楊證樺

楊證樺為愛妻沈可欣送驚喜 直升機補求婚

綠葉夫婦楊證樺沈可欣一直默默地喺電視度擔當配角嘅角色,但原來現實生活中佢哋喺夫婦,仲已育有一名兩一歲嘅兒囝囝楊宏志(Eugene)。日前楊證樺同沈可欣擔任由田蕊妮主持嘅《1+1的深情》嘅嘉賓,分享兩人嘅戀愛故事,講起囝囝抽筋暈倒一刻嘅心情;另外楊證樺又送上驚喜,叫齊雙方好友見證,喺直昇機場向沈可欣補求婚,閃盲觀眾呀!

原文:Sunday Kiss|圖片:《1+1的深情》截圖

「綠葉夫婦」 楊證樺沈可欣

楊證樺及沈可欣同為無綫綠葉演員,演出劇集無數,有睇電視的大家未必叫得出真名,但一定認得兩人!佢哋早已認識十多年,但真正走在一起只是近幾年的事,對於戀情十分低調,很多藝員同事直至兩人結婚才得悉,仲以為拍緊戲!兩人現時育有一個就快2歲嘅兒子楊宏志 (Eugene)。

楊證樺楊證樺

楊證樺楊證樺

囝囝抽筋暈倒 楊證樺:人生去到嗰一刻,原來所有嘢都可以唔要

楊證樺同沈可欣擔任《1+1的深情》嘅嘉賓,分享兩人嘅愛情故事,當中佢哋提及囝囝楊宏志 (Eugene)上年突然發燒,睇醫生後久久未退燒,之後楊證樺揸車去醫院途中,囝囝更突然抽筋,然後暈倒、失去知覺。

當時沈可欣已經喊到死去活來,以為囝囝咁就走咗… 幸好十多秒後囝囝有返喊聲,楊證樺個心先定落嚟少少。

人生最深刻一次

去到醫院,囝囝再度失去知覺,醫生馬上為Eugene進行急救,好彩最後平安無事。沈可欣憶述當時有人同佢講「頭先你個仔個嘴變咗紫色」,佢話佢寧願唔知道,嚇死佢哋。佢哋話,依一次係佢哋人生之中最深刻嘅一次。

楊證樺講述當時嘅心情:「去到嗰一刻,我原來所有嘢都可以唔要,我只要個仔。」

楊證樺 鍾意沈可欣夠師奶

另外講到楊證樺同沈可欣嘅愛情故事,其實兩人喺拍拖前已經相識十幾年,一直只係朋友,亦無真正合作過。直至有段時間二人恰巧住喺同一區,住得近咗又開始合作拍劇,楊證樺開始追求沈可欣。

後來世界盃期間,楊證樺約沈可欣去佢屋企睇波,兩人慢慢就開始拍拖。

雖然話楊證樺唔係咩知名藝人,又唔算好靚仔,但原來佢以前都幾唔定性,拍過成三十幾次拖!直至遇上沈可欣後,佢話鍾意沈可欣性格「夠師奶」,精打細算、心思細密,更會拉著成日唔理後果「橫衝直撞」嘅自己。

驚喜補求婚

楊證樺同沈可欣由朋友、到拍拖、到結婚嘅過程非常快,因為係有咗小朋友先至結婚,決定結婚嘅過程非常倉促,所以並無浪漫嘅求婚。為此,楊證樺決定要聯同朋友俾個驚喜沈可欣,向佢補求婚。節目中佢呃沈可欣要去香港沙頭角嘅城堡拍攝,偷偷哋準備直升機,送老婆一個驚喜。喺沈可欣去直升機場嘅途中,沈可欣都透露話當時求婚係喺佢睇緊電視嘅時候發生,好唔浪漫。

沈可欣去到現場見到楊證樺準備嘅驚喜,個嘴O到合唔埋,之後感動流淚。楊證樺求婚嘅時候仲話:「喺嚟緊嘅日子我會用盡我嘅能力,守謢你、保護你、愛護你。」