢 楊怡
羅子溢和楊茜堯拍拖五年的姊弟戀開結果,16年3月在英國古堡行禮,同年年尾在港擺酒。二人生日日子相近,年年一起慶祝,會互相給對方驚喜,去年8月剛坐完月的楊茜堯繼續孖老公一起慶祝,甜蜜又幸福。

羅子溢婚後分隔兩地

36歲羅子溢和41歲楊茜堯16年結婚,婚後羅子溢主力在內地搵人仔,老婆則刻意減產養好身子努力為羅家繼後香燈,後來肚皮未有動靜,為免長期分隔兩地,羅子溢最後回歸無綫拍劇,希望努力造人有成果,努力多年,去年4月楊茜堯誕下囡囡小珍珠,愛妻號羅子溢每次做訪問都將老婆囡囡掛嘴唇邊,一副幸福冧樣。

楊茜堯 羅仲謙 羅子溢 楊怡
羅子溢抱住前世情人,一臉幸福。

羅子溢喺訪問話每次工作無論幾辛苦,只要想到老婆在家好舒服好得閒,就覺得自己的辛苦可換來老婆的開心是好值得,愛妻號羅子溢的愛的宣言近日在網上瘋傳,不少網民有另一番解讀,留言指羅子溢話中有話,「點解好似有骨嘅?」、「一聽就知講說話畀老婆聽」、「將心聲講咗出嚟,話老婆喺屋企好得閒」、「真係好有骨,夠膽講好舒服好得閒」、「喺屋企湊女點會得閒?」

網民解讀成「愛的酸言」

楊茜堯 羅仲謙 羅子溢 楊怡
網民話羅子溢說話有骨。
楊茜堯 羅仲謙 羅子溢 楊怡
網民覺得羅子溢講說話畀老婆聽。
楊茜堯 羅仲謙 羅子溢 楊怡
網民不滿羅子溢指老婆在家好舒服好得閒。
楊茜堯 羅仲謙 羅子溢 楊怡
網民紛紛鬧爆羅子溢。
楊茜堯 羅仲謙 羅子溢 楊怡
網民不滿羅子溢話老婆在家好得閒。
楊茜堯 羅仲謙 羅子溢 楊怡
網民更指羅子溢事業要靠老婆。

羅仲謙 羅子溢 楊怡

羅子溢訪問被翻醃

有網民都戥羅子溢慘,無一句正面留言,不過翻查紀錄,這應該是羅子溢做爸爸前的訪問,當時正值是楊茜堯刻意減產等孕到,由於老公在內地工作,為了見一面而北上探老公班,不過自認大男人的羅子溢亦曾指希望可以養起老婆囡囡,讓老婆享福不用工作,不過若然老婆愛工作也不會阻止,相信當日的愛妻宣言,跟今日羅子溢的想法還是一樣。

楊茜堯 羅仲謙 羅子溢 楊怡
一家三口幸福美滿。

甜晒老婆視覺下的羅子溢

之前楊茜堯同羅子溢未改名時不時享受二人世界,楊茜堯更以老婆視覺晒出同老公甜蜜踩單車嘅一段短片,睇到唔少網民都話好閃呀!楊茜堯婚後開始減產,而老公為給最好生活楊怡亦好努力搵錢。之前楊茜堯喺個人社交網上載同老公踩單車短片,坐車尾負責揸機嘅楊茜堯就留言:「愛是這樣簡單 #老婆視覺#」。

楊茜堯 老公回眸一笑
老公回眸一笑

羅子溢話每次想起老婆屋企享樂辛苦也值得 被網民解讀成「愛的酸言」

楊茜堯雖然冇上鏡,但就以老婆私人視覺影低老公為自己踩單車一段甜蜜時刻,仲有工人喺單車上嘅影子,再加片尾楊怡自己嘅心心手指pose,唔洗出聲都知佢有幾冧啦!

羅子溢話每次想起老婆屋企享樂辛苦也值得 被網民解讀成「愛的酸言」

就連朱晨麗睇到段片都忍唔住留言:「浪漫到呢」,咁成段片又真係好閃盲眼睛嘅~

羅子溢話每次想起老婆屋企享樂辛苦也值得 被網民解讀成「愛的酸言」

楊茜堯(楊怡):我同馬明係最夾

楊茜堯曾在訪問時大談當年老公係點將佢追到手,她笑指其實當初根本冇特別留意對方,冇諗過自己將會同佢拍拖,冇諗過呢套《On Call36小時》會成為佢嘅人生轉捩點。

佢當時只係專心拍戲,就連大家都完全估唔到,因為呢套戲同楊怡撮合埋一齊嘅居然唔係戲中好拍檔、好情侶馬國明!楊茜堯話:「真係好奇怪,因為同佢(羅子溢)係風馬牛不相及嘅人,而且大家都覺得我同馬明係最夾。」

羅子溢話每次想起老婆屋企享樂辛苦也值得 被網民解讀成「愛的酸言」

其實,楊茜堯你唔使奇怪,愛情就係咁,愛情係霎那間嘅火花,愛情本來就係會來得突然,一個本來一直喺你身邊嘅人,你可能會有一日「叮!」一聲,同佢刷出火花。所以,只可以話楊茜堯你同老公仔羅子溢係命運中要刷出愛火花嘅一對情侶,係命運將你兩個風馬牛不相及嘅人拉埋一齊。

楊茜堯 楊怡、羅仲謙拍《on call 36小時》時撻著。
楊怡、羅仲謙拍《on call 36小時》時撻著,當時未改名。

使出宵夜攻勢

深夜,孤零零一個一個女仔仲要留喺公司做嘢拍戲,咪話唔慘。當時仲叫羅仲謙的羅子溢就識做啦!原來拍《On Call 36小時》嘅時候,每當當時未改名楊茜堯的楊怡要開夜拍劇,羅都會問楊想食咩宵夜,然後每晚準時喺楊開夜嘅時候,羅就以送宵夜嚟嘅名義陪楊開夜拍戲喇!

羅子溢話每次想起老婆屋企享樂辛苦也值得 被網民解讀成「愛的酸言」

原來羅呢招宵夜攻勢認真使得㗎!連楊都話雖然當初冇為意到晚晚出動宵夜攻勢嘅羅其實係追求緊佢,不過楊坦言對方嘅宵夜攻勢的確令佢加咗唔少分,「我好記得有一次。雖然嗰日佢好早收咗工,但我就要開夜。喺開夜嘅時候,佢就專登返返嚟公司請劇組人員食生果同蛋糕。我喺嗰個時候就覺得,佢係個幾唔錯嘅男仔。」

羅子溢話每次想起老婆屋企享樂辛苦也值得 被網民解讀成「愛的酸言」

終極一擊:燒豬慶生

各位觀眾,其實茜堯同羅子溢仲有一樣嘢係證明佢地真係命運中嘅一對,就係原來佢哋兩個嘅生日只係相隔兩日㗎咋!呢個世界邊有咁巧合嘅事,咁都俾佢地遇到,仲唔係天生一對?

羅子溢話每次想起老婆屋企享樂辛苦也值得 被網民解讀成「愛的酸言」

講開生日,有暗戀過人嘅你哋都知,第一件事就係要記住人哋幾時生日,到時到候俾啲表示。羅都係唔例外,佢知道佢同楊嘅生日只係相差兩日,仲要大家生日嗰排都一齊拍緊劇,羅於是就利用先天優勢,同楊助手講,不如楊同佢同劇組一齊慶生吖!就係咁!成咗事!慶生當日,羅攞咗隻燒豬出嚟,冇錯!係燒豬!羅打算用燒豬幫楊慶生!真係夠曬特別!就係因為羅呢隻燒豬,令二人嘅距離拉近咗喇!

羅子溢話每次想起老婆屋企享樂辛苦也值得 被網民解讀成「愛的酸言」

大讚係好老公

楊茜堯喺港台個訪問入面仲話雖然老公份人好懶,去旅行唔到最後都唔執行李,但懶惰嘅羅子溢,為咗自己改變咗,「佢會為咗我而拎背囊,因為我將啲水、旅遊書、遮塞晒比佢拎。」

羅子溢話每次想起老婆屋企享樂辛苦也值得 被網民解讀成「愛的酸言」

除此之外,羅子溢一啲都唔物質主義,唔會特登買花買貴重禮物哄老婆開心。被問到羅子溢點解咁做,原來因為覺得佢哋兩個嘅感情唔需要用物質去維繫,佢哋兩個過嘅係細水長流嘅愛情。

羅子溢話每次想起老婆屋企享樂辛苦也值得 被網民解讀成「愛的酸言」

讀者留言